الجزء60 من واش طيبتي اليوم

[نخله.]

صباح النور الخير والخمير عليكم

[نخله.]

ام رحاب وش راهو الجو عندكم السبع راه جايكم ضيف قتلو لدي القشابيه ؟؟؟؟

[نخله.]

شوي مسمن باه تفطرو شكون اللي نجيب القهوة

[x ام رحاب x]

المشاركة الأصلية كتبت بواسطة نخله.

ام رحاب وش راهو الجو عندكم السبع راه جايكم ضيف قتلو لدي القشابيه ؟؟؟؟

صباح النور حبيبتي قوليلو يلبس مليح الجو بارد والمطر باتة اطيح البارح راكي تعرفي الجلفة والبرد بلا مانقولك

[نخله.]

حنا ثاني بايت الغبار داير حاله و صباح جيت نفتح تواقي تجمدت

ليوم نبروفيتي كي راني وحدي نجرب الشورما باي وصفه تنصحوني؟؟؟؟

[x ام رحاب x]

المشاركة الأصلية كتبت بواسطة نخله.

حنا ثاني بايت الغبار داير حاله و صباح جيت نفتح تواقي تجمدت

ليوم نبروفيتي كي راني وحدي نجرب الشورما باي وصفه تنصحوني؟؟؟؟

حبيبتي ادجربي الوصفة الي درتها او الوصفة تاع ام مصعب

[نخله.]

ام رحاب درت بحث ال ما خرجتلي وصفتك فرحت لخاطرلقيتك طيبتيها في طاجين مسمن لخاطر لبارح تقسملي تع الطين

اعطيني الكيفيه بالتفصيل من فضلك


و طلب ثاني راني وصيتو يجيبلي طاجين من عندكم كاش ما تعرفي بلاصه باينه نبعثو ليها حابه طاجين طين مليح كل سمانه يتكسر واحد هبلوني

[x ام رحاب x]

المشاركة الأصلية كتبت بواسطة نخله.

شوي مسمن باه تفطرو شكون اللي نجيب القهوةن

المسمن راه ينطق الله يعطيك الصحة على هاذوك اليدين شاطرة حبيبتي

[نخله.]

لقيا طريقتك خلاص بصح قوليلي كيلو شحال يدير؟؟؟؟ راني غير انا و زوج ولادي

[ام احمد وصال]

ضباح الخير عليكم يوم مبارك على الجميع هدا عشايا البارح

ارز ام ماجد اروع منو مدقتش واسهل منو مجربتش يعطيك الصحة ام ماجد والله لحسنا الطبسي والاولاد اول مرة يزيدو خلاص راني اعتمدت الوصفة

[نخله.]

ام رحاب ما تزعفيش مني نزيد نسولك العجينه تلطقيها كيما المسمن؟؟؟ ولا محكومه كيما لفطير

[نخله.]

اماني السلام بصحتكم واقيل انا ثاني نجربو ما يحبوش ياكلو الروز دامن نعاود نعجنو ونقلبولهم ديبولات

درتي روز عادي ولا بسماتي؟؟؟

[x ام رحاب x]

المشاركة الأصلية كتبت بواسطة نخله.

ام رحاب درت بحث ال ما خرجتلي وصفتك فرحت لخاطرلقيتك طيبتيها في طاجين مسمن لخاطر لبارح تقسملي تع الطين

اعطيني الكيفيه بالتفصيل من فضلك


و طلب ثاني راني وصيتو يجيبلي طاجين من عندكم كاش ما تعرفي بلاصه باينه نبعثو ليها حابه طاجين طين مليح كل سمانه يتكسر واحد هبلوني

الوصفة بالتفصيل راني حاطتها في القسم اطباق رئيسية والمعجنات والوصفة تاع الخبز راهي من تحت احبطي تلقايها ويلا كاش استفسار راني اهنا
وبالنسبة للطاجين حبيبتي راني حابسة من هذي الجيهة ما نعرفش الطاجين الي مليح سامحيني

[ام احمد وصال]

المشاركة الأصلية كتبت بواسطة نخله.

اماني السلام بصحتكم واقيل انا ثاني نجربو ما يحبوش ياكلو الروز دامن نعاود نعجنو ونقلبولهم ديبولات

درتي روز عادي ولا بسماتي؟؟؟

والله جربيه غير هايل انا بنتي ماناكل والو هبلتني البارح والله غير زادت زود طباسة و درت روز sup اللون الاصفر

حقة خدمتك في الكروشي رووووووووووووووعة يا ر يت ديرينا ورشات تاع الروب تاع البنات والله امنيتي ندير روبة لبنتي بصج منعرفش الفصالة

[x ام رحاب x]

المشاركة الأصلية كتبت بواسطة نخله.

ام رحاب ما تزعفيش مني نزيد نسولك العجينه تلطقيها كيما المسمن؟؟؟ ولا محكومه كيما لفطير

لاازعاف لا والو اامري حبيبتي نبداللك من لول حبيبتي باه تفهميني مليح وتدعيلي لبناتي باه يربحو هذا العام


اجيبي الفرينة واتحطي الزيت والخمارة تكون مليحة الي تخمر مليح وادزيدي اتحطي الملح وادزيدي اتحطي 2 مغارف لحضة واتعجنيهم مليح وتغطيهم وتخليهم يخمرو كي تخمر المرة الاولى تعاودي اتحبطيها يعني تعاودي تعجنيها ومادابيك ماتكونش يابسة باه ماتجيكش الخبز يابس واتعاودي تخليها تخمر كي تطلع اتعاودي اتنزليها واديريها دي بولات كيما تاع المسمن وتخليها ترتاح شوية امبعد تحليها بالحلال لازم تكون رقيقة ماشي كيما الفطير تكون رقيقة 1سم
وتخليها تخمر مدة 10 دقائقفقط واتوجدي الطاجين تخليه يسخن امبعد نقصي شوية او حطي الخبز تاعك اهنا افهمي مليييييييييييييح كي تحطي الخبز ديالك غير تشوفي ليبولات صغار بداو يطلعو اقلبي الخبزة تاعك باه تعاود تطلع مليح اوماطيبيهاش مليح باه ماجيكش يابسة ويلا مافهمتيش ادربي طلة على الموضوع راكي رايحة تفهمي مليح انشاء الله انكون فهمتك حبيبتي