راني وليت نكتب فلـ word جاتني لكتابة ساهلة وندرير copier coller في المنتدى وتبقى الوصفات عندي متضيعش أستفيد وتستفيدون.
نواصل مع مايدة نورة لكتبتها كلمة بكلمة ونحطها هكاك كاملة بدون نقص وتنقيص كما سمعتها وكتبتها ولعندها وصفاتها تتكرم بها
حلوة النقاش:
3 كيلات فرينة، كيلة زبدة ذايبة مرقرين ولا زبدة ننزع صبعتين وندير في مكانها الزيت أي ( 3\2 معناه 2 من 3 كيلة زبدة و1 من 2 زيت)، كيلة سكر ناعم غير مملوءة، قارص، ماء وماء الزهر.
بسي الفرينة مع الزبدة والسكر وزيدي شوية قطرات قارص وجمعي بماء وماء الزهر وترتاح في ثلاجة في الصيف باه متتلقش ادهن نتاعها وفي شتاء عادي في مكان العمل.
قارص من أجل النكهة تحبي تديري ولا متديريش.
الغرس يتنقى ننزع منه العظام أحسن من الغرس الجاهز نظيف له قرنفل وقرفة وقليل زبدة ونعجن وندر أعمدة رقيقة.
تحل العجينة وندير الغرس ونشكل سوار وينقش تعرفوا كامل شكل النقاش أتحفي تنقيش أنت وذوقك.
فرن مسخن 180° مدة الطهي 20 د وتفقيدها لأن الفرن يختلف من فرن إلى أخر.
شهية طيبة إذا كان خطأ صحولي وشكرا.
( تقرير عن مشاركة سيئة )، و الموجودة أسفل كل مشاركة .
2012-06-29, 11:39
العرض الشجري