قلوب الشوكولا بالبندق

ريم الفلى · 2014-06-02, 09:04

صباح الورد حبيباتي اليوم جبتلكم مع الصباح باش تشربو قهوتكم

وهي ايضا من الحلويات السهلة والبزاف بنينة خاصة لي يحب هداك الطعم تاع القهوة وهي:

قلوب الشوكولاطة بالبندق

في الحقيقة:
هاد الوصفة شفتها في قناة سميرة ودرتها في عرس بنت خالتي جات بنينة تهبل وحبة مقعدت
المقادير:
المقادير
4صفار بيض
250غ مارغرين
2ملاعق كباركاكاو
كاس سكر ناعم
كاس مايزينة
1خميرة الحلوة
قرصة ملح
2 مغارف قهوة طايبة ولا نيسكافي
وانا زدت ملعقة عطر الكرمال
فرينة حسب الحاجة
والطريقة هي:
نخلط الصفار مع السكر والكاكاو وقرصة الملح والمارغرين جيدا نزيد القهوة والعطر
نخلط كاس المايزينة مع 1خميرة الحلوة ونضيفها للخليط نجمع بالفرينة وتكون طرية شويا حلي العجينة وقطعيها مثلثات رشي سنية بالفرينة وحطيهم
يطيبو في فرن 180حوالي 8الى 10دقائق لا اكثر
حضري كريمة الزبدة نحط الكريمة فوق الحبة ونلصق حبة اخرى
نذوب شوكولا منى بالحليب ونضيف قطعة زبدة وشوية حليب ونخلط جيدا ونقلاصي الحبات ونحطلهم حبة بنق في الجنب وهاهي واجدة

ومن الداخل هاهي:

اتمنى ان تنال اعجابكم
ولمن تريد وصفة

كريمة الزبدة

فاليكن حبيباتي:

المقادير:
*250غ زبدة فلوغيال
*250غ سكر عادي
*1حبة بيض +صفار
*2ملعقة كبيرة لافاني ولا نيسكافي على حساب الذوق لي تحبيه
*1/2كاس ماء

طريقة التحضير:
فرغي 250سكر في كاسرونة +1/2كاس تع الماء و ديريه فوق النار و حركي بملعقة تع حطب حتى يدير العقاش ماعنتها كي يدير نبابل صغار
من بعد ديريه في البيتخا تكوني من قبل ضربتي البيض مع النيسكافي و لا لافاني كي يتضاعف الخليط فرغي فوقهم هاداك السيرو يلزم يكون سخون و الباتور يكون يدور باش مايطيبوش البيض خلطي مليح حتى يبرد من بعد زيدي الزبدة بشوية و خلطيها مليييييييييييييييح مليييييييح باش جي شابة
والى الملتقى بحول الله

om djawad · 2014-06-02, 09:06

روعة يعطيك الصحة

tsotso70 · 2014-06-02, 09:13

ألسلام عليكم
وألله يعطيك ألصحة
بصح بصراحة وصفة معقدة شووية
ألاحسن بات سابلي مع كاكاو
وتلصقيهم باألمعجون تعطي نفس ألمضمون صدقيني
عذراً على ألمداخلة
تحياتي

عاشقة · 2014-06-02, 09:32

ايه جربتها ودوقها هايل وعجبت الكل لما ذاقها يعطيك الصحة

ريم الفلى · 2014-06-02, 10:42

اقتباس:

المشاركة الأصلية كتبت بواسطة om djawad

روعة يعطيك الصحة

شكرا لمرورك اختي

اقتباس:

المشاركة الأصلية كتبت بواسطة tsotso70

ألسلام عليكم
وألله يعطيك ألصحة
بصح بصراحة وصفة معقدة شووية
ألاحسن بات سابلي مع كاكاو
وتلصقيهم باألمعجون تعطي نفس ألمضمون صدقيني
عذراً على ألمداخلة
تحياتي

لا لا حبيبتي متمدش نفس الذوق بلاك الشكل بجي اسود نورمال لكن الذوق ذوق القهوة الرائع مكانش وايضا مش معقدة خلاص المهم هذا رايك لكن انا مجاتنيش خلاص معقدة وعملت منها كميات كبيرة شربنا بيهم لحليب اكثر من 200 حبة

اقتباس:

المشاركة الأصلية كتبت بواسطة عاشقة

ايه جربتها ودوقها هايل وعجبت الكل لما ذاقها يعطيك الصحة

ايه شفتي الذوق تاع لمرورية يهبل

ريم الفلى · 2014-06-02, 10:43

اقتباس:

المشاركة الأصلية كتبت بواسطة tsotso70

ألسلام عليكم
وألله يعطيك ألصحة
بصح بصراحة وصفة معقدة شووية
ألاحسن بات سابلي مع كاكاو
وتلصقيهم باألمعجون تعطي نفس ألمضمون صدقيني
عذراً على ألمداخلة
تحياتي

عفوا خويا مقريتش المعلومات تاوعك حتى كتبت الكومونتار

أم إناس · 2014-06-02, 11:06

امممممم وصفه راءعة بارك الله فيك

ritage19 · 2014-06-02, 11:27

merciiiiiiiiiiiiiiiiiiiiiiiiiiiiiiiiiiiiiiiiiiiiii iiiiiiiiiiiiii bayne bnine

بشرى2008 · 2014-06-02, 12:26

merci
rahi darteha om islam w aya
mawdou3

الأمنيات · 2014-06-02, 14:58

امممممممممممممميعطيك الصحة
شكرا على الوصفه

طيور الندى · 2014-06-02, 15:41

kon nakol iohda nmos sbari

narifati · 2014-06-02, 16:07

حلوة هاذي من فضلك شحال نطيقوا نخلوها من بعد من نصنعها

sarra5 · 2014-06-02, 16:34

شكرااا ليك باينين بناااااان

نورة · 2014-06-02, 17:52

يعطيك الصحة يهبل

minaflower · 2014-06-02, 17:55

تطبيق موفق ، يعطيك الصحة جاك روووعة

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري