السلام عليكم
اختي الكريمة اذا كان الشاب متدين و متخلق مصلي يخاف ربي رزقو حلال وعائلتو محترمين
يبقالك تستخيري الله تعالى و تسقسو عليه مليح في خدمتو و الحي لي يسكن فيه بهدوء
اذا كان هذا البحث ايجابي و الاهل تاع البنت قابلي علاش الرفض
اكيد انو كل بنت بمجرد يتقدملها شخص تيقى طلع و تهبط وتخاف من المستقبل و من فراق الاهل و الفشوش ديالها و استقلاليتها لكن كي تعرف مليح الهدف ديالها من الزواج بزوج صالح و تكوين اسرة تبدى تتوضح الامور عندها لان العيش مع الوالدين و الاخوة جميل و العيش مع الزوج الصالح و امتلاك اسرة خاصة بك شيء رائع يعني الكل جميل الزوج اذا قدرك و عرف قيمتك مليح تولي انت ما تحبيش تكثري القعاد في داركم و انا هذي الظواهر شفتها بعيني تخلي فتاة نهار جي لدارهم تتقلق و قتى ترجع لدارها لانها وجدت الحماية و المحبة و الامان و العطف عند زوجها وهذا اهم ما تطمح اليه كل بنت اما عن الاستقلالية نهار تروح البنت لدارها تولي عندها مسؤوليتها تتقاسمها مع زوجها و تولي تشاورو ويشاورها و تولي عندها حياة مشتركة تسمحلها باش تجنب الكثير من الاخطاء لي تعطيها الاستقلالية تاع العزوبية
كل وحدة تحب في زوج المستقبل خصال معينة و مبادىء تحب تلقاهم فيه المهم ان لا تركز على كل الاشياء الثانوية كثيرا .اذا ركزت البنت على الجوانب الاساسية ولقاتهم ملاح لماذا الرفض هل تنتضر ان ياتيها الافضل ام ماذا .؟ اما اذا لم يرتح قلبها للشخص الذي تقدم اليها و لم تجد فيه ما يعجب هذاك امر اخر
اختي ماتعطيش الموضوع اكثر من حجمو اذا لازمك تخممي 15دقيقة ما تزيديش اكثرمن ذلك و رقدي مهنية لانو اذا الله قدرلك امر ما فاكيد ان فيه خير سلمي امرك لله تعالى بالاستخارة
المهمة ديالك ليست في طول التفكير و انما في البحث و التنقيب اولا و التفكير و المشاروة
انت حطي القواعد سليمة و ديري لي يلزم و الاشياء الاخرى لن يفيدك السهر و كثرة التفكير في شيء سلمي امرك لله تعالى بالاستخارة
يا الاختي انت مازال مارحتي قتلتي روحك بالتخمام كيفاش توالفي الامر سهل اذا الشاب مليح هو يعاونك باش توالفي و انت ماتديش فكرة انو فراقك من العائلة سوف يكون صعب لا الان عندنا وسائل النقل و الاتصال
( تقرير عن مشاركة سيئة )، و الموجودة أسفل كل مشاركة .
2014-01-17, 13:11
العرض المتطور
