لنتذكر أيام الطفولة الجميلة

[مياسم الصمت]

المشاركة الأصلية كتبت بواسطة مريم الصابرة

السلام عليكم ساجدة نحكيلك هذا الموقف
إنو مرة كنت نقرا سنة اولى وانا ممنوع منعا باتا يعيطو عليا تجيني كريز اللي يعيط عليا لازم بابا يضربو هههه
وانا نقرا طفل يقعد معايا عفس عليا برجلو عقست عليه ضربني ضربتو المهم عطيتو طريحة فالكلاسة والمعلمة تقري فينا جات عندي عيطت عليا حتى شبعت وضربتني كف يا ويلي حرب عالمية ايا قتلها نخرج وبديت نبكي ونعيط المهم تلمو كامل جا المدير ووالو جاتني كريز لازم يجي بابا وماكانوش تلفونات وليت نخبط في رجليا لازم يجي بابا ههههههه راحو جابوه هههه نقول بالسيف تضربها للمعلمة بابا عيا معايا يفهم فيا وهي تقولي إسمحياي وتجي تعنقني نطبعها والو حتى يضربها باه نبرد المدير جار غلبو الضحك انا كريز يعني والو متشنجة لازميضربها ما نتحركش
بابا مسكين حشم وضع محرج وانا خلاص النفس تقعطت بالبكا ونكرز بقيت فالأرض نتمرغ لازم يضربها هههههه قالت بابا تفضل ههههههه تامني بابا حشم مات بالحشمة مسكين ربي يرحمو جات معلمة اخرى قاتلي نضربها انا وضرك تشوفيها تبكي ضربتها كف هوما يضحكو وانا نبكي لازم بابا يضربها لعبوها يسلكو فيهم وبابا زعمى يضربها نضت نورمال مسحت عينيا وشفت فيها وقتلها كانت ضرستي طايرة قتلها ثح فيك هههههههههه ما ننساهاش تعرفي ضرك نتلاقاها نموت بالحشمة كي نتفكرها تقولي تتفكري الثح واش درت فيا ذاك النهار والله رانين كتب ونضحك لما نتفكرها
كلما نتفكر نجي نحكيلك ايام رائعة شكرا

شوفي يا مريم

نعطيك فكرة

ديري موضوع منفصل
عنوانه

مغامرات مريومة

والله راكي وحدك دموعي سالوا من الضحك

الله يعطيك الخير