هيا اضحك شويا

[Broken Angel]

[SIZE="5"]بسم الله الرحمن الرحيم


تفضلوا واضحكوا شويا


قالك مرة كان جحا واحد من المريكان واحد من الجابون
عطاو لكل واحد منهم مليار وقالولهم لازم تخترعو حوايج
مالا الماريكاني خدم صاروخ يروح لأي بلاصة
والياباني خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا الماريكاني ورى اختراعو ثم الياباني وصت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب.....هههههههه
................
قلك واحد حابس أراد أن ينتحر فرآه صديقه فذهب إليه مسرعا وقالو :خويا علاه راك حاب تنتحر ؟ فأجابه:لأنني حابس وما نعرف والو .. فقال له صديقه : سوف أبين لك بأنك ماكش حابس ..وسقساه على حاجة مدورة وبيضة ؟ فقال له الحابس :مانيش عارف .فأجابه صديقه بأنها حبة بيض ..ثم سأله سؤال ثاني و قالو :2مدورين و بيّض ؟ فقال له الحابس: مانيش عارف . فأجابه صديقه بأنهما 2 حبات بيض ..ثم سأله سؤال ثالث و قالو:حيوان عندو الصوف وعندو القرون ويقول بععع؟فأجابه الحابس : إيه مالا 3حبات بيض...هههههههه
................
قلك واحد النهار زوج خاوة واحد يسموه فريطيط ولاخر يسموه بريطيط قلك فريطيط دخل للحبس كي خرج كان محفف بولا زيرو ..كي شافو بريطيط سقساه باه حففت فقالو خوه بالماشينة أيا راح بريطيط للرايا تاع القطار و حط راسو ولما جاء القطار كلاكسونا عليه فقلو بريطيط :ما تقولي ني طيط ني بيط حففلي كيما خويا فريطيط ....ههههههه
................
قلك وحد المرة إجتمع عباقرة العالم و إخترعوا حاسوب يمكنه الإجابة على أي سؤال .....أتوا 3 أغبياء كي يجربوه وبدأ الأول يسأل في الحاسوب فيجيبه الحاسوب بسرعة ثم جاء الثاني لكن الحاسوب أذكى منه ...إلى أن جاء الثالث و هو أغبى الأغبياء فكتب شيئا فإذا بالحاسوب يحترق ولما سألوه قلهم (كتبت للحاسوب أن هناك حقلا طوله 700م وعرضه 200م .ما هو عمر الفلاح؟ ) ....هههههه
................
قلك واحد حابس راح يدير السكنار على راسو فكتبلو السكنار NO DISK ....ههههههه
................
قلك واحد مشي شباب راح يشوف روحو في المرايا فقالتو المرايا :نعتذر عن الصورة...ههههههه
................
قلك واحد حابس كان يمشي حتى صاب ورقة تاع تريسنتي فراح خلصها....هههههههه
................
قلك واحد حابس جاء يذبح جاجة تاع تريسينتي .راح طفى الكونتور...ههههههه
................
قلك واحد حابس خلاصتلو القرعة تاع الغاز أيا عضها ....هههههه
................
قلك وحد المرة الزوجة قالت لزوجها :اليوم عيد ميلادي وراني باغية جيبلي كادو كي نشوفو يشعل قلبي ...ذهب الزوج للعمل وفي المساء عطالها علبة ففرحة الزوجة وعندما فتحتها وجدت (باتري تاع طونوبيل) ...ههههه
................
قلك وحد المرة واحد حابس راح لفرانسا و بقى يدور حتى فات على وحد الزنقة و صاب فيها عرس سقسا تاعمن هذا العرس قالو واحد :
( je ne saie pas) أيا راح وفي الغد جاز على زنقة أخرى وصاب فيها موت وسقسا تاعمن هذا الموت فقالو واحد :
(je ne saie pas ) عندها قال : مسكين (je ne saie pas ) البارح تزوج واليوم مات ...ههههههه
................
قالك وحد الزوج مزوجين ولدو طفلة عندها شعرة واحدة في راسها سماوها محيرقة.....ههههههههه
................
قالك واحد ماجاهش النعاس رقد و خلاه......هههههههه
................
قالك واحد ما رقدش بكري و كي رقد صاب الحلم بدا.....ههههه
................
قالك خطرة واحد بلع نص حبة كاشي نتاع الرقاد رقد بعين وحدة......هههههه
................
واحد حابس إشترى بورتابل و حب يدخل الكارطة ماحبتش تدخل أيا دخل البارمي....هههههه
................
قلك واحد راح للسينيما و رافد معاه سلوم كي سقساوه علاه قالهم:الفيلم طويل ...هههههههههه
................

قلك واحد حابس إشترى تلفاز جديد كي شعلو في الدار صاب تلعب مقابلة في كرة القدم فراح جاب بيدون تاع ماء وفرغو عليه وقال للتلفاز :أيا كل واحد يروح يلعب قدام دارهم....هههههه

................
واحد حب يشري سروال لوبيا مالقاش شري سروال عدس ...هههههه

قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا اعطيني كاس لاتاي. شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير لاتاي..ههههه

وحدة سمينة بزاف...راحت عند الطبيب باش يعطيلها الدوا باش تشيان. مدلها باطة كاشيات وقاللها كل نهار تاكل 2 حبات
هي نسات. وكلاتهم قاع مرة وحدة
ولعشيا جا راجلها للدار وحوس عليها ومالقاهاش
قاللها : عيشة وين راكي؟؟؟
قاتلو راني مور البالي.....ههههههه

قالك واحد حابس راح للفارماسيان باش يشري الدواء ..الفارماسيان أعطالو كاشيات و قالو :2 حبات مور القهوة

السيد راح ثم رجع وقال للفارماسيان : خويا معليش نشربهم مور الريستورو ...هههههه

شفت القمر
قالك وحدة كانت تشاهد المسلسل وجات عند زوجها
قالت له يا محمد شفت القمر اشحال شباب قالها
راني نشوف مانيش اعمى.

حراقة والبابور ت
زوج حرَاقة جاو تحت باخرة العلم تاعها علم انغليزي
فشافو واحد من الطاقم فوق و نادوه:
-الحراق الأول: هااااي انت، ارميلنا الحبل، حابين نحرقو..
what, i dont understand arabic, what???? l: العامل على الباخرة-
- هااااي راني نهدر معاك قلتلك ارمي الحبل، يرحم باباك ارميلنا حبل حابين نحرقو معاكم..
- i dont understand a word, what are you talking about, what??l
- شوووف قلتلك ارمي الحبل والا نطلع ليك مابقاش وقت...
- فرد الطاقم: ?????!!!!!!!!!!!!!!!!!!!!!!!!! والو مافهمش
و هنا الحراق الثاني قال لصاحبو: اسمع اسمع خليني أنا نهدر معاه...
- الحراق الثاني: hey, you, do you speak english??l
-العامل قال : yes yes, i speak english
- الحراق الثاني: أرمي جد الحبل مالاااااااا

في عجوز تدرس في محو الامية وهي في اختبار سوال يقول 10-10= وجدت المدرسه عايزة تغششها قالت معاكى عشر برتقالات اكلتيها كلها يبقى إيه قالت القشر

قال المعلم من اين نستورد الشاى قال التلميذ من عند الجيران

المدرس: ماذا فعل الرومان حين عبروا البحر الأبيض المتوسط؟ التلميذ: جففوا ملابسهم.

معلم يسأل مرة أحد التلاميذ : أين يوجد الذهب في وطننــــا ؟ التلميذ يجيب : في يــــد مـــامـــا

مرة واحد ابوه سأله ليه المعلم كاتبلك حمار بالدفتر قال لا يا بابا هذا توقيع

مرة مدرس جغرافيا ضاعت نظارتة دور عليها في الخريطة
مرة مدرس بيسال تلميذ معنى سبيل قال التلميذ طريق قال المدرس للتلميذ ومعنى سلسبيل قال التلميذ طرطريق
مرة مدرس سال التلميذ قال له ماذا يمثلك الوطن قال له امى وسال زميله ماذا يمثلك الوطن قال أم صاحبى
المعلم. اجب يا ناصر لماذا سموا البحر الميت بهذا الاسم ناصر فكر وفكر وقال يبدو ان البحر الميت كان مريضا قبل ان يموت

الفيل والبرغوت
استاذ سأل تلميذه ما الفرق بين الفيل والبرغوت راح قال له الفيل ممكن أن يكون لديه 100 برغوت لكن البرغوت مش ممكن يكون لديه 100 فيل
الاختبارات
في واحد دايما يرسب في الاختبارات وفي يوم طلعت نتيجة الاختبارات فجاء الراسب لصديقه و قاله :
روح شوف النتيجة وتعال إذا راسب في مادة قول محمد يسلم عليك و إذا راسب في مادتين قوللي محمدين يسلم عليك ،راح صديقه يشوف النتيجة لقاه راسب في كل المواد رجعله و قاله :
أمة محمد بتسلم عليك.

مدرس قال للتلاميذ
مره مدرس قال للتلاميذ اللى موش فاهم يقوم يقف فواحد بس اللى وقف بعدين قاله المدرس
انتا موش فاهم قاله لا بس عيب اخليك واقف لوحدك
المعلم
المعلم للطلبه : الأم دائما ما تكون حنونه علي اطفالها ، فهي تغني لهم حتي يناموا ، فهي تؤلف لهم الأغاني وتغنيها لهم فمثلا الطالب (أحمد) أحمد : نعم يا استاذ
المعلم : هل تذكر أغنية تغنيها لك والدتك حتي تنام؟
أحمد : نعم يا استاذ
المعلم : هل تسمعني هذه الاغنية؟
أحمد : نـــــــــام يا حمـــــــــار نـــــــام نامت عليك طوفه
حمار
وحد الخطرة وحد حمار حاشاك كان متكي على حيط شاف لعواد يديرو في السيباق غار قال ايه كون قريت كون راني كيفهم
شاب تتشاجر مع ابو
مرة شاب تتشاجر مع ابوه و نزل الشاب تحت الباطيمة و قعد يعيط بويا اعطيني حوايجي ما نزيدش نقعد في الدار ارسله لوه قرعة جال قاله هدا ما عندك
الشيطان
قالك واحد حياتوا كامل وهو ياكل في اللوبيا وكي يجي ياكل ما يقولش بسم الله الشيطان ياكل معاه واحد النهار جاء راح يبدا
الماكلة خرجلوا الشيطان وقالوا يا صاحبي نتا قع ما تقولش بسم الله
lautoroute
قالك جماعة حابسين يلعبوا في لوتوروت تفاهموا اللي تقيسوا الطونوبيل زوج خطرات يخرج
debardeur
قالك زوج تزوجوا جابوا طفل ما عندوش يدين ،سماوه debardeur
الاسنسير
مرة واحد هو وابنه ميعرفوش هو ايه الاسنسير بس شايفين الحيطة عمالة تتفتح وتتقفل وهما مش فاهمين حاجة ...
المهم جت واحدة عجوزة ظغطت على الزر اللي في الحيطة ودخلت الاسنسير وبعد شوية الاسنسير نزل وطلعت منه شابة جميلة فالراجل قال لابنه روح هات امك هنا

ثلاثة بخلاء
في احد الايام سأم ثلاثة بخلاء من الناس التي تظل تتكلم عن بخلهم فقالو سننفق بعض المال من اجل
نزع هذا الكلام فقال الاول: سارسم خطا وارمي المال ما ذهب الي يمين لي ومن ذهب الي يسار لهم
فقال ثاني: سأرسم دائرة وارمي المال ما دخل الي دائرة لي وما لم يدخل لهم
فقال ثالث: انا سارمي المال في السماء مابقى في السماء لهم وما سقط في الارض لي
هههههههههههههههههههههههههههههههههه
قالك مرة زوج راحو للبحر واحد عام وواحد 06شهر
بوشي
قالك واحد راح عند البوشي قالو اعطيني زوج كيلو لحم بقري كي عطالو الراجل سقساه قالو عندك الكرعين قالو البوشي ايه قالو امالا اللحق هربلو باللحم
حمار وحشي
قالك حمار وحشي كان يمشي مع صاحبتو قالك دخلها لدارو امبعد صحبتو شافت تصويرتو قاتلو شكون هدا قالها ايه هدا انا نهار كنت نلعب فسطيف
الحمير تعرف بعضه
كان جحا راكباً حماره حينما مر ببعض القوم وأراد أحدهم أن يمزح معه فقال له:
ياجحا لقد عرفت حمارك ولم أعرفك.
قال جحا:
هذا طبيعي لأن الحمير تعرف بعضها..؟
مسمار
واحد راح لطبيب باش ينحيلو مسمار دخلو فى رجلو كى قالو 2500دينار جاوبو وقال عوجو وخليه
العجوزة
قالك واح العجوزة راحت للطبيب قاتلوا : يا وليدي راه عندي الما في ركبتي والغاز في معدتي قاللها : دخلي التريسيتي واسكني
لمطعم
قالك زوج دخلوا للمطعم واحد غني و الخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني
و قالوا قول بسم الله باش ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول

الانترنيت
واحد كان يشاتي في الانترنيت مع فتاة قالها كيفاه اسمك كتبتلو فاطمة و حطت قدامها وردة يعني (فاطمة الزهراء) هو واش كتبلها ......
le pere vendredi ( اسمه بو جمعة )
حيوانات
مرة أستاد قال للتلميد: اعطيلي 3 حيوانات زاحفة قالو: حنش ، حلزون ، خويا الصغير
محيرقة
قالك واحد زاد عندو ولد فيه شعرة واحدة في رأسه سماه محيرقة

المعلم
وحد المعلم سقسا وحد التلميذ
قالو أعطيني شيء يتمدد بالحرارة ويتقلص بالبرودة
التلميذ قالو: العطلة يا أستاذ. في الشتاء 15 يوم وفي الصيف 3 أشهر
السروال
معلم سأل طالب: السروال مفرد و لا مثني يا طفل. رد الطالب: "مفرد من فوق و مثني من تحت"

-

أيا متقولوليش مضحكتوش؟

[zoubidaas]

هههههههههههههههههههههههههه هاايلــــــــــن

رغم اني قريت نصف النكت لانهم طوال بزاف

[زيزو الالماني]

[B][I][COLOR="DarkOrchid"]هههههههههههههه روووووووووعة بصح راهم بزاف لو كان قسمتهم خير

[Broken Angel]

المشاركة الأصلية كتبت بواسطة zoubidaas

هههههههههههههههههههههههههه هاايلــــــــــن

رغم اني قريت نصف النكت لانهم طوال بزاف

ايه بش تعقبوا وقت بيهم
وشكرا نور الموضوع

[Broken Angel]

المشاركة الأصلية كتبت بواسطة chahin1997

هههههههههههههه روووووووووعة بصح راهم بزاف لو كان قسمتهم خير

~~~~~~~~~~~~~~~~~~~~~~~~~~~~~~~~~~~~~~~~~~~~~~

صوتوووووووووووووووووو لي https://www.djelfa.info/vb/showthread.php?t=1008836

ايه دك نقص منهم
وشكرا

[MOKHTAR LANISTE]

hhhhhhhhhhhhhhhhhhhhhh mrc

[Broken Angel]

de rien pas de quoi

[✿❀سًجّْـدًةْ خٌشٌـوُعٍـ ❀✿]

والله كثير حقيقة ههههههه اذا كملتهم اليوم جنازتي من الضحك
شكرا لك

[Broken Angel]

المشاركة الأصلية كتبت بواسطة la fleur dorée

والله كثير حقيقة ههههههه اذا كملتهم اليوم جنازتي من الضحك
شكرا لك

العفو بعيد الشر
وشكرا نورت

[wassim2tm]

جميلة جدااااااااااا

[Broken Angel]

المشاركة الأصلية كتبت بواسطة wassim2tm

جميلة جدااااااااااا

شكرا على المرور العطر

[أَمٍيـــــــ☻بلاً امـــــــــاَرة☺رة ~]

ههههههههههههههههههههههههههه

[Broken Angel]

المشاركة الأصلية كتبت بواسطة jiji.algerie

ههههههههههههههههههههههههههه

شكرا على المرور العطر

[رزان.]

[Broken Angel]

المشاركة الأصلية كتبت بواسطة نــور الهـدى