همزة وصل بين المعلم و الولي : انت تسأل والمربي يجيبك

[~ حراير ~]

السلام عليكم و رحمة الله تعالى و بركاته

الشيخ بلال ربي يبارك فيك راك فصلت و كفيت و وفيت و لكن سامحني نقولك بلي مازال عندي التباس بين in و de لأنهم في زوج ما عندهمش قاعدة باينة يعني باقي الزيادات كامل عندهم حرف يجيو قبلو عدا in de
فإن كان كليمة نقولها باش يميز بيناتهم مادابيك

أخي أغيلاس راني فهمتك امليح و راني بإذن الله راح نقتدي بيك و راني نزيد انحوس على هاد المجموعة القصصية إذا لقيتها فقط و ياريت تقلي على اسمها أو حتى الصفحة الأولى منها باش ماتغيبليش
بالنسبة للصعوبة راني عارفة امليح بلي الهدرة ساهلة و التطبيق ثاني ساهل بمشيئة الرحمن ...الواعر فيه بدايتو و النفحة كي يجيبها ربي حاجة ما توقف في وجه الإنسان
بالمناسبة أخي أغيلاس حتى و إن "سمطت عليك" و زودت الطلبات حبيت نطلب منك تعطيني الإمتحانات سنة رابعة لأني ماقدرتش انحملهم كامل خاصة موضوع أكثر من 40 إختبار راح يخرج قلبي و ما قدرتش انحملهم عموما راني كتبت بعض الروابك في مشاركة سابقة لبعض المواضيع التي عجزت عن تحميلها و الشكر موصول لك دائما


يا الأمنيات شبعتي ضحك على نقطة بنتي ماعليهش ... و وين راهو المشكل و نزيد انقولك المرة الأولى جات تبكي و حالتها حالة و قاتلي بلي القسم كامل بنات و ذر قعدو يتبكاو و لكني عرفت كيفاش انضحكها و نطير عليها الشيطان لكن قوليلي وعلاش تتبلي عليها و تقولي جابت 5 .... راهي جابت 5.5 مش 5 هيهيهيهيهيه
راهي عطاتهم أربع أسئلة مباشرة
1- أكتب الآية الكريمة التي تدل على أن الإيمان بالملائكة من أركان الإيمان .... اخذ النقطة الكاملة فيها
2- بماذا أقسم الله تعالى في سورة الليل ........ الوحيد لي جاوبت لأني دايما نحفظها من الكتاب و مساكين باقي التلاميذ يلتزمو بما في الكراس فجات على روسهم حتى أنه بعض الأولياء قالو للمعلمة ماقريتيهمش الدرس
3 الي تفلوشت فيه و كان من أسهل ما يكون و هو .... كيف تؤدى صلاة العيد
مالي هي حسبت روحها في صلاة الجمعة قالت
خطبتين ثم ركعتين في الركعة الأولى بعد تكبيرة لإحرام 7 تكبيرات و بعد القيام من الثانية 5 تكبيرات
و نقولك الصح لوكان جيت أنا نعطيها نصف النقطة و إلا وش رايك انت .... هي غلطتها أضن لما قالت "ثم"
4الوضعية الإدماجية كما أخبرتكم من قبل
حق انسيت قبيلة و هي تقرأ في المشاركة تاعي قاتلي نسيتي العشرة تاع المحفوضات و هوما غير ربعة في القسم الي جابو عشرة لأنهم عرفو من هو كاتب و ملحن النشيد الوطني مع كتابة المقطعين الأخيرين صحيحين دون اخطاء إملائية

الشيخ عبد الناصر السلام عليكم و رحمة الله تعالى و بركاته ربي يبارك فيك و ربي يعطيك القوة و الإعانة من عنده ... لوحلي شوية وراقي نساعدك في التصحيح هيهييه كامل نعطيهم عشرات مساكين...... ما تقدرش تتصور كلامك في ردك الأخير و تشجيعك قدش جاب من نتيجة و رفع المعنويات تقولشي عطيتهم أبرة تاع سعادة خرجت من العينين تْــبَgس