همزة وصل بين المعلم و الولي : انت تسأل والمربي يجيبك

[وفاء سعاد]

بارك الله فيك ياستادي فلقد فهمت ماالمطلوب ان شاء الله غدا راحة يوم الجمعة نبدى معاها

[~ حراير ~]

المشاركة الأصلية كتبت بواسطة عبد الناصر أمازيغ

ياو خطها حكايتو حكاية ، على هذا ما تعرفتش عليه

لما جيت البارح في الليل نحمّل في موضوعها ، باش يلحق لجبال جرجرة لازم يفوت على جبال عمور و القصور و أولاد نايل ، و علابالك البرد في الليل قاسح ، أيّا تغير اللون نتاع الخط من الأحمر للأسود من شدة البرد . مسكييييين !!!

الحقيقة ، في مدرستنا عندنا طابعة بالأسود فقط ، على هذا ما تعرفتش على خطها .

أما العلامة ، ياك قلت لكم أنا مشحاح في تنقيط التعبير الكتابي ، و تلاميذي يشهدون على ذلك ، أنا عطيتها سبعة و نص باش الخطرة الجاية تزيّر روحها باش نلحقها لثمانية ، و إذا كتبت خطا مثل تلاميذي ، نزيد لها نصف نقطة أخرى .

و هذا نموذج لخط تلاميذي ، هم الآن في السنة الثالثة .

السلام عليكم و رحمة الله تعالى و بركاته
شكرا جزيلا الشيخ عبد الناصر أنا من عادتي الصباح نقرأ الجريدة و بالصدفة فتحت صفحتنا المميزة و الرائعة و والله أني فرحت و استبشرت بردك و رد أخي أغيلاس و معلمتنا الفاضلة شيئ من رجاء و وريتو لأريج و ابتسامتها وصلت من الطرف للطرف .... انا اكثر حاجة تفرحني في هادي الدنيا لما نشوف بنياتي فرحانين فم خلاص نحس روحي ملكت الدنيا بما فيها

التحدي نتاعك بالنسبة للخط راهي بدات توجدلو قعدت قبيلة على كراسة خط كنت حملتها من قبل و طبعتها و لكنها كانت مرمية في الدرج اليوم جبدتها و قاتلي لازملي نحسن خطي .... و الحمد لله على هاد الساعة المباركة

الشيخ عبد الناصر شكرا و بارك الله فيك و في وليداتك
ربي يرزقك فى الدنيا حسنه و فى الاخره حسنه و يقيك عذاب النار و عذاب القبر وعذاب الاخرة و ربي يفتحلك ابواب رحمته و يفتحلك ابواب مغفرته و ربي يسترك فوق الارض و تحت الارض و يوم العرض عليه و ربي يجعلك من اهل القران الذين هم اهله وخاصته و يجعلك من كل هم فرجا ومن كل ضيق مخرجا ومن كل بلاء عافيه و يكفيك بحلاله عن حرامه وبفضله عن من سواه و ربي يثبتك بالقول الثابت فى الحياه الدنيا وفى الاخره ويجعلك من الامنين اللهم آمين

[~ حراير ~]

السلام عليكم و رحمة الله تعالى و بركاته

المشاركة الأصلية كتبت بواسطة ~~ أغيلاس ~~

و عليكم السلام و رحمة الله و بركاته،
.
الضرب أحيانا نافع خاصة و أن بعض التلاميذ لا يهتمون بتاتا، شخصيا اشتقت إلى ضرب معلمتي ( كنت مجتهدا لكن ثرثارا ) أما ضرب معلمة الفرنسية فلا مثيل له، الضرب على أصولو، حتى معلمة العربية ما قصرتش معانا ( ههه ) و الله كانو يضربونا حبا فينا، ممكن يبالغو فالضرب لكن الواحد لما يكبر يلقاه حلو، الجيل تع ضرك مفشش بزاف،،،،،،،،،،،،

شكرا اخي أغيلاس حسيت أن ردك عليا مساندة منك و والله اني فرحت بردك كثير كثير وش راح انقولك فعلا كامل دينا الخبط و نزيد نقولك والدتي ربي يحفظها لما نتضرب في القسم كانت تزيد تضربني في المنزل و كانت تقولي حاجة صدقني و انا سنة سابعة في المتوسط كنت نصدقها .... كانت تقولي علابالي بكلشي وش صرا في المدرسة و العصفورة خبرتني و كنت من نيتي مصدقتها و نحكيلها كلشي بصدق... اما انا لما حبيت نقتدي بوالدتي من التحضيري مانفعتش معايا و فاقولي هيهيهيهه
و هاد الكلام قلتهولهم كامل و ديما انبههم ان المعلمة دايما معها حق اما التعليمات الوزارية الجديدة فانا عن نفسي لا أؤمن بها حتى أعلمها للتلاميذ

و معلمة بنتك ممكن تبالغ فالضرب لكن لما تضربهم و تصرخ عليهم هي المتضررة، راح تتعب نفسيا و جسديا، ما تقارنيش بقية التلاميذ ببنتك، ممكن بنتك أو عشرة معاها فالسم يحفظو و يتبعو الأوامر بحذافيرها لكن البقية عايشين فعالم آخر، و عليه لما تعاقب الجميع لمصلحتهم مش ممكن تخلي بنتك، خلي تذوقها شوية طرايح بش المرة الجاية تتحزم مية مية،

راهي ذاقت الضرب و جات يديها زرق و صح انا سكت المرة الأولى لكني قعدت تكلمت معاها و فهمت أنها "ماتت بالخوف لأن المعلمة قعدت تعيط تعيط تعيط" فلمتها على خوفها و هي حافظة و بينتلها الخوف وش يدير في الإنسان و كيفاش ان الضعف مش مليح و مليحلو يكون قوي .... يمكن نكون تكلمت معاها كلام كبير لكني حسيتها هدات
بالنسبة للمعلمة والله انك نبهتني لما علمته بالأحمر و لكن في الأول و الأخير علاجال من راهي تتعب و تضر في روحها راهي علاجالهم و كاين امهات يفقدو عقولهم مع ولادهم فمابالك بالغريب و هي ليست غريبة .... والله اني حشمت من روحي على كلامي عليها مسكينة تغيض

بنتك الله يبارك غلطت في 8 في 8 أختي حفظت من 1 حتى لـ 5 و مش حفظ جيد، قلتلها لما تكون عملية تع ضرب تع 9 أو 6 .... اكتبي الجدول في المسودة منبعد حلي العملية،،،،،،،،،،،،،، ما كانش عندها الوقت بش تحفظ الجدول لأنني دايرلها برنامج تبعو، أنا اللي نقرر وش تقرى ( ههه ) و عليه راحتلها العشرة من عشرة في الرياضيات بسبب العمليات الحسابية، كلش صحيح و الوضعية صحيحة الطريقة فقط خطأ طفيف في الحساب حرمها من نقطة، هذا في الاختبار و نفس الإشكال في فرض آخر، يعني تتحصل على 9 بسببي، و مع ذلك هي أكبر علامة في القسم، الإجازة هذي إن شاء الله تحفظو مليح .

في الحقيقة الفضل يعود لربي سبحانه و تعالى الي عرفني بناس نافعين و يحبو الخير للناس مثل الشيخ عبد الناصر الي عطاني عدة طرق كلهم مفيدين في الحقيقة حاول تضرب طلة على المشاركات راح تلقى بعض الإفادات و عندي كراسة لجدول الضرب تساعد على الحفظ إذا ما عندكش نعاود نحملهالك

و المعلمة اليوم بداتهم الضرب و العقاب، قالتلهم راح نغير اسلوبي معاكم بسبب هذه النقاط، اللي ميحلش تمارين يُعاقب بالضرب، اللي ما يحفظش يُعاقب،

قدمتلهم آيات في التربية الإسلامية يحفظوهم ( و يونس إذ ابق إلى الفلك المشحون ..... .......) أختي فقط من كان حفظها جيدا، و تلميذ و تلميذة آخران حفظ حسن ( تتعتع ) أما بقية التلاميذ فأخذوا ثلاث ضربات ثلاث ضربات،،،،،،،،،،،،،،، شوفي أغلب التلاميذ محفظوش لما المعلمة متضربش لكنها غيرت الطريقة معاهم بش دخللهم لفهامة للراس بالسيف .

علامات بنتك فالمواد الأاساسية ممتازة شوفي وين راه النقص فالمواد الاخرى و خليها تستدركوا و إن شاء الله تكون فالطليعة .

فعلا بنتي نقاطها مليحة في اللغة و الرياضيات لكن صدقني الفرنسية مش راضية عليها لأنها المعلمة تقرألهم الأسئلة و تشرحلهم بالعربية على هك مانيش فاهمة مستواها الحقيقي
و بالنسبة لقسمهم فهو دائما يضرب به المثل في المدرسة من ناحية النضافة و الجمال و النظام و في حفلة عيد العلم دائما يأخذ المرتبة الأولى على هك راني نقول المعلمة تعجبني بزاف غير ربي يفرج عليها و يهون كربتها آمين

المشاركة الأصلية كتبت بواسطة شيء من رجاء !

أما الضرب
فالبركة في الوزارة سجن عامين لكل معلم يضرب تلميذه ..

أنا قريت عن هذا الموضوع من قبل في الجرائد و لكني لم أصدقه
كنا بكري نقولو من علمني حرفا صرت له عبدا و بعدين قالونا لا العبودية تكون لله فقط يجب علينا قول من علمني حرفا صرت له عونا و درك من علمني حرفا اسجنه عامين لا حول ولا قوة إلا بالله العلي العظيم
الله لا يوصلنا يا أستاذة باش نحضرو لهاد الساعة الي يتهان فيها المعلم

عزيزتي أريج المسك سأعود لك إن شاء الله
فقط أود أن اقول تصرفي بحكمة مع معلمة ابنتك .

نستحمد لربي يا أستاذة أنه والدها موجود معنا هاد الأيامات أنا كنت راح نروحلها اليوم من باب أنه مش موجود أبواب مفتوحة و نحاول نهدر معاها بالشوية و هي عادتي معها
لكن والدها نصحني أني نروحلها بعد العطلة تكون هدأت و ريحت من تعب التلاميذ و لقيت كلامه صحيح

شكرا لكم و بارك الله فيكم على الردود أختي شيئ من رجاء راني نستنى في ردك المفصل

[وفاء سعاد]

المشاركة الأصلية كتبت بواسطة اريج المسك

السلام عليكم و رحمة الله تعالى و بركاته




فعلا بنتي نقاطها مليحة في اللغة و الرياضيات لكن صدقني الفرنسية مش راضية عليها لأنها المعلمة تقرألهم الأسئلة و تشرحلهم بالعربية على هك مانيش فاهمة مستواها الحقيقي
و بالنسبة لقسمهم فهو دائما يضرب به المثل في المدرسة من ناحية النضافة و الجمال و النظام و في حفلة عيد العلم دائما يأخذ المرتبة الأولى على هك راني نقول المعلمة تعجبني بزاف غير ربي يفرج عليها و يهون كربتها آمين




شكرا لكم و بارك الله فيكم على الردود أختي شيئ من رجاء راني نستنى في ردك المفصل

اختي اريج راني من قبل في القسم انتاعنا كنت حنكتبلك رد ونسيت وخرجت والان وانا نقرى في موضوعك تفكرت انا نضن انو هده المعلمة ايجابياتها اكتر من سياتها وزيد الضروف اللي حكيتيلي عليها والله غاضتني بزاف ارحمو من في الارض يرحمكم من في السماء وانا نعرفك رزينة وطيبة ماتهدري معاها ماوالو تهز نضرة اولا على بنتك وزيد الشئ اللي راهي فيه يعلم بيه غير ربي والاولاد الان مراهومش ساهلين كاينين اولاد هدايك هي الطريقة اللي تمشى معاهم احنا في الدار وننساو رواحنا فمابالك قسم واحد يجبد في قلبو والغاشى ولا علابالو بنتك راحت في الرجلين المهم بلاكش وراء العطلة تلقايها انسانة اخرى كي ترتح

[فراشات العمر]

شكرا جزيلا
حبيت نزيد اضافة ابني في المرتبة العاشرة راه اكبر معدل 8.48 راه قالي اعطيلي 50 الف باه يديرو حفلة قتلو كي تجي من الاوائل نديرلكم حفلة وحدي
جات بنت الجيران لي تحصلت على اكبر معدل كي حكيت معاها قاتلي بلي المعلم دائما يضربو على جال الخط راني حاصلة المعلم يقلهم اكتبو دائما الدرس كي نقلو هيا نكتبو يقلي انا عييت
كي يعود بكتب يتكمش ويضغط على الريشة غيرقول تعقد
لما خليتو يملي على روحو عاد خطو فاسد

[الأمنيات]

الاخ عبد الناصر والاخت اريج بنتي دات معدل 9،02
راها المرتبه الثانية بصح الفرنسية واش نقول لكم ما نعرفش لو حطيته لكم بنتي دايره اخطاء وهي اعطاتها عشرة في الواقع تدي سته6
المهم التنقيط ما عجبنيش
الرياضيات 9،5
نفس النقطه في اللغة

[~ حراير ~]

المشاركة الأصلية كتبت بواسطة الأمنيات

الاخ عبد الناصر والاخت اريج بنتي دات معدل 9،02
راها المرتبه الثانية بصح الفرنسية واش نقول لكم ما نعرفش لو حطيته لكم بنتي دايره اخطاء وهي اعطاتها عشرة في الواقع تدي سته6
المهم التنقيط ما عجبنيش
الرياضيات 9،5
نفس النقطه في اللغة

ماشاء الله لا قوة الا بالله تبارك الرحمن
ربي يفرحك بنجاحها دايما و ربي يحفظها من كل سوء

وش تقصدي بأخطاء املائية او أخطاء في الإجابة؟

[~ حراير ~]

المشاركة الأصلية كتبت بواسطة bant khlil

شكرا جزيلا
حبيت نزيد اضافة ابني في المرتبة العاشرة راه اكبر معدل 8.48 راه قالي اعطيلي 50 الف باه يديرو حفلة قتلو كي تجي من الاوائل نديرلكم حفلة وحدي
جات بنت الجيران لي تحصلت على اكبر معدل كي حكيت معاها قاتلي بلي المعلم دائما يضربو على جال الخط راني حاصلة المعلم يقلهم اكتبو دائما الدرس كي نقلو هيا نكتبو يقلي انا عييت
كي يعود بكتب يتكمش ويضغط على الريشة غيرقول تعقد
لما خليتو يملي على روحو عاد خطو فاسد

أختي بنت خليل جاوبيني بصراحة وقتاش فقتي بيه تعقد لما جاتك بنت الجيران و خبراتك انه المعلم يضربو
او اكتشفتيها من قبل ما يوصلك هاد الكلام
عموما ما لقيت وش نقولك راني نستنى معاك في الشيخ عبد الناصر وش يجاوبك و قد تفيدك الأستاذة شيئ من رجاء

بالنسبة للنقود بما انك ما عطيتيهش النقود لو انك خدمتيلو شوية حلويات أخذهم معاه خليتيه يزهى و يفرح باش يبدأ بداية مليحة و تحفزيه و تشجعيه للمثابرة أكثر
ماعليهش درك تفرت حاولي تبداي معاه بدية جديدة في الفصل الثاني و ربي يوفقك و يوفقه

[~ حراير ~]

أختي العزيزة الأمنيات أخي أغيلاس يمكن تعطوني فكرة عن برنامجكم في العطلة حبيت نهز أفكار من عندكم بعد اذنكم
انا في العادة الـ 3 أيام الولى ما نديرو فيها والو و بعدين نقراو كل صباح و نقضيو العشيات في الترفيه
و لكني حبيت نشوفكم و ش ديرو باش أنظم أفكاري في راسي

[الأمنيات]

المشاركة الأصلية كتبت بواسطة اريج المسك

ماشاء الله لا قوة الا بالله تبارك الرحمن
ربي يفرحك بنجاحها دايما و ربي يحفظها من كل سوء

وش تقصدي بأخطاء املائية او أخطاء في الإجابة؟

امين اريج انا نقصد بالاخطاء الاملائية واخطاء الاجابة

[فراشات العمر]

اختي ام اريج كي تعود نقري فيه وخاصة الكتابة راني عصبية ونعيط عليه بزاف الله اعلم اني انا لي عقدتو
واقيلا اني انا لي معقدة هههههههه كي نسمع واحد يهدرلي على الخط نتاعو نتقلق

[عبد الناصر أمازيغ]

المشاركة الأصلية كتبت بواسطة شيء من رجاء !

السلام عليكم ورحمة الله وبركاته
حياك الله أخي عبد الناصر
أود سؤالك ماذا تفعل بخصوص الجوائز التشجيعية ؟

و عليكم السلام و رحمة الله و بركاته

ألف تحية عطرة أختي " شئ من رجاء " .
معذرة ، لأني لم أر مشاركتك هذه التي أرد عليها ، لأنها جاءت في آخر الصفحة السابقة ، و أنا من عادتي لما أدخل لهذا الموضوع أذهب مباشرة للصفحة الأخيرة ، و ما رجوعي الآن للصفحة السابقة إلا لأرى في أي قسم يقرأ ابن "بنت خليل " .

أما بخصوص الجوائز التشجيعية فأنا لا أفعل شيئا إزاءها ، لأن البلدية أو جمعية أولياء التلاميذ يشترون الجوائز في نهاية كل فصل ، و الإدارة تحدد المستفيدين بعدما يقدم لها المعلمون النتائج ، ثم توزع في اليوم الأخير في حفل مدرسي بسيط .

أما في هذا الفصل ( ما كان والو ) ، المجلس البلدي ما زال لم يبدأ في مهامه لحد الساعة ، و أعضاء الجمعية الفاعلين أكثرهم كان منشغلا بالجري في الحملة الانتخابية ، و نسوا أبناءهم كليا .

[شيء من رجاء !]

المشاركة الأصلية كتبت بواسطة عبد الناصر أمازيغ

و عليكم السلام و رحمة الله و بركاته

ألف تحية عطرة أختي " شئ من رجاء " .
معذرة ، لأني لم أر مشاركتك هذه التي أرد عليها ، لأنها جاءت في آخر الصفحة السابقة ، و أنا من عادتي لما أدخل لهذا الموضوع أذهب مباشرة للصفحة الأخيرة ، و ما رجوعي الآن للصفحة السابقة إلا لأرى في أي قسم يقرأ ابن "بنت خليل " .

أما بخصوص الجوائز التشجيعية فأنا لا أفعل شيئا إزاءها ، لأن البلدية أو جمعية أولياء التلاميذ يشترون الجوائز في نهاية كل فصل ، و الإدارة تحدد المستفيدين بعدما يقدم لها المعلمون النتائج ، ثم توزع في اليوم الأخير في حفل مدرسي بسيط .

أما في هذا الفصل ( ما كان والو ) ، المجلس البلدي ما زال لم يبدأ في مهامه لحد الساعة ، و أعضاء الجمعية الفاعلين أكثرهم كان منشغلا بالجري في الحملة الانتخابية ، و نسوا أبناءهم كليا .

حياك الله أخي عبد الناصر وبارك الله فيك وفي وقتك وجهودك
بخصوص الجوائز نحن الجوائز الفصلية يقدمها المعلم إن أراد ، وتقدم الإدارة الجوائز في حفلة عيد العلم .
في هذا الفصل قدمت /
للأول : آلة حاسبة ( لأنه لا يملك واحدة ) + شهادة تشجيعية
الثاني : قصة سيدنا عيسى عليه السلام + شهادة تشجيعية
الثالث والرابع : بطاقات لتعلم الفرنسية + شهادة تشجيعية
،،
جوائز أخرى للتلاميذ الذين تحسن مستواهم :
قصة لتلميذة تحسن مستواها ومعدلها
علب ألوان مائية لتلميذة وتلميذ مبدعان في الرسم
مصحف ( جزء عم ) لأربع تلاميذ تحسنوا في القراءة ، من بينهم اثنان هددتهما في نهاية السنة الماضية بأنه إذا لم يتحسن مستواهم في الفصل الأول أعيدهما للرابعة ، كان معدلهم 4 ، حوالي 5 .. تحصيلهم لابأس به في باقي المواد مشكلتهما في القراءة لايميزا بين حروف الهجاء ، وفي حصة القراءة ينطق الجدار ولا ينطقا ... وفي بداية السنة وجدت المشكلة مازالت قائمة ، فذكرتهما بتهديدي , لا أدري كيف أو ماذا فعلا ، لكنهما تعلما الهجاء ، قراءة الكلمات ، فالجمل .. والآن أشعر بالرضى على تحسنهما ، وهما سعيدان بتحسنهما وفي كل حصة يجنناني يريدا القراءة


ذكرت القصة من أجل أريج وباقي البنات ، أن يثقوا بأبنائهم ، فالأطفال لديهم قدرات عجيبة في التحسن وطوير ادائهم .

[عبد الناصر أمازيغ]

المشاركة الأصلية كتبت بواسطة bant khlil

شكرا جزيلا
حبيت نزيد اضافة ابني في المرتبة العاشرة راه اكبر معدل 8.48 راه قالي اعطيلي 50 الف باه يديرو حفلة قتلو كي تجي من الاوائل نديرلكم حفلة وحدي
جات بنت الجيران لي تحصلت على اكبر معدل كي حكيت معاها قاتلي بلي المعلم دائما يضربو على جال الخط راني حاصلة المعلم يقلهم اكتبو دائما الدرس كي نقلو هيا نكتبو يقلي انا عييت
كي يعود بكتب يتكمش ويضغط على الريشة غيرقول تعقد
لما خليتو يملي على روحو عاد خطو فاسد

واش ؟ 50 الف من أجل حفلة في القسم ؟؟؟؟؟

لوكان تلامذة نتاعي يجيبو قاع 50 ألف نديهم يزورو مقام الشهيد و يحوسو في حديقة الحامة بالعاصمة هههههههه .

أنصحك أختي ألا تهتمي بترتيب ابنك في القسم ، كما قلت في ردي الأخير لمشاركتك المهم تطور التلميذ بالنسبة لقدراته الشخصية .

أما مشكلة الخط ، فأنا أتساءل لماذا يضربه المعلم ، و ما ذنب الطفل ؟ لقد كتب كما تعلم .
كثرة الكتابة لا تحل مشكلة سوء الخط ، بل تزيدها تعقيدا ، يعني التلميذ يستمر في العادات السيئة التي اكتسبها في الكتابة حتى تتأصل فيه و يصعب تصحيحها . و صياحك لا يجدي نفعا ، عليك بالرزانة ، روحي معاه غير بالشوية . ما دام هو في السنة الثانية يمكن أن يتعلم كتابة الحروف بطريقة صحيحة ، توجهي إلى الصفحة السادسة أو الخامسة في هذا الموضوع ، و ستجدين مشاركة حول تعليم الخط .
و أحسن طريقة أن تعلميه كل يوم كيف يكتب حرفا واحدا بكل وضعياته ، و يكرر محاكاة النماذج حتى يكتبها بطريقة حسنة ، مع الإشارة للمسافات التي يحتلها كل حرف ( حجم الحرف ) و اتجاه الكتابة .
عندما يتعلم كتابة مجموعة من الحروف ، حاولي أن تطلبي منه كتابة كلمات مكونة منها ، و ركزي جيدا ألاّ ينزع القلم من أجل وضع النقاط أو الحركات ، و لا يرفعه إلا عند نهاية المقطع ( عند كتابة كلمة " منزل " يرفع القلم عند نهاية حرف الزاي و عند نهاية حرف اللام ) ، و ليتمكن من ذلك اطلبي منه أن يلاحظ الكلمة جيدا ثم يكتبها دون النظر إليها .
استغلي هذه العطلة في تحسين خط ابنك ، فالخط بالدرجة الأولى هو اكتساب لعادات حسنة في الكتابة .
و لكي لا تيأسي ، اخبرك أنه انتقل طفل إلى قسمي هذه السنة (السنة 3)، كان يدرس في مدرسة أخرى ، و لما كتبت لهم قائمة الأدوات التي سيشترونها ، طلبت منهم نقلها على ورقة ، و انشغلت بأمور أخرى تنظيمية في القسم ، و لما اقترب وقت الخروج لا حظت أن ذلك الطفل ما زال يكتب ، فذهبت إليه فوجدت كتابته عبارة عن فيرميسال مهرسة (شربة ) ، يعني لا أحد يستطيع قراءتها . استدعيت وليه في اليوم التالي و أخبرته بمستوى ابنه ، و أعطيته طريقة لمساعدته في تحسين خطه ، و اليوم و الحمد لله يكتب مثل جميع الأطفال بخط جميل .

[عبد الناصر أمازيغ]

المشاركة الأصلية كتبت بواسطة الأمنيات

الاخ عبد الناصر والاخت اريج بنتي دات معدل 9،02
راها المرتبه الثانية بصح الفرنسية واش نقول لكم ما نعرفش لو حطيته لكم بنتي دايره اخطاء وهي اعطاتها عشرة في الواقع تدي سته6
المهم التنقيط ما عجبنيش
الرياضيات 9،5
نفس النقطه في اللغة

ما شاء الله !!! 9.02 يعني بلغت درجة الامتياز ، مبارك لكم هذا النجاح .

المعلمة أدرى بسلم التنقيط ، هي من تعرف ما المطلوب من التلميذ أن تكون إجاباته صحيحة ، لأننا لا يمكننا محاسبة تلميذ على أمور لم نقصدها بالسؤال و الاختبار .

بارك الله فيك و في ابنتك .