المقرون والسباقيطي ؟.راني حايرة عاونوني

dina. · 2012-06-27, 22:45

السلام عليكم كيف الاحوال اتمنى ان يكون الجميع بخير

انا اليوم لدي طلب منكم واتمنى ان تساعدوني بالنسبة للمقارون والسباقيطي والله كرهت منهم حابة اطباق جديدة وحابة ابداع ديما نديرهم غير مع اللاصوص هذا مكان يعني حابة نطلب منكم كشما وصفات جديدة ليهم
راني نستنا في اطباقكم يا لحراير

b.mayssouna · 2012-06-27, 22:49

قادرة ديريهم مع البيشاميل في الفرن ستكون الذ
او تنويع في لاصوص استعملي التوابل واللحم المفروم
ارجو انها تكون فكرتين نافعتين

dina. · 2012-06-27, 23:07

الفكرة الثانية مجربتها بصح الفكرة الاولى جامي جربتها يعني البشاميل ديما نقول متجيش مليحة اذا عندك الوصفة حطيها ربي يحفظك

نجمة ساطعة · 2012-06-28, 00:02

مرّة كليت عند خالتي مقرون شلاطة دارتها بيضاء دارتلها طمطام قطع صغيرة جدا و جزر و رابات الفرماج و معاها كاشير قطع صغيرة

و صمقتها بلاصوص تاع الزيت و الخل و دارتلها المايونيز

اكسير الحياة · 2012-06-28, 16:35

تقدري تستعمليها سلاطة
او طاجين مقرونة بالجبن

jackin · 2012-06-28, 19:03

اقتباس:

المشاركة الأصلية كتبت بواسطة b.mayssouna

قادرة ديريهم مع البيشاميل في الفرن ستكون الذ
او تنويع في لاصوص استعملي التوابل واللحم المفروم
ارجو انها تكون فكرتين نافعتين

wafa.wafa · 2012-06-28, 20:31

تقدري اختي تستعملي المقارون باللحم المرحي والسباقيتي بلبول (كريات اللحم المرحي )اذا لقيتي فيها شوية مرقة دخليها للفور تنشف وجيك رايعة كاين وصفات هايلين في المنتدى عن السباقيتيوبالتوفيق

sirila · 2012-06-28, 22:12

انا نقولك على وصفة ممكن تعرفيها و هي

سباغيتي او مقارون طايبين

حبة بصلة مرحية

فرماج حب او غيرو

مرغرين

بيييييض

اكيد ملح

الكيفية ..........

ديري البصلة في المقلة قليها في الزبدة حوالي 3 مغارف كبار
لوحي السباغيتي ولا المقارون
ومبعد البيض والملح
وكي تطيب ديري الفرماج

b.mayssouna · 2012-06-28, 22:26

اختي فيما يخص صلصة البيشاميل هناك طرق عديدة على حسب المتوفر لكن الطريقة التالية مجربة من عندي شخصيا
_ في كاسرولة ضعي 1 لتر من الحليب + 3مغارف نتاع الاكل فرينة أو مايزينة وخلّطي جيّدا (الخلط يكون باستعمال ملعقة خشبية).

_ ضعى الكاسرولة فوق نار متوسطة الشدّة. وحرّكي في اتجاه واحد . الى ان تلاحظي أن الخليط بدأ يعقاد.أظيفي ملعقة للاكل نتاع زبدة. وحرّكي . عليك التحريك باستمرار .
_ انزعي الكاسرولة من على النار . أظيفي القليل من الملح و القليل من الحرور + فروماج روج أو قريور مبشور + نوا دو مسكاد مبشور *ان توفر*

وأخلطي الجميع و بهدا تكونون قد تحصلتم على صوص بيشامال جاهزة لاستعمال .

b.mayssouna · 2012-06-28, 22:43

العفو +شهية طيبة

dina. · 2012-07-02, 15:38

شكرا كي عاونتوني جربت وصفة وجات هايلة وراح نقولكم كيفاه درتها
مقرون باللحم المفروم والبشاميل في الفرن
اولا غليت المقارون مع شوية ملح وزيت وبعدها صفيتها من الماء ودرتلها شوية نتاع زبدة وخليتها
وبعدها جبت اللحم المرحي وحطيتوا في المقلاة وحطيت كامل التوابل(فلفل اكحل بسباس فلفل احمر حبة حلاوة)وقطعت كسبر وحطيتو مع اللحم واش نقولكم على الريحة امممممم هايلة
وبعدها رحت للبشاميل درتوا كيما الاختb.mayssouna بصح مادرتش المايزينة ودرت معاه جوزة الطيب
رجعت للمقارون حطيتها في المول وخلطتها مع اللحم ودرت فوقها البشاميل والفرماج من فوق وحطيتوا في الفرن
جاء هايل وعجب الدار كامل مع اني اول مرة نجرب المقرون مع البشاميل

قولولي واش رايكم

dina. · 2012-07-20, 00:16

اقتباس:

المشاركة الأصلية كتبت بواسطة dina.

شكرا كي عاونتوني جربت وصفة وجات هايلة وراح نقولكم كيفاه درتها
مقرون باللحم المفروم والبشاميل في الفرن
اولا غليت المقارون مع شوية ملح وزيت وبعدها صفيتها من الماء ودرتلها شوية نتاع زبدة وخليتها
وبعدها جبت اللحم المرحي وحطيتوا في المقلاة وحطيت كامل التوابل(فلفل اكحل بسباس فلفل احمر حبة حلاوة)وقطعت كسبر وحطيتو مع اللحم واش نقولكم على الريحة امممممم هايلة
وبعدها رحت للبشاميل درتوا كيما الاختb.mayssouna بصح مادرتش المايزينة ودرت معاه جوزة الطيب
رجعت للمقارون حطيتها في المول وخلطتها مع اللحم ودرت فوقها البشاميل والفرماج من فوق وحطيتوا في الفرن
جاء هايل وعجب الدار كامل مع اني اول مرة نجرب المقرون مع البشاميل

قولولي واش رايكم

مقولتوليش واش رايكم في وصفتي

chaimouma · 2012-07-20, 00:24

لاتقلقي سوف اضع لك وصفات

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري