ماالذي يحصل ؟

[سمية المستغانمية]

السلام عليكم

ممكن تساعدوني ؟؟

مشكلتي تكمن في أنني نراااجع و نركز مليح في القسم و نبحث و .... و نبذل مجهودات

لكن للأسف

لم أحصل على علاماات على قدر ما ابذله من جهد ... ما هذا ؟؟؟ ماذا أفعل ؟؟

هل السنة صعبه أم المشكل فيا؟؟؟

لم يحصل لي هذا أبدا و لم أحس مثل هذا الاحساس من قبل ... اني مانخدمش في الفروض و الاختبارات

أظن هذا أسوء فصل مررت بيه

انصحوني لوجه ربي يا خاوتي و لو بكلمة واحده

أنا على وشك الانهيار

ماتخلونيش نستسلم

و لي راه باغي يدير فيا الخير نبداو نراجعوا كيفكيف في عطلة الشتاء

و لما لا من غذا نشاء الله

نتعاونوا و نديروا يد على يد لكي نحصل على نقاط مرضيه و نستاهلوها

آسفة أخذت من وقتكم لكن لم أجد أين أشكي له

بالتوفيق لي مازالو ما يديروا الأختبارات

[sarah 01]

نفس المشكل الذي أواجهه أطن المشكل في السنة فهي صعبة و ربما الأساتذة أيضا كحالي

[راغبة الجنة]

نفس الشيئ يحدث معي يا صديقتي
المشكل ليس فيك وحدك
انا موافقة نراجعو مع بعض
احنا لم نعمل الاختبارات بعد .. يوم 15/12 ان شاء الله

[brave girl]

mat9al9ich rohek khti rana ga3 kifkif . had sna y9olo hiya la base ta3 l bac c pour ça s3iba chwiya nti almohim fahmi roros bien hada howa sah
w rabbi hayjazik 3la hsab wach 3yiti khti
ana wlh rani kima nti ani nassana ghadwa bah nchof les notes

[سمية المستغانمية]

شكرا ع المرووور

نفس الشيئ يحدث معي يا صديقتي
المشكل ليس فيك وحدك
انا موافقة نراجعو مع بعض
احنا لم نعمل الاختبارات بعد .. يوم 15/12 ان شاء الله

شوفي اختي شوفي موضوعي راني حاطا مواضيع اختباراتي شوفيهم و حاولي فيهم يلا ما فهمتيش حاجا قوليلي باش نعاونك لأن الأحد نديروا تصحيح منها نراجع روحي و منها نساعدك في مراجعة لاختباراتك

[DxZoheir]

ختي رانا كيفكيف أنا هبلتني العلوم خاصة

[سمية المستغانمية]

المشاركة الأصلية كتبت بواسطة DxZoheir

ختي رانا كيفكيف أنا هبلتني العلوم خاصة

لااا العلوم سهله لكن يجب القليل من التركيز فقط

لكن الرياضيات و الفيزياء الله يسطر

[راغبة الجنة]

ان شاء الله ساقوم بتحميل اختباراتك و انا ايضا ان شاء الله ساضع اختباراتي
و تنس وضع التصحيحات

تصبحين على خير
بالتوفيق ان شاء الله

[مطيعة ربها]

نفس المشكل صدقيني خاصة العلوم والله المستعان الله المستعان

[DxZoheir]

أختي واش تكولي نتناقشو بالفايسبوك أحسن ؟

[رحلة الهام]

ana tani le meme problème na9ra w nrivisi w na5dem fel classa mais walo f les devoires karta w les examants hkaya o5ra
w je pense lmochkel mich fina ay 2eme anné sciense s3iiiiiiba puisque hiya la base ta3 terminal w les prof tani kayen li 44 w kayen li rabi yahdihem et ban hna lazem 3lana nrivisiw b1 l 2eme trimestre w nch nfido ba3dana w na9raw kif kif hna
w ana na3tikom conseille matahtamoch beli ymedo l prof fel classa brk hawso 3la ma3lomat motawas3a w jdida w matt9aydoch bel classa halo tamarinat bzf meme s3ab mais ma3lich bah ki nroho lele devoire na3rfo kolech w man5afo men hata tamrin psq kolech chefnah mich mhatem f la class (fel les cours les bordasse w lmontada ta3na lah ybarek raho 444)
w nch njibo des notes extra
w rabi yosyer fi 3orod hal ta3 2m1

[Amira Mimita]

wlh ya khti rana fi 7ala wa7da ms 2éme année nrmlmnt hya li wa3ra ana kount ndjib 15 la moyenne w doka rani khayfa men kach 10 wella 11 rabi yestor w rana kml hna ten3awno fi kolech nChlh

[Hala VanderWotson]

السلام عليكم
اولا ديري في بالك بلي ربي يبغي اصحاب العلم وهاذي لقرايا لتعبتي علاجالها متروحش فلباطل وبالنسبة للعلامات الكارثية ماهي الا مجرد امتحان من الله الدنيا متكملش لهنا لازم تضاعفي مجهودك ومتفقديش الامل مازال كاين فرصة اخرى في الفصل الثاني والثالث

زيدي اجتهدي خاصة السنة الثانية هي اهم سنة في الثانوية
انا مازال مدرتش الاختبارات اذا حبيتي في العطلة نبدا معاك مراجعة ونعاودو الفصل الاول كامل

[Amira Mimita]

المشاركة الأصلية كتبت بواسطة Hala VanderWotson

السلام عليكم
اولا ديري في بالك بلي ربي يبغي اصحاب العلم وهاذي لقرايا لتعبتي علاجالها متروحش فلباطل وبالنسبة للعلامات الكارثية ماهي الا مجرد امتحان من الله الدنيا متكملش لهنا لازم تضاعفي مجهودك ومتفقديش الامل مازال كاين فرصة اخرى في الفصل الثاني والثالث

زيدي اجتهدي خاصة السنة الثانية هي اهم سنة في الثانوية
انا مازال مدرتش الاختبارات اذا حبيتي في العطلة نبدا معاك مراجعة ونعاودو الفصل الاول كامل

bon courage w ida ma fiha walou nrévisé m3akom ida 7abito b1 sur

[TheMan]

هذا العام كاين فيه خلل
أغلب التلامي هبطو
بصح متفديش الأمل و دي العبرة من هادا الفصل
و الفصل الثاني بينيلهم واش قادرا تديري