الى ام رامي و ام سامي والى كل العضوات

[إلهام07]

السلام عليك،
أنا جربت طاجين البسباس و جا يهبل ، شوفي واش درت :
* في كوكوط قليت بصل+ثوم+ملح+زيت+فلفل أسود+دجاج ، ثم أضفت القليل من الماء ( كيما نقولو مرقت )
* في نفس الوقت قمت بتنظيف البسباس ( استعملت حبات متوسطة الحجم ، استعملت حوالي 1كغ و نص ) و غسلتو و قسمتو بالطول ( الحبة اللي رقيقة نقسمها بالطول على 2 و اللي خشينة نقسمها بالطول على 4 ، أما الحبات الصغيرة فخليتها مجمولة)
* نضيفو البسباس للمرق و نضيفو معاه حوالي رطل جلبانة ( أنا استعملت جلبانة مجمدة )، ثم تزيدي الماء حتى تتغطى الخضر ( ما تكثريش الماء لان الجلبانة و البسباس يطيبو بسرعة و الطبق هذا لازم لاصوص تكون شوية برك) ، بعد ما تغلي ، أغلقي الكوكوط و الطيب قدميه بعد ما تزينيه بشوية معدنوس و تعصري عليه شوية ليمون.
صدقيني هذا الطبق يجي في المذاق روعة .
ملاحظة: إذا حبيتي ديري العقدة ( إضافة القليل من الفرينة للمرق حتى يثقال ) ، فهذا حسب الذوق. أنا مادرتش العقدة و جات مليحة.
إذا عندك أي استفسار أنا في الخدمة