السلام عليكم
احترنا معاكم
لي برا تخدم و لا تقرا مش بنت فاميلة
لي قاعدة فالدار بايرة و مافيهاش فايدة
انا هبلت صراحة من الصباح نقرا فالمواضيع مانيش حاسة كامل بلي راني فالجزاير وش صرا يا ناس
راسي طرطق
عفوا من صاحب الموضوع انفعلت راح نجاوب علا قد الطرح
لا هي قضية نسب و لا مهور و لا اي شي
القضية فشخصية كل واحد لي يحوس علا مراة خدامة فالسلام عليها راهو طامع في شهريتها او على الاقل باه تصرف على روحها و يتملص من نفقاتها الثانوية
لي يحوسها قاعدة فالدار فاكيد باه تكون الة لشغل الدار و لضخ الاطفال يعني روبو ميلتي فونكسيون
باختصار شديد
لي يجي ليك و يطرح عليك الاتي
انا نحب مرتي تقعد فالدار بحجة ,,,,,,,,, او ,,,,,,,,,,, او ,,,,,,
انا نحب مرتي تخدم مانرضاش ختي قرات و تعبت و من بعد تقعد فالدار و ,,,,, و,,,,, ,,,,,,و
فعليكي ان تخافي منه
اما لي يجي يقلك
نتيا وش تحبي تخدمي؟ علاه
تقعدي فالدار؟علاه
فابشري بعلاقة زوجية مستقبلية رائعة لانو زوجك هادا راح ترتاحي معاه و تتمتعي بشخصيتك الكاملة و ما تحسيش روحك بقرة حلوب مهمتها ضخ الحليب عفوا ضخ المنافع بلا ما يكون ليها راي حتى فخصوصياتها
( تقرير عن مشاركة سيئة )، و الموجودة أسفل كل مشاركة .
2012-08-29, 12:54
العرض الشجري