صب المخلفات بمختلف الجامعات

[غادة أم القرى]

بعض الاخوة -سامحهم الله- ،يبدو أنهم ما عجبهمش الحال في زيادة منحة الامتياز، فراحوا يثيرون حسدهم في كل منتدى - وربي يلطف -ونسلكوا على خير- لأن العين كاين منها -، والحل وإن بدا مر إلى أنه سهل جدا ، وهو موسم الهجرة نحو الجنوب ،حيث السخانة والماء المالح والعقارب واللفاعي ،وين ماكانش السبيطارات والحدائق والبحر ........، لكن يبدو أن الولف كيف ساهل والفراق ماقدرت عنو ، وببساطة نخلصوا كيما انتم ونعيشوا قدام البحر والمديتي والمستشفيات المتطورة و الخضرة والوجه الحسن ،ياأخي أرواحوا اخدموا معانا واخلصوا كيفنا وبسيطة جدا ، لكن الأمر المريع هو علاه ماحسدوش الفراملة بعضاهم وعلاه ما حسدوش المعلمين بعضاهم والاداريين في الشمال ماحسدوش الي في الجنوب ........، المنحة جابوها الرجالة انتاع الصحراءكلهم وكل العمال في كل القطاعات ، ماشي الأساتذة الجامعيين برك ، وانزيدوا نهدروا الي يخدم سوايع في تيبازة واسوايع في البليدة وسوايع في بومرداس وفاتح بيرو ، ويضرب سكنة بمليار محقوش يهدر ، يهدر اللي راه مغبون في الصحر وإذا حب يخدم سوايع يروح من أدرار إلى تمنراست في الطيارة ، وإذا حب يدير بيرو يخدم مع البدو الرحل ، والسكنة تسوى بعشرة سوردي ، والخبزة تسوى بألفين فرنك والسردين في المنام مايشوفوش ، إما لا بركاونا من الحسد واللي حب الزيادة -الكار انتاع الصحرة معروف وقتها في خروبة.