اعطوني طريقتكن في عمل القهوة والشاي

[lofi]

أنا دير الماء يغلي

في ابريق الشاي ندير نعناع يابس (نحوه أخضر ونشفوه فوق جرنان كي يبس نخبوه ) ونضيفلو فنجان تاي و ضيفي اورقات نعناع فري

كي يغلى الما نديرو في الابريق باش نشلل النعناغ والتاي ونفرقو من الابريق

ونعاود نعمرو ما مغلي ونفرق الما من الابريق

هذي العملية نسموها تْمَصميص

تم المره 3 ندير الما مغلي في الابريق

ونديرو فوق النار ونقصي عليها

هذي العملية نسموها تِجْمَار

راه الاتاي والنعناع يتغلاو

ثم نحيه من النار

وجيبي كاس وأبداي سربي اللتاي في الكاس وارفعي ايدك باش يجيك الزبود ثم رجعيه التاي في الابريق وكرري العملية 5 مرات

اللون الفاتح يتعير الى غامق ويثقال (ادا مزال اللون فاتح كرري العملية)

ثم جيبي الابريق لي رايح تحطي فيه للضيوف وحطي سدادة وسربي فيه التاي


واضيفي السكر وخلطي
واضيفي ورقات نعناع فري

أما القهوة

القهوه نديرها في البراس كي تطيب نعدلها ادا جاتني تقيلة وندير السكر ثم نظيف شويه قرفه و+ فلفل أسود(مرحي) هو ثاني ديري غير شوية بين الاصابع ونظيف قطرات ماء الزهر وشوية خلجلان

هدي القهوة ماديرهاش مع الحليب لأنها معطرة تشرب وحدها