الأخت yarasmin. 26 ترد على تساؤلاتكم هنا

[yarasmin26]

حبيبتى ام عصام " انا كذالك توحشتك بزاف واش حوالك لاباس
العرايش كاين ب25 دج وكاين الي يخدمهم 30 دج
الكوكاو كيلو ورطل تكفيك وخدميها خفيفة مدكيهاش تحى تبان الحشوة ثقيلة
هما لونين راه دايرين حالة عندنا عرايش بلون وردي وزكشيها بلون ابيض ولابات داموند مزينة من فوق بكرافاطة بلون وردي فاتح هذا النوع يباع عند اصحاب الحلويات وكذالك لون بنفسجي حامق ومزركش بالابيض او الوردي وديري لابات داموند تاع عنقود العنب الحبات فيوليviolee باهي والاوراق خضراء ومتنسايش الناكخي

[ام وائل فخر الدين]

سلام ياراسمين حبيتك تجاوبيني باسرع وقت راهم جاو ضياف عدنا و ماعرفتش واش نديرلهم بليز ما تقوليليش شوفي في المنتدى راني مزروبة و شكرااااااااااااااااااااااااااااااااااااااااااااااا ااااااااااااااااا
راني مزروبة بليز

[ام وائل فخر الدين]

وين الاجابة حبيبتي ياراسمين بليز بسرعة

[yarasmin26]

المشاركة الأصلية كتبت بواسطة ام وائل فخر الدين

وين الاجابة حبيبتي ياراسمين بليز بسرعة

اسفة الانترنت كانت ثقيلة البارح لانه عندنا المطر يتهاطل بقوة
ديري قاتو تاع الطابع ويطيب ابيض يعنى متشعليش من فوق ومتطليهش بالبيض وكي يبرد ديريلو قلاصاج عادي تاع الحلوى يبقى مدة طري ولذيذ ويذوب في الفم
وكاين:حلوة السكرفاج
2 بيض+2 كيسان سكر+1 كوب زيت+125 غ جلجلان محمر+2 خمارة الحلوى +الفرينة حتى تنتلم
اخدمي البيض مع السكر وباقي المقادير ولميها حتى تولي العجينة قاسحة
خذي شوية من العجينة ديريها في السكرفاج الجهة الكبيرة وسكرفجي العجينة وشكليها هرم وستفيهم في السنوى وطيبيهم وزينيهم بالشكولاطة ذائبة على شكل خطوط

[lofi]

رسالة شكر وتقدير ياراسمين

الأستاذة الفاضلة /yarassmin26 وفقك الله
السلام عليك ورحمة الله وبركاته ، وبعد
تعجز الكلمات عن نقل المشاعر والدعوات التي نكنّها لكِ على ما لقيناه منك من صدق التوجيه والنصائح ، ومحبة الخير لنا
، فلك مني خالص الدعوات بأن يجعل المولى ـ سبحانه وتعالى ـ التوفيق والسداد حليفك
وأن يجعل ما تقدمي في ميزان حسناتك ، والله يحفظك ويرعاك

في هذه اللحظة أجدني أقف أمام أنسانه فاضله ومعلمة أوموجهة

[ام عصام]

شكرا لك اخت لوفي والله نحيك انت راني من لبارح وانا نخمم في رسالة تقدير وراكي سبقتيني شكرا جزيلا ليك وطبعا يا راسيمين والله والله ما ننسى خيرها عليا

[ام عصام]

ياراسمين ل 350 حبة دزيات شحال تجي قامة وشحال نحسب حق خدمة يدي وواش تقترحي عليا شكهلها


وربي يجازيك كل خير

[yarasmin26]

ام عصام "راكي تخدمي فيها كومبلي ولا جابولك المقادير وانت تخدمي فقط على حسب قولتي مبلغ تاع خدمت يدك شوفي نعطيك المقادير المضبوطة وانت اضربيها في 3 واش رايك ومنخدمش الدزيرات العقدة والعجينة كامل نرون غير بشوية باه متنشفش وباه اجيك شابة وكاين الفرينة الي تطلق تعطيك فوق الحساب وكاين المكمشة تعطيك كمية قليلة

[ام عصام]

اييييه حنونني يا راسمين وحدة قاتلي اخدميلي واقاتلي قوليلي واش نجيبلك قامة فهمتني وزيد ربي يعيشك فهميني مليح موح ليك ربي يخليك ليا

[yarasmin26]

[quote=ام عصام;12155818]اييييه حنونني يا راسمين وحدة قاتلي اخدميلي واقاتلي قوليلي واش نجيبلك قامة فهمتني وزيد ربي يعيشك فهميني مليح موح ليك ربي يخليك ليا

صباح الخير اليكي مقادير الدزيريات"200 غ فرينة تساوى 3 كيلات انت عبريها بكوب الي يرفد الكمية+1/2 كيلة زبدة ذايبة وباردة+قرصة ملح +لفاني + ولميها ماء الزهر
العقدة"500 غ لوز +300غ سكر قلاصي+عصير القارص كثري منه ومبشور القارص+لفاني +2 الى 3 بيض مضرب باه تلمي العقدة +رشة خفيفة مابين صباعتيك خمارة الحلوى
خلي العجينة ترتاح ومنبعد حليها في رقم 5 ثم ماقبل الاخير وقطعيهم دوائر بالقالب وطلي كامل الجوانب بياض مضرب وحطي كرة من الحشوة في الوسطثم بداي اطلعي الجوانب بالكيردون تاع الاسنان وانت تشكلي ابراج ثم اضغطي على الجوانب لتثبيت والحواشي مينحلوش ثم طيبيهم في سنوى ومن بعد عيسليهم1/2 شربات خفيفة و1/2 الاخر عسل خفيف باه اجيك مشربة ومجيكش يابسة لازم تراعي المقادير المضبوطة والفرينة كيلو بزاف اعليك والشكل ديري وريقات من الفوق ولكن متلونيش الدزيريات باه تقبى محافظة على الجمال انتاعها

[barka61]

ارجوك اختى ساعدينى شوفى الحلوى اللى فى الصورة و قوليلي مقايرها نضن مصنوعة poche a douille وهى هشيشة بزاف ولاصقة بلمربى وفيها الكاوكاو المزحى فى الاطراف ماهى مقاديرها ????

[شامي جمال]

انا اختى الفاضلة اريد كيفية عمل قاطو شباك الجنة مع احتراماتىىىىىىىىىىىىىىىىىىى

[oum radja]

مرحبا اختي ياراسمين راني حابة الوصفة تاع les gaufres ادا امكن

[مملكة لينة]

سلام عليكم اختي ياراسمين
تعيشي اختي حابة اندير للوالد تعي عيد ميلاد وحبيت انديروا تارت بالجنواز هو يحب الشكولاطة بزاف سؤالي هو كيفاش نقدر انغطي الجينوزا كلها بالشكولاطة وماتيبس بزاف مرانيش عارفة برايى ملازمش الشكولا اتجي يابسة فيها كيما القاطو واش رايك انت ؟
وتانيك شفت في المحلات عندكم جينواز ديرلنها حاجة من فوق تشبه لللون الكوكا كولاطة عجبني ومعرفتش واش هو؟

[ام امين 39]

انا حابة نسقسيك كيفاش تخدمي القلاصاج بليكولار ويجي يبري احسن طريقة وبالتفصيل ربي يحفضللك صحتك