علما اني لست متزوجة مزال مزال منلحق
راي الخاص وانا نطبق هاذي الحاجة في كل اموري لقد تعلمت بالطريقة الصعبة انو مولى النية ميخرجش سالم من اي حكاية تصرالوا غير يرجع محطم على الاخر بطبعي اهلي هم خط احمر دارك تستر عارك لاسمح الله نحكيلوا ويقلبها عليا ممكن في لول يجيبها عادي مي لمبعد تكبر الحكاية بيناتنا وانا اهلي كيما قلت خط احمر اي امراة يجب ان تدرك انو اهلها سندها وماواها والامان الي تحتاجوا في حياتها قبل ما يدخل زوجها الي حياتها والي تنكر عشرة اهلها تنكر كلش بعدها .
اما عن زوجي نكون حاباتوا يحكيلي ويقلي ويصارحني لكن منحبوش يصارحني في امور ماضيه السبب اني انا لي ماض ايضا ولا احب نبش القصص القديمة يعني يهمني هوا كيفاش تعاملوا معايا درك كيفاش راهي حياتوا طبعا هناك امور متتخباش واذا صرات وتخبات فانا نحط نفسي في محلوا علاش مش رايحه نقول هذيك الحاجة وطبعا زوجي المستقبلي تكون عندوا اسباب لاشياء محكهاليش اسباب ولو كانت غير منطقية بالنسبة ليا لكن مش مضطر يبرر كلش بالفاء والنون انا منملكش حق التحكم في حياتوا والتدقيق في كل صغيرة وكبيرة كيما هو ميملكش هذا الحق واكيد زوجي المستقبلي رايح يكون محظوظ فيا لانو عندي حدودي في التعامل معاه ومع اي شخص اخر وايضا حياتي مش رايحه تكون مبينة كلها عليه حتان نحكيلوا كلش واحتمال وبعيد الشر يصرا يوم ونتفرقوا اكيد تتحطم نفسيتي لانو وثقت فيه وحكيتلوا على حوايج ماشي برك على اهلي وعلى اسرار الاخرين الي هيا طبعا اقصد اسرار الاخرين خط احمر انا منروحش نحكيلوا اسرار وحده وثقت فيا مستحيل مستحيل هاذي الحاجة تصرا ومع الوقت اكيد رايحه نحكيلوا وقبلها لازم نجربوا في حوايج باش نتاكد واذا خرج سليط اللسان نردهالوا بعشرة وان شاء الله ميخرجش سليط اللسان نقولها منا نسمعها من يماه لمبعد .
كاين نقطة مهمة اذا صرا وزوج المستقبل كتم عن شيء ومحكاهليش وكامل الناس عارفاتوا غير انا اكيد هاذي منقبلهاش ونكره نتحط في موقف هاك ونكره نحط اي شخص في موقف هاك.
( تقرير عن مشاركة سيئة )، و الموجودة أسفل كل مشاركة .
2014-03-20, 19:29
العرض الشجري