انصحوني

[مشكلتي]

انا عندي زميلة تدرس معي كل ما التقي بها في الشارع اجدها تضحك كيف اتعامل معها وانا اعرف انها تضحك عليا

[pro24]

قل لها قولا بليغا

[شموسة الجزائر]

لازم تكوني واثقةمن نفسك وهي وعلاش راهي تضحك عليك ربما هي طبيعتها هكداك تضحك او كيما نقولو بشوشة
نحي هاد التوسويس من بالك واوثقي في نفسك ياك تعرفي قيمتك وواش تسواي اما الكمال فلله وحده
ما تعمريش راسك بالناس التافهة

[ToXiC_Dz]

اعطيها بزوج كفوف هههه
نقصر
انتي قلتي تضحك عليك
شكون قالك؟؟؟، لا تنسي "ان بعض الظن اثم"
فرضا لو تضحك عليك المشكل وين راه فيها و لا فيك
انتي ماكبش مقتنعة بروحك؟؟ شايفة روحك ناقصة؟؟ تحسي روحك اقل منها؟؟
اذا كان عندك مثل هاذاك الاحساس معناها الديفو راه فيك
تذكري ان العالم الخارجي ماهو الا انعكاس لعالمنا الداخلي
و ربما ما نعتقد انه حقيقة مطلقة عبارة عن وهم ليس اكثر
اذا يلزم تكون عندك ثقة اكبر ف نفسك و راح تشوفي ان صاحبتك ما راحش تولي تضحك عليك راح تحسيها تضحك معاك

[سوسو92]

وثقي من نفسك وسقسيها على سبب الضحك بلاك تلقيها ماهيش تضحك عليك واذا لقيتها تضحك عليك انت تاني تلقى فيها الف حاجة ضحك وردي ليها الصاع صاعين كيما يقولوا وتم تحبس الضحك

[بلسم غرام2018]

لازم تكوني واثقةمن نفسك وهي وعلاش راهي تضحك عليك ربما هي طبيعتها هكداك تضحك او كيما نقولو بشوشة
نحي هاد التوسويس من بالك واوثقي في نفسك ياك تعرفي قيمتك وواش تسواي اما الكمال فلله وحده
ما تعمريش راسك بالناس التافهة

[تراتيـل صبــح]

الحل هو أنك لا تشغلي نفسك بالتفكير في الأمر،
ولا تغضبي، فهي إنْ كانت تضحك فعلا عليكِ
فهنالك منْ يضحك عليها،
فكما تدين تدان،
وكلما لاقيتها لا تعبسي بل ابتسمي وكلّك ثقة،
ولا تجعلي مثل هذه الأمور تؤثر على ثقتك بنفسك أبداً
دمتِ واثقة.

[wisale02]

matahtamich biha ou ahamliha takrah ghir wahadha

[حضنية28]

متعمريش راسك بيها بلاك هذيك هي طبيعتها
وانا من عندي متقيميهاش انتي من جهة وهي من جهة

[nafla]

اختي الغالية نقولك حاولي تفهمي وعلاه راهي تضحك يمكن مراهيش تضحك عليك عندها طبع دائما تضحك واذا تاكدتي بلي راهي تضحك عليك اكيد انها غايرة منك وحابة توسوسك في روحك , لهذا نقولك ما تراعيش ليها و صمطيها و ربي يهديها و يهدي جميع المسلمين
مع تحياتي سلام

[wafa16]

ما تقيميهاش هدا ماكان
واش حبيتي تديري تروحي عندها و تقوليلها علاش راكي تضحكي عليا
انت كي تجوزي عليها ما تشوفيش فيها و هكا تبينيلها بلي ماركيش سامعة بيها

[مناد بوفلجة]

تضحك ، لا تضحك عليك

بل تضحك لك ، ، لأنها فرحانة عندما رأتك ...

[فارس وجواد]

احسن الظن فيها