الله يبارك خدمة متقونة وشابة 444444444444 معندي مانقول
ربي يفرحك ويعطيك ماتتمناي
بصح كامل هذ الشرح الكافي والوافي الا اني عندي شوية اسئلة نتمنى مانزعجكش ومانثقلش عليك
لانك شرحتي وعاودتي بصح راكي عرفة طبيعة النسا لازم.. نسقسيو
انا فالعيد اللي فات جربت عجينة ام اماني بصح قعدت تطلق فليدام معرفتش علاه
مين نرفد قرصة العجينة نلقى تحتها كمية تع ليدام ومنحكيلكش وشحال درت فرينة لكن.. وكانه الفرينة محبتش تشرب هذاك الدهان والزيت
وبعد ماطابت فالحق مانتحلت ماوالو بصح جات شوية مشققة وتقولي بات فويتي
وانا راني باغية نعاودها ..طبعا بعد ما تنصحيني وتقوليلي وعلاش درتلي هاك
الحاجة الثانية اللي بغيت نسقسيك عليها.. هي الحشو
هل نقدر نديره بنفس المقادير بالكوكاو دون اضافة او نقصان
لانو اللوز عندنا غالييييييي بزااااف راهو يكوي
وصراحة ميزانيتي متسمحش ..التشوميير ..ههه
وراني متخوفة من البيض فهل يبقى عادي ومايخسرش ..يعني مع السخانة سيرتو يلا طول مدة شوية كبيرة
والحاجة الثالثة ولربما الاهم هي طراوة الحشو
فهل صحيح يجيني طري بالكوكاو
لانو كيما نعرفو اللوز والكوكاو مش كيف كيف
لخطرش والله فالعيد وقريب تحكمني ديبريسيون قاع ذاك التعب ومن بعد الحشو جا يابس
ارجوكييييييي اختي الهام ساعديييييييييييني اعطيني الحل
نموووت على التشاراك وفالدار غير انا اللي ناكله بصح مارهش يجيني كيما يلزم
راني عارفة كثرت عليك الهدرة والاسئلة
سامحينيييييييييييييي احبك في الله
وراني ننتظر في اجابتك
( تقرير عن مشاركة سيئة )، و الموجودة أسفل كل مشاركة .
2013-09-09, 11:38
تطبيق لأحلى تشاراك بالتفصيل الممل لعيونك أم ماجد
العرض الشجري