تجْربتِي مَع بكَالُوريَا الاحْرَارْ،يَتَحَققُ المُسْتحِيل بالصَبرِ وَالاصْرَار

[Flora Gucci]

المشاركة الأصلية كتبت بواسطة Wiya Miya

بارك الله فيك اختي
و الله خوفتني وحدة فمنتدى بيولوجيا راهي حاصلة فالتخصص ديال بيوليجي خافت ما يسحلهاش دير واش راهي حابه (وقيل بيوشيمي و لا ميكروبيولوجي) لأنو في عامها الأول ديال بيولوجي عاودت الباك و الدات 10 فيه وخرجت عامها ب10 و عامها الثاني خرجاتو ب12 و تعرفي باش ديرو التخصص لازم معدل العام الأول + الثاني قسمة 2 يعني معدلها راح يهبط ... و أنا راني خايفة يصرالي كيما هي اختي واش رايك نبلوكي العام ؟؟
ونتيا شحال خرجتي عامك؟؟كملتي فيها بيولوجي ولا حبستي ؟؟
سمحيلي اختي كترت علييييك
ربي يحفظك

و فيكِ بارك الله
اختي هنا في باتنة مشي هكااا خلاص
حنا التخصص تاعك تتحاسبي غير على السنة الثانية و فقط الثانية برك الاولى متهمش خلاااااااص
و زيد انا راني مطلعة بالراطراباج الاولى برك الثانية مطلعتش على خاطر ابوندونيت في نص العام + كي جيت نسجل الباك 2013 طلب مني سحب بكالوريا 2011 يعني كانني مقررريييتش بيولوجي يعني تنازلتت عليها و على الباك
انا و الله منقدرش ننصحك في هذا الشيء اختي على خاطر انت ادرى بقدراتك اختي على الاقل جربي تقراي شهر او شهرين و شوفي اذا قادرة توفقي بين الجامعة و الباك كملي و اذاا مقدرتيش حبسي الجامعة و اقراي للباك
ربي يوفقك و يبلغك حلمك و طموحك
اختي ماتقوليش هكا ـ اي استفسار انا في الخدمة ، كل ما نرجوه دعوة بظهر الغيب ، احلم بأن انال التخصص الذي احلم به في الطب
ربي يبلغنا كااامل ان شاء الله

[Wiya Miya]

المشاركة الأصلية كتبت بواسطة Flora Gucci

و فيكِ بارك الله
اختي هنا في باتنة مشي هكااا خلاص
حنا التخصص تاعك تتحاسبي غير على السنة الثانية و فقط الثانية برك الاولى متهمش خلاااااااص
و زيد انا راني مطلعة بالراطراباج الاولى برك الثانية مطلعتش على خاطر ابوندونيت في نص العام + كي جيت نسجل الباك 2013 طلب مني سحب بكالوريا 2011 يعني كانني مقررريييتش بيولوجي يعني تنازلتت عليها و على الباك
انا و الله منقدرش ننصحك في هذا الشيء اختي على خاطر انت ادرى بقدراتك اختي على الاقل جربي تقراي شهر او شهرين و شوفي اذا قادرة توفقي بين الجامعة و الباك كملي و اذاا مقدرتيش حبسي الجامعة و اقراي للباك
ربي يوفقك و يبلغك حلمك و طموحك
اختي ماتقوليش هكا ـ اي استفسار انا في الخدمة ، كل ما نرجوه دعوة بظهر الغيب ، احلم بأن انال التخصص الذي احلم به في الطب
ربي يبلغنا كااامل ان شاء الله

وعلاش كل منطقة كيفاش تحسب أنا نقرا في البليدة ان شاء الله يحسبو غير السنة الثانية كيما نتوما لأنو راني تاكله على الراتراباج .. ما قلتيليش على الدروس الخصوصية ما كنتيش ديري ؟؟...... أسأل الله أن ينير دربك و يوفقك في حياتك كلها كما أتمنى لكي الوصول الى مبتغاك