توفي بسبب ضغط عصبي

كاميلا · 2012-11-30, 11:23

السلام عليكم ورحمة الله تعالى وبركاته

هي قصة احزنتني وخاصة حالة الام المسكينة الان
هو رجل في 35 من العمر حاله كحال كل الشباب الذي تأخر عن الزواج بسبب العامل الاقتصادي وكي سهله ربي واستقر بمنزل ووظيفة اراد الزواج خطب وتزوج لكن الام كانت معارضة اشد المعارضة على ان يسكن ابنها بعيد عنها رغم انها لا تسكن وحدها يعني حابة ولادها ديما قدام عينها حالها حال كل الامهات رغم اني لي ملاحظة في هذا علاش الام دير هكدا غير على الذكور وعلاش البنات مديرش هكد عليهم رغم ان البنت هي اللي من المفروض تكون قريبة ليها اكثر وهي اللي طول حياتها تقوم بيها ؟؟؟؟؟؟؟؟؟ ام هي غيرة من الزوجة فقط الله اعلم ممكن كي نجرب نفهم لا ادري
المهم بعد زواجه " ابراهيم" راح يزور امه وسمعته كلام مش مليح هو يعرف امه وعلاباله باللي نوعا ما عصبية وقبيحة وشاف المشاكل لهذا قرر يستقل بسكنه المشكين استقبلته بكلمات جارحة له ولزوجته منها انها نعتته بانه حاساكم كالكلب يجري وراء زوجته المسكين لم يحتمل شدة الكلام طرشقله عرق في راسه وتوفي على اثرهه في غمضة عين توفي
حالة الام الآن رح تهبل المسكينة من واش صرا جنازة رهيبة عروس ترملت في رمشة عين وام فقدت ولدها لاسباب تافهة غير باش تبين لكنتها انها ه ياللي تتحكم
واش كسبت من كل هذا سوى ان فلذة كبدها توفي وهي الان تدعي في ربي انها تلحقه رغم انه الكل يصبر فيها حاولوا يفرحوها بانه ولدها ماماتش وكنتها حامل ورح يجي ابراهيم آخر ربي يكون في عونهم وعونها ولات تحكم النسا وتقولهم مديروش كيما درت ربي يصبرها ويهديها

والله قصة حزينة جدا وجنازة رهيبة جدا ربي يرحمه ويرحم جميع موتى المسلمين

مريم الصابرة · 2012-11-30, 11:27

السلام عليكم اختي
ربي يرحمو يا رب ويلهمها الصبر والسلوان اكيد نهارو لحق وماكانش ام تكون السبب في وفاة إبنها
وهذا ما يعنيش البنات كلهم عاقلات والحماة اللي دايما قبيحة وتغير من الكنة صح كاين من الفمروض تزوج وليدها هي ومرتو يكونو السبب في سعادتو ماشي امو من جهة ومرتو من جهة ربي يرحمو ويعوضها بإبن آخر ليه يا رب والله غاضني مسكين ربي يرحمو قسمتيلي قلبي بالقصة هذي لا إله إلا الله محمد رسول الله الله يرحمو يا رب شكرا

z.abdo · 2012-11-30, 11:30

السلام عليكم أختي

هل هذه القصة حدثت في منطقتكم ؟؟؟

كاميلا · 2012-11-30, 11:34

اقتباس:

المشاركة الأصلية كتبت بواسطة مريم الصابرة

السلام عليكم اختي
ربي يرحمو يا رب ويلهمها الصبر والسلوان اكيد نهارو لحق وماكانش ام تكون السبب في وفاة إبنها
وهذا ما يعنيش البنات كلهم عاقلات والحماة اللي دايما قبيحة وتغير من الكنة صح كاين من الفمروض تزوج وليدها هي ومرتو يكونو السبب في سعادتو ماشي امو من جهة ومرتو من جهة ربي يرحمو ويعوضها بإبن آخر ليه يا رب والله غاضني مسكين ربي يرحمو قسمتيلي قلبي بالقصة هذي لا إله إلا الله محمد رسول الله الله يرحمو يا رب شكرا

ماجات غير فيه المسكين ربي يرحمه والله العظيم جنازة رهيبة الام المسكينة غاضتني بزاف ولات تبوس في كنتها وتقولها سامحيني وتسلم على ولادها وتطلب في السماح راهي كلي شوية فقدت عقلها
بصح اختي مريم حبيت نفهم برك انا وليت نغير رغم ان امي والحمد لله هي اللي شرطت انه اخي كي يتزوج يعيش في داره مستقل لكني حابة نفهم وعلاش ديما الكنة والحماة وعلاش ماشي الزوج والحماة ههه علاش الام الدير هكدا وهاد الشيء كامل على وليدها والبنت لالا كاللي البنت هادي نهار تزوجها تقول تهنيا منها؟ رغم ان البنت هي اللي قريبة لامها يعني هي اولى بالحرب الشرسة هههه اجده تناقض

كاميلا · 2012-11-30, 11:35

اقتباس:

المشاركة الأصلية كتبت بواسطة z.abdo

السلام عليكم أختي

هل هذه القصة حدثت في منطقتكم ؟؟؟

في قسنطينة

مريم الصابرة · 2012-11-30, 11:38

اقتباس:

المشاركة الأصلية كتبت بواسطة كاميلا

ماجات غير فيه المسكين ربي يرحمه والله العظيم جنازة رهيبة الام المسكينة غاضتني بزاف ولات تبوس في كنتها وتقولها سامحيني وتسلم على ولادها وتطلب في السماح راهي كلي شوية فقدت عقلها
بصح اختي مريم حبيت نفهم برك انا وليت نغير رغم ان امي والحمد لله هي اللي شرطت انه اخي كي يتزوج يعيش في داره مستقل لكني حابة نفهم وعلاش ديما الكنة والحماة وعلاش ماشي الزوج والحماة ههه علاش الام الدير هكدا وهاد الشيء كامل على وليدها والبنت لالا كاللي البنت هادي نهار تزوجها تقول تهنيا منها؟ رغم ان البنت هي اللي قريبة لامها يعني هي اولى بالحرب الشرسة هههه اجده تناقض

السلام عليكم
وراكي حايرة راهي باينة اختي الطفلة دايما محقورة مديورة للميناج وتبلع فمها وما تهدرش وتزيد تتزوج وأرواحي تشوفي والذكر الديك الديك الحبشي ليه كل شي ياخي شفت كي يزيد ذكر يديرو السابع والذبيحة والغاشي ولما تجي طفلة مسكينة هذيك الطمينة وفوق القلب وللو عندها خاوتها ذكور يبداوه من اول يوم واحد يقرص ولاخر يغمها بالمخدة راه جاي يوم ننتقنو منهم ما تخميش
ربي يرحمو مسكين تفرت فيه ينسا ويعيشو هذي هي سنة الحياة وهو نهارو لحق وورقتو طاحت الزعاف وكلام الام سبب برك وهي ام تخيلي كيفاه راهي تحس مسكينة ربي يكون في عونها شكرا

z.abdo · 2012-11-30, 11:39

اقتباس:

المشاركة الأصلية كتبت بواسطة كاميلا

في قسنطينة

لا حول وقوة إلا بالله

ربي يرحمه ويعين زوجته ويصبر أمه وأهله

لما تقع الفأس على الرأس لاينفع أي شيء ولا اظن ان الزوجة راح تسامح حماتها

بارك الله فيك اختي

في أي حي حدث هذا ؟؟؟ إذا ممكن ؟؟

حياتي نبع امل · 2012-11-30, 11:42

لا حول ولا قوة الا بالله
اقشعر بدني مسكين الله يرحمو ويغفرلو ويجعلو من اهل الجنة
الام ربي يصبرها مهما تكون غالطة مي دوك كبدتها راهي محروقة مسكينة ربي يكون معاها
قصة مؤثرة فعلا

كاميلا · 2012-11-30, 11:45

اقتباس:

المشاركة الأصلية كتبت بواسطة مريم الصابرة

السلام عليكم
وراكي حايرة راهي باينة اختي الطفلة دايما محقورة مديورة للميناج وتبلع فمها وما تهدرش وتزيد تتزوج وأرواحي تشوفي والذكر الديك الديك الحبشي ليه كل شي ياخي شفت كي يزيد ذكر يديرو السابع والذبيحة والغاشي ولما تجي طفلة مسكينة هذيك الطمينة وفوق القلب وللو عندها خاوتها ذكور يبداوه من اول يوم واحد يقرص ولاخر يغمها بالمخدة راه جاي يوم ننتقنو منهم ما تخميش
ربي يرحمو مسكين تفرت فيه ينسا ويعيشو هذي هي سنة الحياة وهو نهارو لحق وورقتو طاحت الزعاف وكلام الام سبب برك وهي ام تخيلي كيفاه راهي تحس مسكينة ربي يكون في عونها شكرا

iههههههه شفتي رانا محقورين ديما

العفو شكرا على الرد

كاميلا · 2012-11-30, 11:49

اقتباس:

المشاركة الأصلية كتبت بواسطة z.abdo

لا حول وقوة إلا بالله

ربي يرحمه ويعين زوجته ويصبر أمه وأهله

لما تقع الفأس على الرأس لاينفع أي شيء ولا اظن ان الزوجة راح تسامح حماتها

بارك الله فيك اختي

في أي حي حدث هذا ؟؟؟ إذا ممكن ؟؟

في الحقيقة هو صديق ابن خالتي ويقطن في حي من احياء وسط المدينة قسنطينة اظن انك تعرف القصة ام انك تعرف صاحبها هل انت من قسنطينة؟

كاميلا · 2012-11-30, 11:55

اقتباس:

المشاركة الأصلية كتبت بواسطة حيهتى كلها امل

لا حول ولا قوة الا بالله
اقشعر بدني مسكين الله يرحمو ويغفرلو ويجعلو من اهل الجنة
الام ربي يصبرها مهما تكون غالطة مي دوك كبدتها راهي محروقة مسكينة ربي يكون معاها
قصة مؤثرة فعلا

كيما قلتي اختي لا حول ولا قوة الا بالله العظيم ربي يكون معاهم

~~knives55~~ · 2012-11-30, 12:11

هذ هو حالة عائلة الجزائرية

عايشين بدون اساس ومشاكل تنوظ على اتفه اسباب

والله انا رد لوم ضياع شباب و كل مشاكل اجتماعية على عاتق اولياء

لكن لا حياة لمن تنادي

لكن للأسف لراح راح والله يرحم راجل المسكين

شـــــــــــــــــــكرا

الجليس الصلح · 2012-11-30, 12:33

طبعا اللوم دائما يسقط على الأم هي المذنبة لا وألف لا المذنبة هي الزوجة التي ضغطت على زوجها ليوفر لها السكن المستقل
بنات حواء يبكين من أجل الزواج ثم يتحولن لقاتلات
قسبحان الله
شكرا لك أختي

محمد...عبد النور · 2012-11-30, 12:42

نسأل الله العافية أختي كاميلا
مرات الانسان يقدم على اشياء و هو متأكد منها و لن يبدل رأيه الذي في رأسه أحد و يقوله ...لكن لما تخرج الكلمات و تفعل ما تفعل يندم لكن هناك لا ينفع الندم و كم جرت امور و حالات خسر فيها كل طرف لا لشيئ الا رغبة في النفس يشعلها عاطفة او نزوة او فكرة أحادية يغلب عليها هوى .....و لو رأى الشخص انه في الاخير ليس له سلطة الا على نفسه لما قال ذلك
لذا فالتروي و الصبر خير و الندم على السكوت خير من الندم على الكلام
ربي يرحم هذا الابن و يصبر هاته الام التي ترى انها سبب شقاء و يقتلها الندم كل قتل
ربي يصبرهم و يكون في عون كل مصاب
بارك الله فيك و جزيتي كل خير
ســـــــــــــــــــــــــــــــــــــــــــلام

assia81 · 2012-11-30, 12:59

زوجته هي من قتلته وليست امه وكفى

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري