☺معااااا لقتل الفيد والاستراحة قليلا من أجواء الدراسة☺

[max8]

السلام عليكم عندي حكايات بزاف
نخير هذي

مرة في السنة الأولى ثانوي دارتلنا الأستاذة تاع الفرنسية فرض في الفصل الثالث و الأمر الغريب اللي دارتو طبعت موضوعين الأول عطاتو للتلاميذ العاديين و 5 مواضيع أخرى عطاتهم للتلاميذ المتفوقين و أنا كنت من بينهم و كانو 3 صحابي تاكلين عليا نوريلهم في الفرض تاع الفرنسية
قالتنا بداو و جاني الفرض هذاك صعيب و كنت كاره الدراسة في ذاك اليوم ، صاحبي اللي يقعد معايا قال للأستاذة تبدل الموضوع تاعي بلي عندو و جاني الموضوع الساهل ولكن الفوضى كانت بزاف في القسم و الأستاذة ما قدرتش تسيطر عليهم
أنا نضت من بلاستي و قلت للأستاذة خليني نخرج قاتلي و الفرض
قلتلها : مانديرش و إذا بغيتي تعطيني 0 معليش بصح غير في في البيلتا ( كشف النقاط) حطي 0.5 باه ما نولوش في تقارير و مانيش عارف
قاتلي قعد و ما تخرجش
و بدات تضغط عليا باه ندير الفرض و أنا ما بغيتش و زدت قطعت الورقة المزدوجة اللي كنت راح نجاوب فيها و بديت نقول لأفراد القسم تاعي باه ما يديروش الفرض و يديرو كيما أنا حتى تروح الفوضى
الأستاذة هنا خوفتهم بالنقاط و مكاش اللي دار عليا
كي كملت الساعة خرجت موراها و قلتلها تعاوديلي الفرض ؟ قالتلي : نعاودلك الفرض وحدك و ماتقوللهمش
و فعلا عاودت الفرض و درتو مع قسم تاع السنة الثانية ثانوي و تخيلو الموضوع اللي عطاتولهم هو نفس الموضوع اللي عطاتولي في القسم و ما بغيتش نحلو