الجزء61 من واش طيبتي اليوم مرحبا بيكم

[lyzzabel]

الله يسلمك رياض و بصحتك نتي تاني حنونة
Fatiha hana بصحتك الفطور حبيبة و شكرا ليك
ام أمنية ديري لبراج و حطيلنا الصور راكم غيرتوني و بصحتك مسبقاااااا

[natacabell]

تفضلو باش تشربو القهوة

[ادرارية]

لبنات سلالالالالالالالالالالالالالالالالالالالالالالالال الالالالام المنتدى هبلني هادو يومين واش راكم كانش طيابات واقلة الحالة ناشفة راي درت كيكة الاناناس للعشية والله صورتها بصح كابل الصوارة تهملي 0. المهم عطوني رابط مرقة نتاع الفول بليييييييييييييييييييييييييييييييييييييييييز

[نخله.]

السلام عليكم ومسالالنوار والغبااااااااااااااااااااااار هههههههههه عقدني راه دايرفينا حاله

لبارح تعشيت سلاطه مقروووون




و الغدا درت بيتزا وزكيش سلق









و طيبت عشايا درت سوب البطاطا والبصل و جزر مشرمل مع مونشتو

وراه معجون قطيطيشه فالكوكوت يبرد

وتهنيت من الطياب لنهار اليوم

[lyzzabel]

هههه رووووووضة زعما خصني un coup de pousse راكي ديريلي فيه ههههه والله غير راهم في قلبي بصح ولدي الصغير يبكي بزاف و على حساب الشوفة يشدو اليد
ادراري زارتنا البركة بصحتك الترتة في انتظار الصور و الفول مارانيش عارفة انا ما نديرهش مرقة ما ناكلوهش بصح تبانلي ديريه مرقة حمرا عادية هاك نعقل على ماما الله يرحمها كانت ديره و دوك يزيدو يفيدوك الأخوات

[نخله.]

بصحتكم الطيابات والغداوات والفرماجات والبريوشات وتارت الاناناسات طبعا

سمحولي تعرفوني كسوله ما نراجعش ندخل بنص كارطه للصفحا الحاليه برك هههههههههه


حابه نسقسي على الجلبانه اليابسه بواكاسي شفت وصفتها هنا قتلو اشريهالي

شمخوها منم الليل ولا طيبوها ديريكت؟؟؟ معوله نديرها غدا غدوا

[أم ماجد]

المشاركة الأصلية كتبت بواسطة lyzzabel

هههه رووووووضة زعما خصني un coup de pousse راكي ديريلي فيه ههههه والله غير راهم في قلبي بصح ولدي الصغير يبكي بزاف و على حساب الشوفة يشدو اليد
ادراري زارتنا البركة بصحتك الترتة في انتظار الصور و الفول مارانيش عارفة انا ما نديرهش مرقة ما ناكلوهش بصح تبانلي ديريه مرقة حمرا عادية هاك نعقل على ماما الله يرحمها كانت ديره و دوك يزيدو يفيدوك الأخوات

ازدمي ليزابيل وفرحي اولادك
ماتحمش اليد بزاف اذا درت كمية صغيرة

[نخله.]

ليزابيل اذا ماشي موالف بيهم لبراج يدو الوقت يازم توجدي عجنة التمر نهار من قبل اما هما ساهلين وما يشدوش بصح يدو الوقت فالطياااااااااااااااااااااااااااااااب ديري جسابك


ادراري اول مره نسمع بسوب بالفول ماذا بينا نتعلموها

[natacabell]

المشاركة الأصلية كتبت بواسطة نخله.

بصحتكم الطيابات والغداوات والفرماجات والبريوشات وتارت الاناناسات طبعا

سمحولي تعرفوني كسوله ما نراجعش ندخل بنص كارطه للصفحا الحاليه برك هههههههههه


حابه نسقسي على الجلبانه اليابسه بواكاسي شفت وصفتها هنا قتلو اشريهالي

شمخوها منم الليل ولا طيبوها ديريكت؟؟؟ معوله نديرها غدا غدوا

بصحتك واش طيبتي لا لا متتشمخش برك اغسليها عدة مرات و رديها الطيب عادى هيا اصلا كي الطيب تتحرحر

[lyzzabel]

نتقبل ممممم يشهووووو شكرا ليك حبيبة
نخلة بصحتك كلشي يبان بنين و الله عندك الصح درتي خطرة وحدة العشا ريحتي منه
ام ماجد هههه زدتي حامرتي مع روضة واقيلا غلبتونيييييي ههههههه راه عندي التمر بصح ما عنديش الرحاية تاع اللحم باش نطحنه لوكان نفوره و نطحنه فالروبو يجيني مليح ؟؟؟؟؟؟؟؟؟

[natacabell]

ادراري شوفي هادو بالاك يفيدوك
https://www.djelfa.info/vb/showthread.php?t=1494760

[natacabell]

المشاركة الأصلية كتبت بواسطة lyzzabel

نتقبل ممممم يشهووووو شكرا ليك حبيبة
نخلة بصحتك كلشي يبان بنين و الله عندك الصح درتي خطرة وحدة العشا ريحتي منه
ام ماجد هههه زدتي حامرتي مع روضة واقيلا غلبتونيييييي ههههههه راه عندي التمر بصح ما عنديش الرحاية تاع اللحم باش نطحنه لوكان نفوره و نطحنه فالروبو يجيني مليح ؟؟؟؟؟؟؟؟؟

ديري بيدك نورمال ماشي مشروط الرحاية حتى انا حابة نديرهم حتى يشريي راجلي الغرس

[lyzzabel]

المشاركة الأصلية كتبت بواسطة natacabell

ديري بيدك نورمال ماشي مشروط الرحاية حتى انا حابة نديرهم حتى يشريي راجلي الغرس

نتقبل واقيلا ما قريتيش الموضوع لي دارته الأخت أمازيغية و افتخر على الغرس
انا كنت ديجا نعيفه مين ما ينقوهش من العلف و يطحنونه بيه بدوده و زدت كي شفت موضوعها ،،،،،،،،،،، الحكاية حاجة اخرى
شكرا على الجواب ههههههههه

[أم فاطيمة]

مساء الخير يانساوين جبتلكم لبراج باش تتقهو

[سميحة 01]

مساء الانواااار حبيباتي