مرة في السنة 1
عند أروع أستاذ في الفيزياء قريت عندو
كنا في درس الحركة المنحنية على ما أعتقد و اطانا أسئلة و جاوبنا عليهم
و بقا برنامج avestap باه نبرهنو على الإجابة تاعنا صحيحة ولا خاطئة
جبنا حاسوب من المخبرية و الداتاشو و قالنا شكون يعرف للإعلام الآلي يجي يعاوني أنا ما نعرفش
صحابي دمروني أنا و أنا من شدة احترامي لأستاذ الفيزياء نجاوب و أنا خايف إذا نغلط
المهم جهزتو و كي دخل للبرنامج ما بغاش يعمل قالي كيفاه نديرو قتلو نجيبو حاسوب آخر
زدنا جبنا وحدوخر و ريقلناه
و دارنا نفس المشكل
الاستاذ تقلق بزاف
ثماك جاتني فكرة ، قتلو : أستاذ الميكرو هذا فيه ال vlc media player قالي ايه
قتلو خلاص نقدرو نشوفو الحركة هذي بالتصوير المتعاقب
قالي وريلي كيفاه
شغلت الفيديو بهذا البرنامج و درت تبطيئ للفيديو أقصى حد للتبطيئ و قلت للأستاذ تبع معايا في السبورة
و كي نجحت الفكرة الاستاذ بدا فرحان بزاف و باسني و قالي انتا فوووووور و عبقري و قالي دايمن أعطينا أفكارك
و زيد عملية الدراسة تاع الحركة جات أفضل و النتائج خرجولنا أفضل بكثير
هذاك النهار كلما يشوف فيا يقولي أنت هايل
و من هذاك النهار و هو غير يشوفني يسلم عليا و يسقسيني على أحوالي و يضحك معايا حتى لو كان في أشد حالات الغضب
( تقرير عن مشاركة سيئة )، و الموجودة أسفل كل مشاركة .
2014-03-24, 13:19
العرض الشجري