الجزء29 من واش طيبتي اليوم؟ - الصفحة 79

بريق الامل& · 2013-09-30, 09:41

اقتباس:

المشاركة الأصلية كتبت بواسطة omhadil

اهلا لقد طل القمر واخيرا بنتى بروقة واش هدا الغيبة حبيبتى
والله غير تواحشناك بزاف

ربي ينورك حبيبتي شكرا الله لا يغيبك الدنيا تلاهي

اقتباس:

المشاركة الأصلية كتبت بواسطة إلهام07

تحوسي نتاع ام كوثر ولا نتاع zamilio ؟
أنا طبقت نتاع ام كوثر وهوما طبقو نتاع الأخت
هي العجينة نفسها بصح الكريمة ماشي كيف كيف

صحيتي وقاتو اسبانيول تاع فلة فوود نظن كيف كيف ولا لالا
الي تقوليه انت نديرو
تخيلي هذ القاطو درتو ملي كنت نافيام اني:d

oum ibrahim · 2013-09-30, 09:46

و الله يا الهام كلمة روعة قليلة فيها
خلطت المقادير و قسمتهم على 2 طيبت كل وحدة وحدها من بعد سقيتهم بمعجون مخفف بالعصير و درت بيناتهم شرائح موز و زينت بالشوكولا و خطوط قلاصاج راح عليا الحال زينتها بالزربة
راني وليت كيفك مانقدرش ناكل موسكوتشو ساك ههههه لازم نقلشوهههه
شوفي الهام هو ما يهدرش على الحاجة كي تعجبو بصح كي ياكل منها بزاف نعرف بلي عجباتو و ساعات كي يعاود يتشهاها يقولي ديريها كما درتيها هذاك النهار خرجت بنينة يعني التعاليق يخرجو بصح روتار ههههههه ماعليش المهم الرضا و بس

أم ياسين الزهراء · 2013-09-30, 09:51

صباح الانوار عندي الماكلى من البارح راح نزيد خبز الفوكيشيا والحمد لله

زهرة منبعد نحطلك وصفتي راني رايحة جاية على وليدي نوصل

البنات نعمة دايمة

ام محمد سخفتيني ان شاء الله نرقد الضربة ونديرها

بريق الامل& · 2013-09-30, 09:52

https://www.djelfa.info/vb/showthread.php?t=1123985
تاع ام كوثر وزاميليو فيهم الكاكاو في العجينة؟؟؟؟؟؟؟؟؟؟؟؟

بريق الامل& · 2013-09-30, 09:53

روعة ام ابراهيم والتزيين البسيط والعشوائي عندو لمستو ثاني ماشاء الله

إلهام07 · 2013-09-30, 09:54

بروقة ههههههه على بالي بيك فحلة من الصغر قريت هذيك المرة أرشيف الجرئم المطبخية نتاعك راني مانهدرش هههههه ماتخافيش
ماجربتش قاطو اسبانيول راهو في بالي زعمة بصح هذا بنين تاخذي برايي ديريلو شكلاطة من فوق كيما أم محمد تاج يزيد يجي أبن ماذقتش الكريمة نتاعهم بصح الكريمة نتاع ام كوثر بنية كأنها نستلي
حقة انا جربت نتاع الامنيات ثاني مليح وأسهل تخدمي كل الطبقات مرة وحدة وتنحي عيلك بنين وخفيف وطري

طوكيو حطيلنا نشوفو انا ملي قررت نديرها وأنا حابة نلقالها فكرة نتاع تزيين وحوست البارح في قوقل لقيت نفس الشكل والو جديد

ربي يخليك نهال

ام إبراهيم قداش بيضة درتي واش من كرام باتيسيير درتي الداخل فاني ؟
نعطيك أفكار قاطوات اقتصاديين عليا :
الغريبية
قريوش الطاجين برزونتابل
صابلي الميرانق رايحة نهبل عليه
قاطو الطبقات
حلوة الرولي
قاطو اسبانيول نتاع فلة كامل يشكرو فيه
مربعات حلوة الترك نتاع ام اماني
صابلي النيستلي نتاع ام أماني

بريق الامل& · 2013-09-30, 09:55

ام الزهرة شفت تارت الزهرة تهبل يعطيها الصحة تبان محترفة الله يبارك دير البرمة على فمها البنت تخرج لامها
وكل عام وهي بخير بنوتك الصغيرة ويا ربي تفرحي بهم في قرايتهم وفي حياتهم ككل وتشوفيهم عرايس متهنيين

بريق الامل& · 2013-09-30, 09:58

نروح نكمل شغلي لي رجعة بصحتكم كامل واش اطيبو
ربي يهنيكم

إلهام07 · 2013-09-30, 09:59

اقتباس:

المشاركة الأصلية كتبت بواسطة بريق الامل&

https://www.djelfa.info/vb/showthread.php?t=1123985
تاع ام كوثر وزاميليو فيهم الكاكاو في العجينة؟؟؟؟؟؟؟؟؟؟؟؟

شوف وصفة أم كوثر = وصفة زاميليو الاختلاف غير في الكريمة ومافيهمش في زوج الكاكاو راني شفت نتاع فلة مختلفة عليهم بصح تشبه فيهم بزاف زايد الكاكاو
ياولدي جربي راهم ملاح كامل بصح نتاع فلة كي عاد فيها كاكاو تبانلي مختلفة

إلهام07 · 2013-09-30, 10:00

بروقة ياخي شفتي الروابط كي حطيتهملك ؟

إلهام07 · 2013-09-30, 10:03

بنات أنا ثاني نروح عندي الخدمة بزااااااااااااااااااااااااااااف ياربي توكلنا عليك

oum ibrahim · 2013-09-30, 10:04

اقتباس:

المشاركة الأصلية كتبت بواسطة إلهام07

بروقة ههههههه على بالي بيك فحلة من الصغر قريت هذيك المرة أرشيف الجرئم المطبخية نتاعك راني مانهدرش هههههه ماتخافيش
ماجربتش قاطو اسبانيول راهو في بالي زعمة بصح هذا بنين تاخذي برايي ديريلو شكلاطة من فوق كيما أم محمد تاج يزيد يجي أبن ماذقتش الكريمة نتاعهم بصح الكريمة نتاع ام كوثر بنية كأنها نستلي

حقة انا جربت نتاع الامنيات ثاني مليح وأسهل تخدمي كل الطبقات مرة وحدة وتنحي عيلك بنين وخفيف وطري

طوكيو حطيلنا نشوفو انا ملي قررت نديرها وأنا حابة نلقالها فكرة نتاع تزيين وحوست البارح في قوقل لقيت نفس الشكل والو جديد

ربي يخليك نهال

ام إبراهيم قداش بيضة درتي واش من كرام باتيسيير درتي الداخل فاني ؟
نعطيك أفكار قاطوات اقتصاديين عليا :
الغريبية
قريوش الطاجين برزونتابل

صابلي الميرانق رايحة نهبل عليه
قاطو الطبقات
حلوة الرولي
قاطو اسبانيول نتاع فلة كامل يشكرو فيه
مربعات حلوة الترك نتاع ام اماني
صابلي النيستلي نتاع ام أماني

الهام درت 4 بيضات و الداخل ما درتش كريمة سقيتها بالمعجون مخفف بالعصير و شرائح موز و حطيت عليها الطبقة الثانية
راني نخمم المرة الجاية ندير بيها بيسكوي رولي عجبتني طرية و تتفت وحدها يعني ما تتكسرش
ربي يخليك حبوبة على القاتو شوفي راني اعتمدت قاتو الطبقات و صابلي المورانغ اصلا خممت فيهم من قبل بصح قلت نشاوركم بلاك ما يليقوش
و الغريبية و صابلي النيسلي راهم في قائمة حلوى العيد بلاك السمانة الجاية نبدا فيه

touta2010 · 2013-09-30, 10:05

صباحكم فل وياسمين

ام عبودة · 2013-09-30, 10:05

لهومة يا حليلك ظرك نقتلك
قلتلك كم من علبة تاع كريمة استعملتييييييييي

YAKMISSOU · 2013-09-30, 10:09

صباح الانوار يا بن عمي مجيت نقرا الارشيف عينيا حوالو لازمني نواظر والله غير ضروني عينيا
وشي هذا راكم فحلات كل مرة تخرجونا بحمى شكل والله مقدرت عليكم درتو البغرير رحت درتو البان كيك درتو شفت ام كوثر وام رامي دارو لبراج رحت درتهم شفت شخشوخة الضفر نتاع ام كوثر هبلتني جاوني الضياف درتها ودركا قاطو الطبقات ايييييييييي
الهام جات مليحة حلوى الطبقات نتاعك زيديلها خطوط شكولا
الغداء درت للمسيو دوبارة حمص انا نخدم على 11

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري