ام خطيبي بداتني المشاكل من الآن ، نحكيلكم ؟

[la sagesse]

المشاركة الأصلية كتبت بواسطة مريم الصابرة

السلام عليكم اختي
فهمنا مشكلتك ومش قصدك المال قوليلي نسقسيك وما تزعفيش مني
الام فرحانة بوليدها واكيد هي اللي دير شروط وهي اللي تحكي على العرس وامورو لأنو هذي امو مش جارتو وزيدي اختي لو تبقاو يماك تشاحن فيها وهي تشاحن في يماك وإنت وهو كيفاه ولو تبدايه إنت من ضرك يماك ويماك كي تدخلي واش ديري شوفي اختي نقولك نصيحة
كان إنت حابة تكوني للراجل هذا ما تبدايش تعلقي على امرو تافهة خلي الكبار يحلوها وخلوكم إنتم على الطرف تخمي للقدام صح ومن حقك وراكي تقولي الطابق فوقها ودخلة وحدة معناها يماه راحا تولي جارتو مليح هذي
لكن لو مثلا سقساتك حاجة او شافت تصرف منك وخلينا نقولو ظلماتك فيه واشس ديري انا ننصحك كأخت لي من رأي فوتي على الامور هذي كل حمات تهدر وكل حمات تعلق وكل حمات فيها جانب نقراش بإختصار تعلمي طنشي لازمك كان ناوية تربحيه إربحيها هي وما تزعفيش من كلامي الناس تكسبيهم بالملاحة إنت الآن حتى كلامك عليها تقولي تحكي على وحدة تكرهيها للعمى هذي امو يعني ولداتو وكبراتو ورباتو باه تلاقى بيك إنت وإسمحلي موفقة

علاه نزعف اختي ، عادي ، تسعدني نصائحك ، وعندك حق راكي كفيتي ووفيتي بارك الله فيك

لا تقولي تيحت من قيمتي ب هذا المهر كآين بنآت ما يسواوش حاشاك و داو مهر كبيير المهر ليس مقياس هو مجرد هديه للعروس و يدفعها العريس المبلغ اللي يساعده و الحل عندك تكلمي معا أمك و إن كآن الشرط هو كلآم الرجال لماذا دخلت أمك و ومو في الموضوع الحل إنه هو يتفاهم معا باباك و خلاص مش مشكل كبيير ..و ربي يسهلك أختي و يصلح الأحوال إن شاء الله

آمين اختي ويسهلك انت ثاني ، ربي يجازيكم خير

[mounia 85]

يا اختي لازم تعرفي تتصرفي بحكمة في موقف كيما هدا عجوزتك على حساب الشوفة تحوس تفرض رايها وتمشيك
كيما تحب هي من درك هادي حاجة واضحة..نتي تفاهمي نتيا و خطيبك وقوليلو يقول باللي هو لي يمد كيما يقدر و حددوا قيمة في النص يعني اذا عجوزتك قالت 12 مليون مثلا وامك قالت 15 قوليلو يمدلك 14 ولا 13 يعني ماديرو راي حتى وحدة فيهم على خاطر هاد الحاجة راح تخلي حساسيات ومشاكل
و صدقيني الامور لي كيما هاكا من الحبة تولي قبة سيرتو لعجايز يتسابو على اتفه حاجة باه يخرجوك ماكيش مليحة.ويكذب عليك لي يقولك قوليلها مايكون غير خاطرك والله العظيم غير توالف فيك و تذلك مانيش نحرش فيك يا ختي راني ننصح فيك نصيحة مجربة .انا قيمت واحترمت وكسيت ودرت لعجوزتي لعجب وفاللخر دارتلي السبة وليت ماشي مليحة وربي شاهد باللي ظلمتني و هذا كامل على خاطر طيحت بقيمتي فوق اللازم و قيمتها هي فوق اللازم على حسابي انا
نصيحتي ليك اختي انتي احترميها وقادريها بصح ماشي على حساب قيمتك و لا رايك....ربي يهنيك ختي وان شاء الله عجوزتك تكون ناس ملاح ما تدريش .....ماشي كيما عجوزتي ....شريرة هههههه

[mounia 85]

يا اختي لازم تعرفي تتصرفي بحكمة في موقف كيما هدا عجوزتك على حساب الشوفة تحوس تفرض رايها وتمشيك
كيما تحب هي من درك هادي حاجة واضحة..نتي تفاهمي نتيا و خطيبك وقوليلو يقول باللي هو لي يمد كيما يقدر و حددوا قيمة في النص يعني اذا عجوزتك قالت 12 مليون مثلا وامك قالت 15 قوليلو يمدلك 14 ولا 13 يعني ماديرو راي حتى وحدة فيهم على خاطر هاد الحاجة راح تخلي حساسيات ومشاكل
و صدقيني الامور لي كيما هاكا من الحبة تولي قبة سيرتو لعجايز يتسابو على اتفه حاجة باه يخرجوك ماكيش مليحة.ويكذب عليك لي يقولك قوليلها مايكون غير خاطرك والله العظيم غير توالف فيك و تذلك مانيش نحرش فيك يا ختي راني ننصح فيك نصيحة مجربة .انا قيمت واحترمت وكسيت ودرت لعجوزتي لعجب وفاللخر دارتلي السبة وليت ماشي مليحة وربي شاهد باللي ظلمتني و هذا كامل على خاطر طيحت بقيمتي فوق اللازم و قيمتها هي فوق اللازم على حسابي انا
نصيحتي ليك اختي انتي احترميها وقادريها بصح ماشي على حساب قيمتك و لا رايك....ربي يهنيك ختي وان شاء الله عجوزتك تكون ناس ملاح ما تدريش .....ماشي كيما عجوزتي ....شريرة هههههه

[ندى خليل]

عزيزتي هذه أمور بسيطة ماشي اللي تصرا عليها مشكلة مادام الفرق في الشروط تافه 3 ملاين ماعندهم ما يديرو
المهم مادام انت و الراجل متفاهمين و متقادرين اتنازلي شويّ معليش باش تكسبيه لأنه هو أهم من المال و من الماديات
ربي يتمم لك بالخير و ربي يفرحك و تشوفي أيام زينة انشاء الله

[قمر السلام]

السلام عليكم اختي

اولا ربي يوفقك في زواجك

ثانيا وحسب رأييي موضوع المهر معندوا مدخلها هي نورمالمو الرجال هوما الي يهدروا فيه

مدام تدخلت في موضوع الدراهم وحابة تنقص انا نظن بلي مراكيش خلاص عاجبتها ويمكن راجلك هو الي سيف على امو انو يخطبك على هديك شايفاتك انك مكيش غالية قد الدراهم الي نتوما طالبينهم والي هوما اصلا كيف جميع الناس يعني نتم ماكمش طالبين المستحيل

ويمكن خطيبك قالك برك بلي يما راكي عجبتيها باه ميديرش المشاكل

وعلى كل حال متزعفيش من رايي والله المستعان وربي يوفقك

[hodahodahoda]

اختي العزيزة
كون امه رادت تحديد المهر هي ادرى بظروفها و ظروف ابنها
هذا لا يقلل من قيمتك
اعرف الكثيرات جابولهم خير كثير جدا جدا و لكن هن يعشن اليوم في شقاء و تعاسة مع زوج لا يفقه في امور المودة و الزواج شيئ
و الكثيرات و نحن منهن تزوجن بالشيئ اليسير و لكن الله اعطاهن زوجا حنونا
اختي لا تخكمي على هذه المراة لمجرد انها ارادت ان تنقص من المهر
و هل الذي اعطيت 10 ملايين مهر قيمتها كذلك
و هل التي اعطيت 500 الف مهر قيمتها كذلك
قيمتك ستعرفينها عند زوجك

[الجمعي ياسين]

الله يجعلو من نصيبك ويهنيك

[الجمعي ياسين]

الله يهنيك وجميع المسلمين

[محمد جديدي التبسي]

سبحان الله النساء صعاب ما هذه الأفكار يا جويرية هل هكذا تعرف أنه رجل مستقل او ابن أمو والله غريب
والله الشاب المفروض يسعى ويتشرف بأن يطبق كل ما تأمره به أمه

أختي أنصحك أن لا تعيري الأمر اهتماما ولا تبدئي في إحداث مشاكل لا معنى لها مع والدة زوجك
كنا نظن أن المشاكل تبدأ بعد الزواج فإذ بها تبدأ في الخطبة كوني أوعى وأرزن وخلي الأمور المادية للكبار
هي تتفاهم مع أمك ولا تتدخلي أحسن لك أكيد سيصلون لحل توافقي
واعذري والدته فهي تنظر بعين الشفقة لابنها الذي سيتحمل مصاريف كثيرة جدا من تجهيز للبيت وغير ذلك وربما امكاناته المادية محدودة
ربي يعينكم وييسر أموركم

[karim.dz]

وانت باباك وين راح ولا حتى خالك او عمك يتفاهم معاهم راجلك وخلاص
وامك او امو ماعليهم غير يطبقو واش تفاهمو عليه الرجال ...وكما قال احدهم
النساء ماعندهم حتى دخل في تحديد المهر هذي قعدة تاع رجال .....

[la sagesse]

الموضوع مش موضوع دراهم ، هو يأكد على انو عندو ولاباس بيه ، الموضوع انو امو هاذي عندها عقدة العظمة ، ماما قالتلها شاوري ولدك ورديلنا لخبر ، ردت عليها هي وقالت بصريح العبارة " انا لي نحكم في ولدي " هي ماعجبهاش علاه نكسرولها كلمتها مش قصدها دراهم ، وانا كنت راح نتنازل على جالو هو ولكن ............... نحكيلكم الجديد ؟ ......... راهي راحت لولدها بعد هاذ النقاش وزادت علينا بالهدرة ، وبدات تبكيلو وتقوللو راهم جرحوني بالهدرة و وقالو ..... و قالو .... وقالو .... جاني هو معمر بهدرتها ومقنع بيها وخلاص ، وصرا نقاش بيني وبينو انتهى بالانفصال ........................... كل واحد راح لحالو

[la sagesse]

المشاركة الأصلية كتبت بواسطة mounia 85

يا اختي لازم تعرفي تتصرفي بحكمة في موقف كيما هدا عجوزتك على حساب الشوفة تحوس تفرض رايها وتمشيك
كيما تحب هي من درك هادي حاجة واضحة..نتي تفاهمي نتيا و خطيبك وقوليلو يقول باللي هو لي يمد كيما يقدر و حددوا قيمة في النص يعني اذا عجوزتك قالت 12 مليون مثلا وامك قالت 15 قوليلو يمدلك 14 ولا 13 يعني ماديرو راي حتى وحدة فيهم على خاطر هاد الحاجة راح تخلي حساسيات ومشاكل
و صدقيني الامور لي كيما هاكا من الحبة تولي قبة سيرتو لعجايز يتسابو على اتفه حاجة باه يخرجوك ماكيش مليحة.ويكذب عليك لي يقولك قوليلها مايكون غير خاطرك والله العظيم غير توالف فيك و تذلك مانيش نحرش فيك يا ختي راني ننصح فيك نصيحة مجربة .انا قيمت واحترمت وكسيت ودرت لعجوزتي لعجب وفاللخر دارتلي السبة وليت ماشي مليحة وربي شاهد باللي ظلمتني و هذا كامل على خاطر طيحت بقيمتي فوق اللازم و قيمتها هي فوق اللازم على حسابي انا
نصيحتي ليك اختي انتي احترميها وقادريها بصح ماشي على حساب قيمتك و لا رايك....ربي يهنيك ختي وان شاء الله عجوزتك تكون ناس ملاح ما تدريش .....ماشي كيما عجوزتي ....شريرة هههههه

عندك حق والله ، مهما ديري ماكيش مليحة مالا من الاول ديري موقف وديري قيمة لروحك ، شكرا للنصيحة

[la sagesse]

المشاركة الأصلية كتبت بواسطة قمر السلام

السلام عليكم اختي

اولا ربي يوفقك في زواجك

ثانيا وحسب رأييي موضوع المهر معندوا مدخلها هي نورمالمو الرجال هوما الي يهدروا فيه

مدام تدخلت في موضوع الدراهم وحابة تنقص انا نظن بلي مراكيش خلاص عاجبتها ويمكن راجلك هو الي سيف على امو انو يخطبك على هديك شايفاتك انك مكيش غالية قد الدراهم الي نتوما طالبينهم والي هوما اصلا كيف جميع الناس يعني نتم ماكمش طالبين المستحيل

ويمكن خطيبك قالك برك بلي يما راكي عجبتيها باه ميديرش المشاكل

وعلى كل حال متزعفيش من رايي والله المستعان وربي يوفقك

هي كي جات عندي للدار بينت اعجابها مش ولدها لي قاللي ، وبدات تحضن فيا وتسلم وتبوس، بصح صراحة والله ما ارتحتلها حسيتها كي شغل تمثل ، في اللقاء الاول احنا رحبنا بيهم وماهدرناش فالجديات ، بصح كي وصلت للمهر هي لي بدات تشرط عليا مش انا ، وحابتني نقول حاضر ، امرك ، ....كي ناقشتها الوالدة ماعجبهاش الحال

[la sagesse]

المشاركة الأصلية كتبت بواسطة hodahodahoda

اختي العزيزة
كون امه رادت تحديد المهر هي ادرى بظروفها و ظروف ابنها
هذا لا يقلل من قيمتك
اعرف الكثيرات جابولهم خير كثير جدا جدا و لكن هن يعشن اليوم في شقاء و تعاسة مع زوج لا يفقه في امور المودة و الزواج شيئ
و الكثيرات و نحن منهن تزوجن بالشيئ اليسير و لكن الله اعطاهن زوجا حنونا
اختي لا تخكمي على هذه المراة لمجرد انها ارادت ان تنقص من المهر
و هل الذي اعطيت 10 ملايين مهر قيمتها كذلك
و هل التي اعطيت 500 الف مهر قيمتها كذلك
قيمتك ستعرفينها عند زوجك

صح كلامك صحيح ، كي يكونو الناس طيبين وناس ملاح تقبلي بالقليل ومباعد تعيشي متهنية ، وكاين ناش اخرين عندهم لاباس بيهم وجابو مهر كبير وعايشين في شقاء ، ولكن مشكل تاعي مش مشكل دراهم لحكاية انها فرضت عليا شروطها فرض وفالوقت لي انا لي لازم نشرط مش هي ، مع اني مش متطلبة صدقيني ، حابتني نقول انعم حاضر ، ولا راني مش مليحة

[محمد جديدي التبسي]

الخير فيما اختاره الله أختي ربي يعوضك بما هو خير لك