الجزء29 من واش طيبتي اليوم؟

*ام رامي* · 2013-09-26, 17:34

اقتباس:

المشاركة الأصلية كتبت بواسطة islam1aya

السلام عليكم اخواتي

واش راكم لاباس

ام ابراهيم اممم كل حاجة اتشهي من يديداتك ولا البيتزا اممم

ام رامي اطباق مشهية خاصة الشخشوخة اممم و البركوكس من فظلك حطيلي طريقتك في الركوكس وزيدلي وصفة الخبز الفوكسي عجبني وليدي اسلام يحبو

اختي مبتدئة بصحتكم بسبوسة

بروقة امممم المادلان روووعة انا جربت تع مقدسية جا هايل بعدين نحط الصور

طريقة البركوكس احنا نسموه عيش
اتفضلي
قطع دجاج + بصلة مفرومة كبيرة + 5 فصوص ثوم + قطعة شحم متبل اللي كنت حطيت طريقته في المحجوبة يعطيه بنة مميزة + شوية زيت وملح ونقلي على نار هادية ثم نضيف التوابل كسبر وفلفل احمر حار وحلو وفلفل اسود وافاح حسب الرغبة وفلفل حار اخضر وحبة طماطم حب مرحية وطماطم مصبرة ملعقتين كبيرتين نزيد نقلي شوية ونضيف الحمص وحبة بطاطا مقطعة نمرق ونغلق الكوكوت
العيش نحطه في صحن ونسكب عليه الماء الساخن ونخليه يتنفخ ويشرب ومن بعد نصفيه ونقطره مليح وندهنه بشوية زيت ونفوره تفويرة مليحة حتى يطرا
كي يطيب المرق انزعي منه صحن صغير مرق خليه للنهاية وزيدي اضيفي الماء للقدر لان العيش يحب الماء وحطي العيش نتاعك وخليه يطيب مليح
اثناء التقديم اسكبي فوقه المرق اللي نحيتيه من الاول واللي يكون خاثر وبنين يزيد فيه النص في البنة وما يجيش ناشف
وبالصحة والهناء

خبز الفوكاشياجبته من النت ضرك نحط لك الرابط

https://www.hayah.cc/forum/t33771.html

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري