شارك في اختيار الملكة قبل انتهاء التصويت

[stayfiya]

المشاركة الأصلية كتبت بواسطة معاً إلى الله

و صباحك نور و بركاااات من عند الرحمن أختي الكريمة السطايفية ..
راني نشوف في الحالة راكدة نوعا ما ..
لكن معليش هي الفترة الصباحية و أكيد أخواتنا مع الميناج و الطياب وووو ..

أنا ثان المسؤولية تناديني .. سأنهض بعد قليل لأقوم بها ..


مممم مادام راكي هنا و ربما بعض الجمهور راه على الصفحة ..
حبيت نطرح سؤاااال عليكم ..


هل أنتم من النوع الذي ينظّف بالطريقة التقليدية أم الطريقة العصرية ؟

بمعنى .....


هل تلجؤون للطرق التقليدية في التنظيف ..
من أفكار شعبية و أفكار الجدااات ..

أم تستعملون المنظّفات العصرية ..
من مساااحيق و محاليل خاصة ..





طاااااابت أوقااات الجميع ..

صباح النور سِيداتي سِيداتي انا من بين الجمهووور
نقدر نجاوب
هو التنظيف فيها فيها و مانقدرو نديرو حتى سبه مع ميمتي
ضك نديرلك حوار صغير
امي: نوضي بنيتي عقبي كتانة على التواقي و كبي شوي ميهة فيهم و امسحي الكاروات و الَٓمريا
السطايفيه :هيه آمّٓا ...... آو خلاص لبرودوي ملقيتوش معلييييش برك خلي حتى نشريو غدوة و نمسحهم ......!
أمي: رووووحي جيبي قرعة الخل و خلطيها مع شوي ما و ديريها في الفابو (المسدس المائي)
ضك يولي يشعل و لا مالقيتيش كتانة لي تبرق كمشي شوي جرنان و برقي بيه
السطايفية: (الهربة ولااش) هيييه آمّٓا
رايي ؛اااااا خرج الزجاج يلعج
أمَّي : زيدي امسحي الغبر نتاع لخزاين و البيبليوتيك (آآا..هذا وش نكره..!) نقوللها اماا مكان- بليز -مكان بوليش ضك نمسح بكتانة ناشفة و خلااص
أمي: احبسي راني مخبية ليقون سبيسيال نتاع الغبرة تعقبيها على لخزانة تشرب كلش (من بعد نصورها و نحطهالكم راهي متوفرة في المارشي )
السطايفية : هيه أمّٓا و يستمر التنظيف بهمة
و هي لاه راهي قاعدة راهي !!!! لااااالا مِّيمتي حرة لحراير جبدت الطواوي و حوايج النحاس حكتهم ملييح نتاع النحاس كان عندنا برودوي اسمو ميرور هايل كين لي خاص بااواني النحاسية و كاين الخص بالاواني الفضية حنا خلاص و الجمعة كلش مسكر آلوغ مايسلكها غير الفيم و القارص للنحاس و نتاع الفونتت و لحديد صابون القالب و لاجاكس خرجو من عقلهم كيما قالت هي ..
هيا حييوني
تنبيه: كاين لي يستعمل قطعة قماش فيها شوي زيت عرب و يمسح الخشب حنا منديروهاش
و بالنسبة للطاشات لي يجيو في الثلاجة كي ينحيو لي زوتوكولون تستعملي لالاك نتاع الشعر (سائل تثبيت الشعر ) ضربة ضربة و كاين حوايج اخرين كي نتفكرهم نقولهم سلااام