يا اخي انا اول حاجة ننصحك بيها هي ..لا تؤجل عمل اليوم الى الغد..
لازم تكون عندك ارادة قوية من بداية العام حتى اخر يوم تعقب فيه الباكالوريا ودير في بالك بلي هذا عام ويفوت
كشما تعبت في عام تسترجعو في ليلة وحدة تاع رقاد وتقول ما تعبت ما والو المهم ماتضيعش وقتك في لحوايج الي ما يفيدوكش
ابدا دير برنامج يتناسب مع قرايتك في الليسي ودروس الدعم ويتناسب مع ميولك يعني تحب تسهر ولا تبكر
المهم في اللول يبدا برنامج خفيف شوية ومع الوقت يبدا يتزير
ما ذابيك تحضر الدروس في الدار هذي العفسة تساعدك بزاف وفي جميع المواد
لوكان تقدرفي مواد لحفاظة كلما تكتبو درس تحفظو هكدا ما يتراكموش عليك الدروس
وما ذابيك كل مادة اعطيها حقها و ما تتهاونش في المواد الادبية يعاونوك بزاف _ بالنسبة للاجتماعيات ركز بزاف على
المصطلحات و الشخصيات و التواريخ و الخرائط _ماشي معنتها ما تحفظش الدروس _
فلسفة اعرف طريقة كتابة كل مقل مثلا الجدلية او استقصاء ..وافهم الدرس واحفظ مقولات الفلاسفة باش ادعم بيهم المقالة تاعك
وجيب مقالات نموذجية هز منهم الطريقة وشويا جمل مليحة وحاول تكتب مقالات وحدك و مدهم للاستاذ يصلحلك الاخظاء
واذا كنت من الحفاظين احفظ مقالات نموذجية
الادب اقرى القواعد كامل مليح ومن بعد ابدى حل مواضيع نموذجية
بالنسبة للعلوم اقرى الدرس مليح وحل الانشطة تاع الكتاب و ركز بزاف على الرسومات وكاين حوايج يتحفظو احفظهم الرياضيات و
الفيزياء كي تفهم الدرس مليح ابدا حل التمارين تاعو و كل تمرين اشفى على كشما فيه عفايس و ما تنساهمش هكذا تعود ما عندك حتى صعوبة في حتى تمرين وتعود على السرعة و التركيز في نفس الوقت به تلقى روحك نهار الباك اذا جاكم موضوع طويل ولا فيه شوية عفايس
(راني غلبت من الكتبة) المهم من بعا تفكرت حاجة راني نزيد نقولهالكم ديرو الارادة برك باه تفرحو و تفرحوا
والديكم ان شاء الله نكون افدت ولو بالقليل و ربي يوفق الجميع
( تقرير عن مشاركة سيئة )، و الموجودة أسفل كل مشاركة .
2012-09-20, 23:57
العرض الشجري