ما تقلشوش بناتكم(نداء إلى الأولياء)

[mounaminou]

لكننا أردنا مناقشة تدليل البنت بصورة فضيعة ونتائجه الوخيمة ...نعم اخي راني معاك ف النقطة هدي واكيد اي حاجة تزيد علا الحد تاعها توللي مايش مليحة و انا هدا واش قلت ف الرد تاعي

مي مازلت عند رايي .....يعني مازلت نشوف بللي النسا تاعنا مساكن ماهمش مقلشات خلاص... و كاين اللي مدلللات شوية.... مي ال cas اليي تحكي عليه اللي مدلللات بزاف نشوف بللي راهم قلال و قلال بزاف نضن انهم حالات خاصة تاني

يعني رايي الشخصي هو لاكان كاين تقلاش ف بلادنا اكيد التقلاش لكبير راح للرجالة و ماشي للمرا ...برك كاين بعض الرجال مايحبوش يعترفو ب الشيئ هدا ...(مانيش نحكي عليك هههههه والله راني نمد ف رايي الشخصي فقط )

برك حبيت نقول بللي كاين فرق بين زوج انواع من النساء ...المرأة اللي مربية (واكيد التربية الحسنة مايكونش فيها تقلاش زايد و كلش يكون فيه وسطية) و النوع الناتي هي المرأة اللي مايش مربية و اللي مام لاجامي تقلشت و جامي تعللت تدير تدير المشاكل و ماتهنيش روحها

و نفس الشيء بالنسبة للرجال

و بالنسبة للطلاق نضن بللي المشكل ف الغالب يرجع لاختلاف المفاهيم و العقليات بين الرجل و المراة ..يعني بالاك لمرا راهي عادية بالنسبة ليا انتا تشوفها مقلشا بزاف .........
نمدلك مثال...وحدة عاشت ف منزل متواضع في المدينة و جامي عاشت في الريف و ماهي مقلشا ماوالو بالعكس .... نديوها تزوج للجبل بواحد من تما مربيين في الكباش و البقر و ينوضو صباح يفلحو .........الراجل يتوقعها تكون فحلة كيما ماماه مي يتشوكا كي يلقاها تخاف من البقر و ماتقدرش للفلاحة لانها تتعب بالخف...هو يقوللك اي مقلشا مي هي الله غالب عليها ماتقدرش تكون كيفو ..مي ارواح نتا و فهمو و قوللو يتقبلها كيما هي ....قادرين حتتا يضحكو عليها ماليه

كاين تاني اللي تربا و هو يشوف في باباه يضرب ف امو و هي ساكتة و صابرة مسكينة ....يروح يعاود السيناريو مع مرتو اليي تربات في منزل الله يبارك ماكانش فيه العنف هدا خلاص...هي اكيد مايش رايحا تقبل و ترضخلو و تسكت ...و كيماتسكتلوش يقول ماهيش مربية و مقلشة alors que هو اللي ماوش مربي و ماعلابالوش بللي اللي تسكت ف الحالة هدي هي اللي غالطة ماش العكس

ان شاء الله تكون فهمتني .......سلام