الجزء 74 من واش طيبتي اليوم ؟ ديرو الصف وادخلو مرحبا بيكم - الصفحة 72

أم ياسين الزهراء · 2014-05-18, 12:26

ياقوت مادامكي من الجزاير وريحة البلاد يامحلاها راح ندبر عليك وانت ديري اللي يساعدك شربة فريك وننصحك ديريها باللحم غنمي وزيدي فيها ليبول تاع اللحم مرحي راهي تجي اممممممممم والبوراك انا مانحبش المقبيلات تاع العجائن لاني نخدم وحدي وديري طاجين الزيتون والشنمبينويريه باللحم مرحي وديري الرشتة بالجاج ومنبعد حمريهم في الفور مع الثوم والملح والزيت راح يجوك امممممممممممممممممم ونضن 6دجاجات يكفو انا نقسم الدجاجة على 5 اطراف وانت شوفي

والتحلية انا البارح درت تاع اكواب التفاح واش نقلك روعة وغمست القاطو في عصير البرتقال امممممممممممممممم طلقلي بنة هايلة الكل عجبهم وحمرولي وجهي وكاين حتى اللي دا الوصفة وادا جربتي قلب اللوز ديريه هكى تزوخي شوي ههههههههههههه والكوكاو واللوز المالح وكنت حابة ندير الشيكولا المحشية تاع عطر بصح راح الحال علي وكانت خاصتني الفاكهة ننصحك بيها راهي تسخف وبشرى مدت نصائح عليها

وربي يعينك حنونة

هدا واش قدرت نفيدك انا متعودة نخدم بعيني يعني مانحسبش وزعمى كنت شعبة رياضيات هههههههههههههههههه عجب

أم ياسين الزهراء · 2014-05-18, 12:29

المازة حظ موفق وبالتوفيق

المبتداة اممممممممممم على الحوت اممممممممممممممممممم

بصحتكم الغداء

سعيدة8888 · 2014-05-18, 12:32

اقتباس:

المشاركة الأصلية كتبت بواسطة المبتدئة

وهادا بودغ تاع قشر الليمون يعني عوض ما نكونجليه يبستو ورحيتو ريحتو تهبل

وهادا تاع البرتقال

ماشاء الله عليك لوكان تعطيني الطريقوة لي عملتي بيها بودر ة الليمون

omomnia15 · 2014-05-18, 12:46

صح فطوركم انا درت العدس بدل التليتلي ودرت بريوش رولي جا امممممممممم والمثقبة والحمد لله

سرور2 · 2014-05-18, 12:46

يالبنات ربي يحفضحكم راني هدرت وحصلت حبيت طريقة لزلوف كيفاه يطيب في الفور محمر والمخ طريقة جديدة لطيابو غير مع البيض جاني راجلي يشكر في سلفتي املا قتلو راني نعرف خير منها غير جيب وتشوف راه راح يجيب الزلوف الحقو عليا قبل لنتبهدل واذا امكن بالصور والتفصيل الممل راني نستنى هههههههههههههههههههههههههههههه

مرام 1987 · 2014-05-18, 12:59

بناااات جيت نسقسيكم
كاينة فرينة بدون غلوتين تتباع هنا في الجزائر ولا ما كانش
أرجو الإجابة
Farine sans gluten

awladi · 2014-05-18, 13:02

اقتباس:

المشاركة الأصلية كتبت بواسطة جومانة09

وشمن طريقة اعتمدت ليزابال عندها شحال من طريقة

تفضلي اختي الرابط
https://www.djelfa.info/vb/showthread.php?t=1569623

ياقوت ربي يعونك على الوليمة راهي المازة وام ياسو كفو
المبتدئة اممممممممممممممممممم الحوت راه يشهي بصحتكم
ام امنية صحة فطورك راكي نشيطة راح الخمول
سرور ربي يعينك انا مانعرفش نعرف غير شطيطحة والزوج ثاني يحبو محمر قولتلو مانعرفش ان شاء الله افيدوك الاخوات وتشتفادو معاك
صحة فطوركم نولي الاشغالي الي ماتخلاصش

omomnia15 · 2014-05-18, 13:13

متخافيش رانا هنا اغسليه مليه وقطعيه مورسوات كبار وديريه فالكوكوت بصح متغلقيش حتي يغلي وتنحيلو ذيك الرغوة مع ملح ثوم كمون حار عكري ورقة رند بعد مطيب ستفيه فالبلا تع الفور ديري لو شوية زبدة ودخليه حوالي ربع ساعة وقدميه بالقارص كامل ذا الزين ومتعرفيش تطيبيني لللامانة الصورة من النت

إلهام07 · 2014-05-18, 13:13

صباح الخير حبيباتي

ماري كاينة ومتوفرةهذيك الفرينة في كل الصيدليات وفي السوبيرات في كل المدن الجزائرية
حنا هنا كاين القاطو بدون غلوتين وكاين الفرنية وكاين كل أنواع المعجنات وحتىالفلان ولا كرام ديسير شكلاطة والعجب كامل كاين بدون غلوتين بصح شوية غاليين

مرام 1987 · 2014-05-18, 13:18

اقتباس:

المشاركة الأصلية كتبت بواسطة إلهام07

صباح الخير حبيباتي

ماري كاينة ومتوفرةهذيك الفرينة في كل الصيدليات وفي السوبيرات في كل المدن الجزائرية
حنا هنا كاين القاطو بدون غلوتين وكاين الفرنية وكاين كل أنواع المعجنات وحتىالفلان ولا كرام ديسير شكلاطة والعجب كامل كاين بدون غلوتين بصح شوية غاليين

ماعليش إلهاموووووو ماشي مهم الغلى المهم نلقى واش ناكل باه نقدر نوقف والله غير تعبت

ام ندى 87 · 2014-05-18, 13:19

الله يسلمك ام ياسين وربي يجعلها صدقه مقبوله الوليمه لي درتي
سعيده الطريقه سهله
تاخدي زاست تاع الليمون او البرتقال يعني كميه معتبره تحطيه فوق قطعة قماش وتخليه ييبس يومين ولا اكثر ثم ارحيه في راحية القهوه
ويستعمل كيما لافاني

وهادو ايس كريم المبدعه ام كوثر بنكهتين الفراز خلطتلها شويه معجون الفراز كنت خدمتو من قبل والشوكو خلطتلهاشويه شكولا ميلكا ذوبتها وزدتها لاشنتي اممممممممممممممم روعه

وهادا سابلي بكريمة الزبده جا يهبل زدت مع الكريمه عطر فراوله نوعيه مليحه كنت معروضه عند صحبتي ديتلها معايا
هبلو عليه وكامل كامل طلبو الوصفه
يعطيك الصحه ام اماني وربي يعلي مراتبك

سرور2 · 2014-05-18, 13:34

ام امنية يعطيك الصحة حسيت هداك الزلوف يضحك عليا ههههههههههههههههههههههه بصح حبيت نسقيك اذا ممكن نقسمو غير على زوج والمخ مقلتليش عليه كشما طريقة وشكرا ليك

omomnia15 · 2014-05-18, 13:37

والله يا سرور المخ نعرف غير الطريقة التقليدية الي بالبيض شوفي النت كاين بزاف طرق

ام ندى 87 · 2014-05-18, 13:37

الهامو على السلامه حنونه عاش من سمع صوتك هههههه
ماري اكيد كايني حوسي تلقاي فالمحلات الكبيره ولي سوبيرات والصيدليات وكيما قالت الهام كاين حتى حلويات جاهزه وتوست و و
ربي يشافبك واذا مسموح ليك الشعير كاين لرطب تاعو ديري بيه بيتزا جي هايله انا موالفه نديرها

حبيباتي قولولي حابه نجرب كروكي رولي تاع ساره نقدر نعوض الياووغت بالحليب

kaouka · 2014-05-18, 13:39

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري