إلى كل متعاقدي لاداس.......الرجاء مساعدتي

اية الرحمن1988 · 2013-09-15, 20:16

اقتباس:

المشاركة الأصلية كتبت بواسطة امة القدوس

بارك الله فيك اختي الفاضلة على الرد
معذرة على الازعاج
هيه عندي ليسانس
حبيت نسقسيك لاداس خير و لا لانام ؟
نصبوني في اوت و لحد الان ماسلكونيش علاه؟ مع العلم انني ازاول عملي
و كي تم الكونترا نقدر ندير لانام ؟
و كيفاه؟
وبارك الله فيك و جزاك الله خيرا

السلام عليكم
أعتذر عن التأخر في الرد أختي مكانش عندي كونكسيو
لانام أحسن من لاداس
أولا من جهة مدة العقد لانام فيها نوعين عقد إداري مدته 3 سنوات قابلة للتجديد أي 6سنوات
وهذا العقد ضرك عندو تقريبا عامين مغلوق ويديه غير مول المعريفة مناصب قليلة جدا
والعقد الاقتصادي مدته عام قابلة للتجديد أي عامين إذا وافق صاحب العمل يجددلك العام الثاني
وثانيا من جهة الخلاص لانام خلاصها مليون و500 ألف

أما فيما يخص الخلاص لازمك تصبري حتى لنوفمبر كاشما تلحق أول شهرية لأنو ميش متعلق بأنك تعملي ولا لا
هكذا لاداس أول مرة تمشيلك الشهرية طول ثلاث أشهر مباعد تولي تمشي عادي
أي مثلا نوفمبر تخلصي شهرية واحدة ومباعد ديسمبر يلحقو زوج شهريات وهكذا حتى يعوضو الاشهر المتاخرة

أما فيما يخص نهاية مدة الكونترا تقدري تكمليها وديري في لانام عادي هاد الفترة راهم يمشيو هكا
أما العام الجاي الله أعلم واش من قوانين ممكن يخرجو بيهم راكي تعرفي الدولة العزيزة متحبش الروتين

أما الكيفية عادي تشبه لتسجيلك في لاداس
ان شاء الله نكون أفدتك ولو بالقليل وأي تساؤل تفضلي راني هنا
ربي يسهلك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري