هذه البايلا وعدت بها دائمة الحمد و المازة
وجدي كل شيء باش تجيك ساهلة:
الروز مغسول و منقوع نص ساعة وبعد خليه يقطر
الجلبانة+الزرودية المقطعة مكعبات+الفلفل المقطع+الثوم المقطع شرائح
+الطماطم المقشرة و مقطعة
في طنجرة حطي :
افخاذ الجاج + بصلة + ملح + زيت قليييل + فلفل اكحل+راس الحانوت
+شوية كركم+ كمية جلبانة
+كمية زرودية قصيها مكعبات مرقي كل شيء بارد في بارد خليها تطيب
من جهة اخرى حطي زيت في مقلا ة و حطيها على النار
خذي 2 فلفل حلو قصيهم مربعات ماشي صغارو1 فلفل احمر قصيه
بالطول شرائط و حطيهم كامل في المقلاة كي يتبدل لونهم , نحي الفلفل لحمر
خليه للزينة , و حطي عليهم 7 او 8 سنات ثوم مقطعين شرائح و قبل ما يتحرق الثوم (على خاطر يتحرق في ساع )حطي 2 طماطم مقشرين و منحين الزريعة و مقطعين مكعبات شوية ملح و شوية فلفل اكحل و م كبيرة كركم و قلي كل شيء مع بعض ثم ارمي عليهم الروز و خلطي , قيس ما يشرب الروز الزيت و النكهات , في هذا الوقت تكون المرقة طابت .
اذا رايحة ديريه في الفور صبي عليه شوية مرقة و خليه قيس ما يبقبق فرغيه
في صينية الفرن و زيدي فرغي عليه المرقة الي في الطنجرة حتى يتغطى الروز
كامل و الماء فوقه 1 سم خذي الجاج و ستفيه ساير داير
و زيدي زيني بالفلفل لحمرو حطيها في الفرن و عسي حتى يشرب الروز الماء .
( تقرير عن مشاركة سيئة )، و الموجودة أسفل كل مشاركة .
2014-01-13, 15:36
العرض العادي
