اقتباس:
المشاركة الأصلية كتبت بواسطة om aya
يا سطايفية قبل كل شي ما شاء الله خفت نعينك كي شفت لقماش الاول كرشي وجعتني و حسيت بلوكة هبطت من حلقي و حبست في كرشي باسكو شفت روبة قريب نفس القماش و عجبتني خلاتنني نعيف باقي انواع القطيفة قولك عندك شيئ فيك لله طليتي على قلبي و قلوب الاخوات
شوفي بلاك ديرينا وحدة من هاذوما
اه عفوا ماشي هاذي
سوغتو هادي
ولا هادي قاتلهم ارقدو
هايا سلاااااااااااااااااام راني كترت |
راني دبرت موديل للحمر مزال الزرقاطي. هههههههه و ندير لحبيبتي ورشة وعليها لكلام هههههه
اقتباس:
المشاركة الأصلية كتبت بواسطة sarra5
القماش روعة خاصة جاي قطيفة فتون
في انتظار واش راح تخرجيلنا منو
|
اصبري عليا برك لازم نلبش لا توني تاع لي يطلعو بيها للقمر باش نخرج نخيط في الحوش ياو البرد يقتل واشبيك راكي في سطيف.
اقتباس:
المشاركة الأصلية كتبت بواسطة ام مريم اسراء
ما شاء الله سطوفة اختيار ممتاز ربي يوفقك في خياطتهم كشما يبقالك طريف خيطي ل مريومتي بوندانة ياك مقتلكش قفطان .... اوعديني
.... ام اية واش هاذ الروعة حبيبتي ذوقك فنان الله يبارك كون غير سطوفة تختار موديل من فاذو سورتة الخضراء وااااو قلبي الصغير لا و لم و لن يتحمل
|
اهلييين حبيبتي ام مريومة ليك وحشة ماراكيش تباني و البوندانا نخيطها نشاللهة و نصورهالك في خاطرك هاه
اقتباس:
المشاركة الأصلية كتبت بواسطة om aya
الله يسلمك واذا ما خيطتش كيما هما راني هنا غير هوما اللي مخيطتهم مخيطتهم بصح ورشة كيما تاع سطوفة ما نظنش ندير كيفها هههههههههه
|
اواه ديري كوني فحلة برك ههههه
اقتباس:
المشاركة الأصلية كتبت بواسطة om meriem
القماش راهو هايل هنا في ام البواقي يسموه ديجيتال قطيفة هوا ديجيتال تعرفي عين البيضاء مليحة وفيها كلش مليح لكن لغلا الحاجة الي تمسيها تكوي
|
صح قالولي هنا شوي رحمة ربي
اقتباس:
المشاركة الأصلية كتبت بواسطة selma 1993
يعطيك الصحة السطايفية ختي لي مودال باهين اللول هداك لحمر شريت كيفو وهو كحل وبيض و وكاسيتو بالروج خيطتو جبة فلعيد لكبير كتانو هايل هايل ماتندميش عليه مي شريتو ب85 الف للm
|
راه كاين تاع 75 بصح الفرق في الكاليتي. هاذا تقولو حريير و يبريي بزاف و مطلوق يسخف و مانعرف
اقتباس:
المشاركة الأصلية كتبت بواسطة فريولة ابتسام
ياختي غالي بزاف الجبة بالقليل تدي زوج مترات ويسقامو 2800 وتزيدي حق الخباطة وعلاه مانشريهاش واجدة خيرلي وخاصة راهي مضمونة بلي نلبسها ههههههههههههه
|
ياختي واش تحبي خواتاتي يحبو يلبسو حاجة مكانش نخرجهالهم من راسي ههههههه وانا العكس مانلبس والو من خياطتي غيييييير في الفال.
اقتباس:
المشاركة الأصلية كتبت بواسطة fadilasor
بصحتهم لي شريتيلهم القماش اختي الغالية حبيت نعرف وين يتباعو القماش المليح عندكم حبيت نبعث خويا يشريلي راه في قسنطينة
|
اهلا فظيله هنا في سطيف؟؟ كاين في لبلاد و الرود سيلاق و العلمة في بلعلى و في قسنطينه. لا رود دو فرونس فيها كل واش تحبي و ارخس من سطيف و تالي في شلغوم العيد مانحكيلكش كاليتي و بري هاذو لي نشري من عندهم انا
( تقرير عن مشاركة سيئة )، و الموجودة أسفل كل مشاركة .
2013-11-17, 11:18
العرض العادي
