و هذي مرة في السنة 2 متوسط عند أستاذة تاع رياضيات ماكانتش تشرح مليح و طايحة علينا غير بالتمارين حتى ولينا نحلمو بيهم
و أنا و جماعة صحابي كنا نتعمدو ما نديروش التمارين باه تضربنا
و كي تبدا تضرب فينا نبداو نمثلو عليها و حنا نضحكو
المهم لبنات المتفوقات في القسم تاعنا دارو للأستاذة الكافور في القسم ( الكافور هو مادة تندار للميت ولا للملابس)
القسم ولى غير الكافور الريح تقتل الاستاذة كي دخلت اتخلعت قالتنا : شكون مات هنا ؟
و بدات تسقسي فينا باه تعرف شكون دار الكافور
جات ليا باعتباري تلميذ نجيب و نقعد في المكان الأول
قاتلي : **** شكون دار الكافور قلتلها مانيش عارف
و كون علابالي نقولك بلا ما تسقسيني و بدات تضغط عليا باه نقول الحقيقة و أنا نقوللها مانيش عارف شكون
حتى وحد النهار جابت المساعدين التربويين و بداو يفتشو فينا كيا في الأمن الوطني كي يحوسو على الزطلة
و في هذاك نهار اكتاشفو بلي هذوك لبنات هما اللي دارو الكافور
و مبعد القصة غمدوها ( تعدات على خير ) و ما صرا والو و ولينا نقراو عادي
( تقرير عن مشاركة سيئة )، و الموجودة أسفل كل مشاركة .
2014-03-24, 21:16
العرض الشجري