الأم والزوجة

[مريم الصابرة]

المشاركة الأصلية كتبت بواسطة sarl02

ايه واشكون قال عكس هذا اكلام؟ راكي زدتي وضحتي المشكل مليح وانا من خلال ردي السابق بينت صعوبة الموقف الذي يقع حمله بالدرجة الاولى على الرجل المسكين ...واذا كانت الزوجة قبيحة وهي سبب المشاكل هنا ساهل الحال لازم تتربى بكل الطرق والوسائل واذا ما اتسقمش اتروح لدارهم هذه ما فيهاش نقاش بصح في الجهة المقابلة هناك حالات تكون الزوجة مطيعة وخلوقة ولباس بيها بشهادة الجميع الا من والدة الزوج التي لا تحتملها اطلاقا لسبب من الاسباب ...هنا يكون الموقف صعيب على الراجل ولا يكون امامه خيار الا التوفيق وبعناية بين والدته وزوجته وربي اوفق الجميع .

السلام عليكم اخي
اكيد هنا الراجل يولي بين امو ومرتو وهنا قلت شعال من مرة لبنات لما يحطو مشكلة مع جماوتهم باللي يخمو فالزوج يعني امو من جهو ومرتو من جهة واغلب الحالت يقهر امو على جال مرتو ويما قلت إنت وين تكون المرا واعرة هنا هو لازم يديرلها حد ما عجبهاش الحال تولي لدراهم وفي جالتو زوجتو متربية وخلوقة بالدليل ما حكاتلوش يعني هنا يزيد يحكي معاها تصبر ويقنعها ويحكي مع إمو بلاما يزعفها يا خويا واش يدير لازم يتحمل هذي يماه الله غالب ربي يخلينا محظر خير يا رب
وإنت ربي يرزقك بزوجة صالحة طايعة والديك قبل ما طيعك شرا

[وردة أمل]

بصراحة كاين زوج صوالح كاين وين تكون الزوجة هي لي تختلق المشاكل من أتفه الأسباب و بشكل دوري تقريبا و ممكن حتى انها تكون السبة في تردي العلاقة بين الزوج و الأم و كاين ايضا حتى نمونوا واقعيين العجوزة هي لي تكون سبب المشاكل و تلقاها تكبّر في الأمور البسيطة و تعامل كنتها بطريقة مش مليحة و ديما متناوشين و تحب وليدها ديما حذاها و يقلقها كي يكون مع مرتو و تلقاها تقولك من نهار لي تزوج بعد عليا و رجع يفضل مرتو عليا انا لي ربيتوا و كبرتوا و رجعتوا راجل و تتحسس من أبسط الأمور رغم انو وليدها يعاملها أحسن معاملة و هذا واجب عليه لا نقاش في هذا الأمر و يطيعها و يسمع لكلامها و ممكن حتى في بعض الاحيان يجي في صف يماه لي غلطت في حق زوجته غير باه ما يزعفهاش و يكبر الأمور ,,,,,,و بصراحة اكاين العجوزة لي تغير من كنتها لانها تفكر انها هي لي بعدت وليدها عليها و حتى يلا جابلها هي حاجة و لمرتو ثاني ما يعجبهاش لحال و هاذي بالذات تصرا بزاف

و هنا الزوج لازم يعرف كيفاه يطيع الام و يحسن للزوجة بدون ما تكون حساسية بين الطرفين ,,,,و طبعا الزوجة تكون رزينة و تعرف كيفاه تعامل عجوزتها حتى و ان راهي في مقام يماها و من واجبها تخدمها و تقوم بيها كيما يلزم الحال و توسع صدرها قد ما تقدر لانو الانسان الكبير يتحسس من أبسط الأمور و يتقلق من حوايج عاديين جدا

و الأكيد مهما يكون تبقى الأم في مقامها العالي

[oosaisdo]

المشاركة الأصلية كتبت بواسطة assia81

انا لم افهم لماذا يضع الرجال الام والزوجة في نفس الدرجة كيف يضعون المعطي في نفس درجة الاخذ
من ربت وتعبت وكبرت ثم تاتي واحدة تاخذه ساجي ثم تصعونهما في نفس الدرجة من يفعل هذا الا العاق لامه
يااخي امك ثم امك ثم امك مهما فعلت وعلى زوجتك ان ترضى بذلك وتسكت

كنت مثلك تماما لكن عندما تزوجت غختلفت الأمور كلنا يعرف مكانة الأم لكن الأم بشر وليست ملاك / ستعرفين يوما

[oosaisdo]

المشاركة الأصلية كتبت بواسطة مريم الصابرة

السلام عليكم
اخي راك سمعتها وزوجت ما قالتلكش معناها بنت اصول ومتربية يعني إنت حاول تحكي مع امك بلاما تزعفها اكيد وكان كاين خاوتك اخرين وتقترح تسكن وحدك كان هي سمحتلك كان رفضت او غضبت عليك او إمكانياتك ما يسمحولكش تسكن وحدك احكي معاها قنعها وفهمها وزوجتك راهي متربية لما ما قاتلكش وزيد احكس معاها تتحمل على جالك ضرك خويا واش دير هذي امك ولا ما تفسدش حياتك إن شاء الله راك عارف الصراع بين الحماة والكنة لكن إنت بعد على زعافها راه ربي يغضب عليك موفق حاول ترضي الطرفين ربي معاك

الكثير من الناس بمجرد الحديث عن الأم والزوجة ينهاز مباشرة إلى الأم لكنه لم يجرب الأمر ////لدي صديق أمه فعلا سيئة جدااااااا وان يقي يسكن معها عليه تطليق زوجته ولديه صفل مذا يفعل

السكن لوحدك ليست جريمة وانما لتففادي المشاكل

[panpouna]

ادا كانت كاينة مشاكل الراجل لازم يكون دكي و يجرب يصلح الامور مثلا اشري هدية ليماك و قولها بلي مرتك هي لي قاتلك اشريلها و روح عند مرتك و قلها يما تشكر فيك و اياك تجيب حاجة لمرتك بلا ما تتفكر يماك لازم لي تجيبها تكون ليماك و زوجتك و كي تكون خرج مع مرتك اعرض عليها الخروج معاها ولازم دايما تقعد مع يماك و تقسر معاها و تححسسها بلي مازالها قيمتها كيما بكري و ربي يوفقطم يا اخواني

[assia81]

المشاركة الأصلية كتبت بواسطة sarl02

اهدري اهدري كي راكي في ليتساع....لا احد ينكر ان امك ثم امك ثم امك مليار مرة ..وهذا لا نقاش فيه والوقوف في وجهها خط احمر لاين كان .....لكن بنت الناس الي هي زوجتك ثاني راهي محسوبة عليك يعني ما القيتهاش فالطريق ولا اشريتها كجارية وما لازمش تظلمها باي طريقة خصوصا اذا كانت عاقلة ومتربية.

اظن اخي ان كلامي كان واضح انا لم اقل ان يظلم زوجته ولكن لا يجعلهما في نفس الكفة مع الام فالام مهما يكن لا ياخد مكانها فلا يعادها من اجل زوجته وان يحسن اليها فهو مهما فعل لن يرد ولو جزءا يسيرا مما قدمته له فحملها به تسعة اشهر فقط يكفي مرة قالت لي زميلة حامل في شهرها الثامن وكانت مريضة وكانني احمل بطيخة في بطني اتستطيع انت ان تحمل بطيخة طول الوقت ذون ان تتعب او تضجر اما الزوجة عليها ان تصبر ان كانت امه هي الشريرة والا لماذا تزوجت بقيت مع امها وخلاص

[aihemsara]

الله يفرج عليك و ان شاء الله تتحل مشاكلكم يا رب
غيرة الامهات على ابناءهم المتزوجين و زوجاتهم شيء عادي و طبيعي
اصبرو عليلها و سايسوها و خلاص الله غالب.. و اذا بقاو المشاكل و كثرو شوف كيفاش تسكن وحدك
على حساب ردودك باين انسان فاهم و مثقف لانك تعرف حق امك و حق زوجتك بارك الله يك على هاد الشيء
قليل وين نلقاو رجال يفهمو هاد الشيء

[حليمةب]

السلام عليكم امك ثم امك رضاء امك ودعوة الخير لا تعوض بالف امراة و الشخص الذى لم يجعل الخير في والديه لم ينتظر منه الخير مهما كان

[oosaisdo]

المشاركة الأصلية كتبت بواسطة حليمةب

السلام عليكم امك ثم امك رضاء امك ودعوة الخير لا تعوض بالف امراة و الشخص الذى لم يجعل الخير في والديه لم ينتظر منه الخير مهما كان

عندما تصبحين زوجة قوليها لزوجك ان شاء الله ////////

[كاميلا]

الحل هو ان الزوج والزوجة هاد الام ياخدوها على قد عقلها ويكونوا ادكياء يديرولها شوية طرافيك يهديوها هدايا يزوروها ديما يعيطولها في التيليفون حوايج الاصلي تريح الام فهي في الاخير امرأة ترضى بهده الاشياء
وطيما قلت والله اس المشاكل هو التدخال
ونعطيكم قصة واقعية صراة لوحدة تكونلنا
والمشكل ماشي من امها من باباها طان واعر لبزاف زوجها وهي صغيرة خلاص من واحد اطبر منها بدون رغبتها وحبسها من التعليم رضاة بمكتوبها وسكتت وساعدها على هاد الشيء الزوج الطيب اللي داتوا قراها وعلمها ووصلت الى الدكتورا وراهي استادة ههههه المشكل باباها واش كان يدير يروح لزوجها يحرشوا عليها اضربها ديرلها كدا وكدا ههههههه وام زوجها من الجهة الاخرى وعلاش تقريها على راسها ريشا وعلاش دير في دارك وحدك
رغم كل هده المشاكل هادو الزوج لقاوها غير هي اللي تهلات فيهم وجهم مقدروش يهزوه ندموا اشد الندم وخاصة بعد وفاة الزوج

[alger1]

وتبقى الغيرة سيدة المواقف بين الزوجة والام وشكرا