قصة احدهم في منطقتنا مع الزواج.......

خولة لبابة · 2012-09-24, 19:20

السلام عليكم و رحمة الله تعالى و بركاته
اليكم القصة....و اتمنى ان تستفيدوا منها.......
هناك 2 من الاخوة مقبلين على الزواج......أراد والدهم أن يقوم لهم بالعرس معا.....يعني يقام الاحتفال للعروسين.....لكن احد من العروسين طلب من والده أن يقدم له حق العرس مال....و ان لا يقيم له العرس.......رفض الاب و قال أنت ابني و يجب أن اقوم لك بعرس الجميع يفرح بذالك.....رفض ذالك الولد....و طلب من والده أن يقسم المال اللذي أعده لزواجه هو و اخوه و ان يعطيه حقه و يقوم الزفاف لأخوه فقط.......فعل الوالد ما أراد ابنه ......و بعد ايام قام لابنه الثاني عرس كبير.....و قدم مهر كبير....و الجميع أكل و شرب.....و العرس مرء على خير....و بعد يومين انتهى العرس.....و الأموال انتهت كذالك......و بعد ايام قليلة فقط......الأخ الآخر طلب من والده أن يذهب معه الى بيت العروس.....اخذ معه أمه و 6 من كبار العائلة.....اقام الفاتحة و اتى بالعروس.....و بعدها قال لوالده هيا تذهبون معي الى بيتي.....اندهش الاب بيتك؟؟.....و عندما دخل الاب الى منزل ابنه الجديد تفاجأ......اشترى منزل ما شاء الله و اثاث للمنزل......انظروا الفرق......كلاهما اتى بزوجة.....الأول....زوجته لم تساعده و لم تقترح عليه الفكرة.....ووزع ماله هكذا......و الثاني عرف كيف يسير أموره......و بعدها قال الوالد لولده أنا فخور بك يا ولدي.....و هنا زوجة الابن ساعدت زوجها أيضا فهي وافقت ان يقوم بالفاتحة و فقط.....و لم تشترط عليه مهر...و لا ذهب.......و اشتروا منزل لذريتهم المستقبلية.....أليس هذا جميل......

مريم الصابرة · 2012-09-24, 19:30

السلام عليكم فلال
هذي مليحة اختي صح العرس خسارة الدراهم والناس مهما توكليهم الجوز واللوز يهدرو من الأاحسن ما توكليهم ما والو الزواج كيما عادة زمان لكن الناس تحك بالمظهر لو ما ديريش عرس تولي فيها الف هدرة وهدرة
شرا دار بدراهم العرس مليحة فكرة هايلة ولكن يا ترى كاين بنات هكذا قريبتي بعد ايام ستزوج إبنها تخيلي العروسة من الشرق شرطتو قاعة الحفلات والفندق وقاتلو بعد العرس نروحو نحوسو تخيلي قوليلي يرحم باباك لما ليجون يخمو برك ينو على الزواج يحطو 100 مليون شكون يتزوج ب 100 مليون اهالي لبنات كثروها المهر ب 20 مليون والذهب والخسارة فالخسارة يعلقو قيمة بنتهم عند راجلها باشياء مادية نقولك نسبة البوار فالجزائر في تصاعد الله يجعل الخير وسيرتو جابولهم السوريات راحت علينا فلال ههههههههههههههه

karimblida · 2012-09-24, 19:32

الله يبارك
و كأني في قصص خيالية
اللهم بارك له في زواجه
شكرا فلال على القصة و علينا اخد العبر

مسلم سني · 2012-09-24, 19:32

السلام عليكم
اكيد جميل
أنا شخصيا أكره تبذير الأموال في الأعراس على الغناء الماجن وبعض التصرفا التي لا تليق بنا كمسلمين
اللهم ارزقنا مرادنا يارب في تكوين اسر صالحة
شكرا لك
احترماتي

abdo02 · 2012-09-24, 19:35

يا حسراه على بنات اليوم ,,ما يجي يلحق العرس تكون شيباتك و مرضاتك ,,,انا عندي استفسار ,,هل كل من يريد الزواج يجيب عليه المرور بالعادات و التقاليد الحالية ,’؟و ان لم يفعل ذلك فهل كفر ؟

مريم الصابرة · 2012-09-24, 19:44

اقتباس:

المشاركة الأصلية كتبت بواسطة abdo02

يا حسراه على بنات اليوم ,,ما يجي يلحق العرس تكون شيباتك و مرضاتك ,,,انا عندي استفسار ,,هل كل من يريد الزواج يجيب عليه المرور بالعادات و التقاليد الحالية ,’؟و ان لم يفعل ذلك فهل كفر ؟

السلام عليكم خويا
لا بنات اليوم ماشي كامل كيفكيف لكن الأغلبية واهلها يلعبو دور يحبو الزوخ
لا ماشي ضروري الكفر لما نطبقو عادات غربية من قاعة حفلات ومغنيين وإختلاط عادات غربية
باين مشيبينك خويا فتحي على بالي راك خاطب وتقدر دير عرس بسيط هي في دارهم حرة كان حبت تخسر دراهم لكن في دارك إنت حر حتى لو درت عشا برك إنت حر نظن هذا هو الواجب المرا تعذر الراجل في دارهم حرة في دارو هو حر شكرا

خولة لبابة · 2012-09-24, 19:51

اقتباس:

المشاركة الأصلية كتبت بواسطة مريم الصابرة

السلام عليكم فلال
هذي مليحة اختي صح العرس خسارة الدراهم والناس مهما توكليهم الجوز واللوز يهدرو من الأاحسن ما توكليهم ما والو الزواج كيما عادة زمان لكن الناس تحك بالمظهر لو ما ديريش عرس تولي فيها الف هدرة وهدرة
شرا دار بدراهم العرس مليحة فكرة هايلة ولكن يا ترى كاين بنات هكذا قريبتي بعد ايام ستزوج إبنها تخيلي العروسة من الشرق شرطتو قاعة الحفلات والفندق وقاتلو بعد العرس نروحو نحوسو تخيلي قوليلي يرحم باباك لما ليجون يخمو برك ينو على الزواج يحطو 100 مليون شكون يتزوج ب 100 مليون اهالي لبنات كثروها المهر ب 20 مليون والذهب والخسارة فالخسارة يعلقو قيمة بنتهم عند راجلها باشياء مادية نقولك نسبة البوار فالجزائر في تصاعد الله يجعل الخير وسيرتو جابولهم السوريات راحت علينا فلال ههههههههههههههه

أضحك الله سنّك أختي.....ايه الله يهدي ما خلق......العرس كي تديريه كاين هدرة.....درتيه مليح الناس يهدروا و دريته ماشي منيح الناس يهدروا......فتصدق الحكمة التي تقول ** ارضاء الناس غاية لا تدرك**.....و ماتقوليش راحت علينا ههههههههه ما راحت ما والوا.....هههه

اقتباس:

المشاركة الأصلية كتبت بواسطة karimblida

الله يبارك
و كأني في قصص خيالية
اللهم بارك له في زواجه
شكرا فلال على القصة و علينا اخد العبر

نعم ما أجمل أن ناخذ العبر.......نعم كأنها قصة خيالية لكنها حقيقة أحدهم و اعرفه جيدا...............فماشاء الله عليه و على زوجته.....

اقتباس:

المشاركة الأصلية كتبت بواسطة مسلم سني

السلام عليكم
اكيد جميل
أنا شخصيا أكره تبذير الأموال في الأعراس على الغناء الماجن وبعض التصرفا التي لا تليق بنا كمسلمين
اللهم ارزقنا مرادنا يارب في تكوين اسر صالحة
شكرا لك
احترماتي

ايه علاش نبذروا الأموال في اشياء تتسبب في سخط الله مثل الغناء و غيره............بالنسبة لدعائك اقول ** اللهم آمين **

اقتباس:

المشاركة الأصلية كتبت بواسطة abdo02

يا حسراه على بنات اليوم ,,ما يجي يلحق العرس تكون شيباتك و مرضاتك ,,,انا عندي استفسار ,,هل كل من يريد الزواج يجيب عليه المرور بالعادات و التقاليد الحالية ,’؟و ان لم يفعل ذلك فهل كفر ؟

و من قال ذالك أنه كفر.......لا يا أخي ليس كفر ................و الله لوكان نتبعوا العادات الحالية.............غناء .....رقص.....و اشياء كثيرة و كل هذا محرم......أيا خويا اكتب الفاتحة و جيبها للدار و خلاص هههههههه................
لكن عليكم ان تحسنوا اختيار الزوجات................فحذاري أن تقعوا في الشباك.
.......كذالك للأخوات عليكنّ ان تحرسنذ على اختيار الزوج الصالح..................

mohamed160 · 2012-09-24, 20:09

سلام عليكم كاين واحد المثل بالقبايلية يقول ادى كان خوك خيرى منك فى المراء اخدم ولا رايح

خولة لبابة · 2012-09-24, 20:16

لم افهم المثل يا اخ محمد............و ماذا تقصد بالمراء؟؟؟..........على فكرة هل نجحت في المسابقة؟؟؟

mohamed160 · 2012-09-24, 20:22

اى مسابقة . غالط باه نكتب المراة كتبت المراء

خولة لبابة · 2012-09-24, 20:38

آه غلطت فيما يخص المسابقة ......الأخ عمير من قام بالمسابقة.............نعم يوجد هذا المثل عندنا...........تعرفون كلكم أشياء عن القبائل هههه

محمد جديدي التبسي · 2012-09-24, 20:44

تخطيط رائع
يعني إذا قلنا أعطاه أبوه 70 مليون على الأقل عندنا ما تشريش تراب 50م مربع
فكرة مليحة ونتمنى يرزقنا ربي برجال يريدون رجال لبناتهم
الآن المشكلة الأساسية هو تحكم النساء "أم العروس" في الشروط المادية
شكرا على الموضوع بارك الله فيك

سعاذ · 2012-09-24, 20:46

[center][السلام عليكم
حجا تفرح كي تسمعي بحوايج كيما هذوا
ربي يكملوا بعقلوا و يهنيه بزوجتوا
ان شاء الله /center]

خولة لبابة · 2012-09-25, 05:59

اقتباس:

المشاركة الأصلية كتبت بواسطة محمد جديدي التبسي

تخطيط رائع
يعني إذا قلنا أعطاه أبوه 70 مليون على الأقل عندنا ما تشريش تراب 50م مربع
فكرة مليحة ونتمنى يرزقنا ربي برجال يريدون رجال لبناتهم
الآن المشكلة الأساسية هو تحكم النساء "أم العروس" في الشروط المادية
شكرا على الموضوع بارك الله فيك

اذا بدات أم العروس في التحكم خليوها خير..............فاذا تدخلت قبل الزواج فماذا سيحدث بعده..............لا حو و لا قوة الا بالله.......

الواثق · 2012-09-25, 07:31

قالك هاتلي فاهم الله لا قرى .................لكن الكثير من له تفكير سليم مثل هذا لكن العادات تجره الى مالايحمد عقباه ..................ربي يجيب الخير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري