طريقة عمل عجينة التزيين

[souma.sousou]

المشاركة الأصلية كتبت بواسطة ام الاء وسدن

صباحك عسل حبيبتي ربي يجعل ايمك كلها ورد ...فل ..وياسمين .... وصباح مربوح علي كل واحدة دخلت للصفحة
عمرها 5اشهر ونصف جابلي ربي عندها الوجع في كرشها من الي كنت ثقيلة بيها وانا نسوفري
قريب زيدتها في 7 بشوي بشوي كملت 7 وزادت اخر يوم في 8 جاها الصفاير قعدت بيه شهر والزيادة
وصباح زيادتها قالي البيدياتر رجلها اليمنى شوية دايرة راكي تعرفينا حنا النسا في النفاس قريب هبلت ووليت من طبيب لطبيب حتى طحت في طبيب امين قالي بلى في كرشي كانت مجينيا وانا اللي درتها بيها خدمت القاطو تاع عرس خويا في السادس 3 ايام وانا قاعدة على طابوري من 5 تاع الصباح حتى 12 تاع اليل المهم على داك كنت نضل نبكي ونوضها كل وقت باش ترضع ماكانتش تنوض وما حبيتش نديرلها البيبرو حتى دركة ماتعرفش ترضعو تعرف غير صدري
اطيني كاش دوا لليgاز راهي تسوفري وانا معاها
طولت عليك اسمحيلي راني غير وحدي راجلي راح يجوز في stage وربي عالم وينتا يولي

متقلقيش روحك حنونة ,,,,دوك تريح وتكبر وتشوفيها احلى عروسة نشاله,,,,للغازات ديري تيزانا بالكمون وحبة حلاوة وزريعة البسباس غلي الماء وحطيهم فيه غطيه وخليه يدفى وشربيها حتى اذا ماتحكمش البيبرون شربيها بالمغرف,,,,,حتى انا اولادي كامل ميحكموش البيبرون رضعتهم صدري كل واحد عامين ونص فارس لي رضع اقل عام و3 اشهر لاني حملت بتسنيم وانا نرضعه على هذي فطمته صغير ,,,,,,لازم تاخذي بالك من التقلاق والاكل لي يدير الغازات والاكل الحامض الذوق ,والحار لانه ينتقل للصغير مع الحليب كي تكوني مقلقة مترضعيش بنتك حتى تتهدني وغسلي صدرك قبل الرضاعة عمرك ماترضعي بنتك ونتي تبكي راكي تضريها كل الاحاسيس تتنقل عبر الرضاعة ودايما قولي بسم الله اللذي لا يضر مع اسمه شيء,,,,,,,,,,,,,ومتعطيهش ماء وسكر يدير الغازات ,حتى اذا مشربتش الماء متقلقيش حليبك فيه الماء ,اذا زدت تفكرة حاجا راني نقولك نتمنى راني افدتك وربي يشفيها ويخليك ليها