طريقة عمل عجينة التزيين

[alchimi]

المشاركة الأصلية كتبت بواسطة aboayoub

حلوة الصاندو



250غ زبدة
2 كيسان زيت
6 حبات بيض
كاكاو
1 باكي سكر قلاسي
1 خمارة
فرينة حتى تلتم

اخدمي الزبدة مليح بالباتور واضيفي السكر بالتدريج +البيض بالحبة ومرة على مرة الزيت والكاكاو حتى تولي كريمة ولمي بالفرينة وفيها خمارة وخليها طرية كيما الصابلي ديريها في صينية مدهونة خليها علو1.5سم وطيبيها الاطلعت في الوسط بزاف اثقبيها كي اطيب من تحت طيبيها من فوق شوية كي تبرد كبي فوقها الشيكولا وكي تنشف قطعيها كيما تحبي مربعات او مثلثات او مستطيلات
ملاحظة تقدري ديري العجينة بلا كاكاو والشيكولا بيضاء او روز او اي لون لكي الاختيار في التزيين ممكن تقسمي الحبة وتحطي في الوسط كريمة الزبدة
هدا العبر يقطع 120 حبة

صباح الأنوار والخيرات على الكل

وينك أختي أم أيوب .......الصفحة مظلمة بدونك ...

إن شاء الله يكون المانع خير .

بارك الله فيك على حلوة الساندو .....كنت ننتظر في الوصفة لأنه العضوات في المنتدى أعطاو عدة وصفات لهذه الحلوة ..ونسمع يقولوا تجي هايلة وخفيفة

سؤالي هو باكي سكر قلاصي يعني 700 غ ولا راني غالطة ؟

ربي يحفظك من كل سوء وإن شاء الله ترجعي لينا تنوري الصفحة بنشاط وحيوية وووووووصفاتك الرائعة

راهي العطلة جاية ونلقى الوقت باش نجرب