ّّ طفح الكيل .. وبلغ السيل الزبا .. ولم يبق في قوس الصبر منزع ّّّ

[♫ وهج الأمـل ♫]

المشاركة الأصلية كتبت بواسطة yesican

مع كل الاحترام لكم الا انني لا اصدق كل ماقلتموه ........وييي كاين الي ماقراش عام كامل و فالباك ادا 13 مثلا هادا الي عندو معلومات و دكاء ومكتسبات قبلية و يعرف كيفاش يجاوب على حساب التنقيط و يمكن عندو دكاء وقوة في التخمين و الاحتمال و الاعتقاد ببعض المسائل التي ربما ستطرح بالاضافة الى توفيق رب العالمين و التوكل عليه و دعاء الوالدين .........و كاين الي كان يجيب فالعام ب17 جاب الباك ب 13 بسبب الارتباك و الخوف و اعطاء الباك قدرا زائدا من اهميته على حساب صحته و راحته النفسية مثلا صديقتي الممتازة حصل معها نفس الشيء و زيادة انها بسبب الخوف لم تنم مدة اسبوع كامل الا بضعة سويعات و سهرت كل الليالي في المراجعة و الحفظ مما اثر عليا و شعرت بالارهاق حيث لم تقدر التفكير و استرجاع اي معلومة اثناء الامتحان.......و زيادة على دالك ربما حصل مؤثرات خارجية او صدمات بايام قبل الامتحان و+ تاثير المحيط العالي سلبا على المعنويات ادا لم تعرف الاسرة كيف تتعامل مع الممتحن و شحنه بمعنويات اجابية تزيده حماس لنيل المعدل المرغوب...........اما بخصوص الغش في التصحيح و الظلم كما تقولين فل يكن بعلمك ان دالك من سابع المستحيلات .......ربما من سوء الكتابة او التنظيم او ماشابه دالك و زعما شفتي الاوراق نتاوعك باش قلتي غش و ورقتك فاتت على 2 اساتدة على الاقل بعدا كامل يغشو و كيفاش يغشوك يا ختي وين شافو اسمك ولا عرفوك باش يحقدو عليك ويغشوك و بعدا في 4 مواد ههههههه ماصراتش فالدنيا .......و قتاش تنحيو عليكم هاد التفكير السلبي و علابالك ختي بلي لازم تحمدي ربي و تستغفريه علاخاطر هاد الشيء يدخل فالفضفضة و النميمة على اصحاب المعدلات الجيدة و الاساتدة المصححين........و قتاش تعرفو بلي ربي كل واحد يمدلو على حساب قلبو ......و لي توكل على ربي و قرا و سهر و حفظ و تعب من اول يوم دراسي و عمرو ولا فرط في الصلاة و كسب دعاوي الخير من والديه اكيد رب مايخيبوش .........اما اختي كي تقولي غشوني دركا واش الفايدة ربي عارف علاش مدلك 14 و ديري في بالك بلي ..........من جدّ وجد ومن زرع حصد ومن سار على الدرب وصل .........وشكرا .

السلام عليكم

على هدرتك باينة بللي مافهمتيش كامل وش قلتلك

أما بخصوص كلامك على الحقد

مانيش من هذاك النوع من الناس

++ قضية الظلم في التصحيح كااااااينة منها

الأساتذة تاوعنا كامل قالوهانا

حتى أصرم و ادق أستاذ قادر يظلم التلميذ عن قصد أو عن غير قصد

خاصة إذا عاد يصحح في الورقة في وقت العشية

++ و أنت على بالك بللي الورقة كي تفوت على زوج أساتذة رايحة تكون مصححة مليح ؟!!!!!!!!!!!!!!!!!!!!!!!

هكذاك وفيها الأخطاء أختي

أنتِ يجيبولك 400 ورقة ويقولولك تصحيهم كامل اليوم

في بالك هذي ماتديرلكش الضغط ؟

راهم يعودو غير يعقبو

كاين اللي يدي قل من حقو وكاين اللي يدي أكثر من حقو بسبب هذاك الضغط على الأستاذ

++ المشكل أختي ماشي من الخط

و علاه زعما القرايين تاوعنا كامل يخربشو ؟

أنا مااعترضتش و الحمد لله

ديجا عارفة روحي حتى وندي 16 ولا 17 كيما موالفة ماعندي ماندير بيها

التخصص اللي كنت نحلم بيه ما يحتاجش هذاك المعدل كامل

14 تكفيني مادام ربي اختارهالي

كان في بالي بللي تفهمي مليح أختي

لكن إذا قلقتك اسمحيلي ماكانش قصدي

تقبل الله طاعتك

و صح فطورك

سلا~~مـ