الرجل الجزائري والمطبخ

[نور المستقبل]

المشاركة الأصلية كتبت بواسطة soha1987

اففففففففففففففف نور ياويلك كون تخرجي وتخليه يدرلك انفجار هههههههه
لا تنزعجي اختي الرجال لايستطيعون الطبخ ولا يتقنونه مثلنا نحن النساء مساكن مايقدروش ههههههههه
مشكوووووووورة على المرور العطر

انا راجلي من النوع اللي يخدم نفسه بنفسه يعرف يطيب حتى اطياب وماكلته خير من الناء كي نعود مريضة ممنحمل حتى هم المشكل فيا انا في رمضان منحبش الزايد معايا في الكزينة تحكمني القلقة في ساع منحبش كل شوية اعطيني هذيك يعكلني مع اسخانة شوفي الرجال ميدخلوش للكزينة
غير كي يبقى ساعتين او ساعة تكوني انت نال منك التعب والدوخة وحنا النساء كي نخدمو منكروش لماعن كي يدل الراجل تلقليه كانه داخل معركة لماعن كل يتوسخ يسيح لحوايج فوق لبتاجي وتيروحلك التوازن ويطفالك الضو اكن تشوفي في لفطار عندو هواية يطيب الشاي يقول نطيبو بطريقة صحراوية والله غير تحكمني الخلعة على شوية تاي تلقايه مخرج لماعة فوق لبتاجي مبعثرين ويسيح مشكلتي منحبش لماعن مسخين ولاحاجة سايحة هو هوايته في التاي بطيبو وراء لعشاء كى نغسل لماعن ونمسح لبتاجي ولليت تعودت لكن في رمضان لالالالالالالالالالالالالالالالالالالا ال اذا بغى يبدا لفطور من الاول الي الاخرمايعيطلي مايسقسيني لا مانع عندي وراء لفطور نغسل لماعن راه عرف العقلية مايدورش بيا في رمضان ويولي يهز المصحف ويقرا حتى يلذن هكذا صبت راحتي هههههههههههههههههههههههههههههههه صح فطروكم

[نورسين.داية]

دخول الرجل للمطبخ بكل صراحة يزعجني .....................غير في مرحلة غسل الأواني .......... ماعليش أتقبل وجوده

[tateb]

و ما المانع
رائع ان يدخل الرجل المطبخ و يساعد زوجته او امه او اخته في اعداد الطعام
و الشائع خاليا ان افضل الطباخين رجااااااااااال

[محمد...عبد النور]

السلام عليكم اختي الكريمة سهى 1987
موضوع جميل جدا و خاصة في نهار رمضان
لما اكون في الدار في ايام رمضان و الله الافطار نشوفه وقت يحطوه في المائدة ........فقط مرات نسقسيهم على المشؤوبات والعصير اذا موجود ام لا ؟؟؟؟
في غير رمضان نسقسيهم واش راهم دايرين .....لكن ما نتشرطش لي جات ناكلها هههههه
بالنسبة للطبخ ......نسلك راسي ......يعني ما نقعدش بدون اكل في حالة غياب الاهل عن المنزل و يعني ما نديرش اطباق او شيئ كبير ......المهم حاجات خفيفة
ممكن فريت اوملات....سلطات .........لحم في طنجرة الضغط .........مرق بسيط ...لي اهتمام بالطبخ لكن لم اكلف نفسي يوما خوض الا التجارب البسيطة هههههههه......الحمد لله اخواتي و الوالدة الكريمة كافييني مؤونة كل ذلك بارك الله فيهم ........العقوبة للمرأة ههههههههه
و تحية اجلال لكل الاخوات اللائي يتعبن لكي تكون المائدة مزخرفة و شهية فبارك الله فيكن و ربي يفرحكن كامل و يعطيكم الصحة
جزاك الله خيرا اختي الكريمة و وفاك الله ما تقر به عينيك
ســــــــــــــــــــــــــــلام

[soha1987]

المشاركة الأصلية كتبت بواسطة moha75

هههههههههههههه

مش عوايدي نرمضن كيما تقولي على اي شخص،
وما نستعرفش بهذي الكلمة،
نرمضن هذي مكاش في قاموسي،

ثانيا أنا رديت لأني وجدت ظلم للرجل،
وبما انني رجل كان لزاما عليا الدفاع عن بني جنسي،

صحيح كاين رجال كما ذكرتي يدخلوا للكوزينة،
لكن كاين النصف الآخر اللي عمرو ما دخل للكوزينة،
ولا جرب يطهو اي طعام،
ما دام كاين الزوجة أو الأم أو الأخت ربي يخليهم،

لهذا التعميم مش مليح ،

زوجك كيما تقولي اذا حب يساعدك كي تكوني تعبانة بزاف، أو مريضة أو حامل،
راح تزعفي منو؟؟؟؟؟؟؟
أكيد راح تقوليلوا شكراااااااا وتفرحي بهذا الشيئ،

الرجل لما يساعد زوجتو لن ينقص ذلك من قيمته شيئا،
فالرسول الأكرم وما أدراك كان يساعد زوجاته،
ويرفق بهن و يحسن لهن،
وهل هناك من أعظم شئنا وأعلى منزلة منه،
صلوات ربي وسلامه عليه.

على العموم اشكررررررررك جزيل الشكر،
ربي يوفقك لما فيه الخير.

اخي لم تفهمني راني نتكلم على الصنف لي يحب الاكل ويطبخ ليه الاكلة لي يحبها هو وفي رمضان تزيد الشهية نهار كامل داخل خارج من الكوزينة ورام كاينين بزاف هادو هوما مابهم يعاونو ماوالو رمضان يردو فالماكلة خخخخخخخخخخخخخ
واما على الرجل لي يعاون زوجتو ماشي غير في رمضان وحاجة مليحة كي يعاونها والله ماتنسهالو بالعكس راح يكبر في عينها ويكون راجل صح
مشكور اخي على المرور العطر

[soha1987]

المشاركة الأصلية كتبت بواسطة knives55

والله اكلة لنعفها ونشتيها

غير معروفة ومعنهاش اصل ومعندهاش اسم

مهم فيها دجاج ولحم مرحي و سعات مرقاز و طامطم فلفلة حلوة جريوات بصلة ثوم

ونزيدلها طماطم تاع لباطة

وتوابل فيها 5 انواع (فلفل اكل كمون و3 ما نعرفش اسمهم نخلط برك )

وجمبوا 2حبات ولا اي نوع اخرى

وطبعا بطاطة مقلية نزيدها في نص طيابة

واخيرا بيض

وسلاطة

واش رايكم

ههههههههههههههههههههههههههههههه كنيفاس هاذي الماكلة يسموها خالوطة 2014 هههههههههههههههههه
مرقاز زدجاج ولخم مرحي درتهم ضربة وحدة واش خليت الثلاجة فرغت وخسرتلهم الميزانية خخخخخخخخخخخخخخخخ
ربي يعيشك اطبخها بالخطوات المصورة وحطها في قسم الطبخ باش نتعلموها هههههههههههههههههه
مشكور على المرور شيف كانيفاس ههههههه

[soha1987]

المشاركة الأصلية كتبت بواسطة أمة الله 12

دجاج + لحم مرحي+ مرقاز,,,,,,,الكل مع بعضاهم مرة وحدة,,,,,,, الله يبارك شيف و عليك الكلام

أخت soha 1987 ماهمش الرجال الكل يدخلو للكوزينة

عندي بابا ربي يخليه ليا, ما يدخلش خلاص, غير اذا جاب قضية يدخل يحطها و لا سعات يدخل يشوفنا وش نديرو و يروح

برك, خيوتي الولاد حتى هوما يدخلو يشوفو برك و سعات يقولولنا حابين هاذيك الحاجة , و طبعا الأحكام المسبقة

لااااااااااااازم, اللي طيبتها ماما بنينة و اللي طيبتها انا و لا خواتي ماكان ماكان,,,,,,,

و عندي مرت عمي ما عندهاش البنات خلاص, واحد من ولادها يحب يعاونها و يموت ع الطياب

الله يبارك ماكلتو خير من ماكلتي أنا

صح كيما بابا وخاوتي تاني هوما مايدخلوش بصح خاوتي يدبرو ديرو هاديك ماديروش هاديك الدبارة فقط ونهار نطيب انا يطلعولي السكر كلشي رهج خخخخخخخخخخخخخخخخخخخخخخخ
مشكورة اختي

[soha1987]

المشاركة الأصلية كتبت بواسطة نور المستقبل

انا راجلي من النوع اللي يخدم نفسه بنفسه يعرف يطيب حتى اطياب وماكلته خير من الناء كي نعود مريضة ممنحمل حتى هم المشكل فيا انا في رمضان منحبش الزايد معايا في الكزينة تحكمني القلقة في ساع منحبش كل شوية اعطيني هذيك يعكلني مع اسخانة شوفي الرجال ميدخلوش للكزينة
غير كي يبقى ساعتين او ساعة تكوني انت نال منك التعب والدوخة وحنا النساء كي نخدمو منكروش لماعن كي يدل الراجل تلقليه كانه داخل معركة لماعن كل يتوسخ يسيح لحوايج فوق لبتاجي وتيروحلك التوازن ويطفالك الضو اكن تشوفي في لفطار عندو هواية يطيب الشاي يقول نطيبو بطريقة صحراوية والله غير تحكمني الخلعة على شوية تاي تلقايه مخرج لماعة فوق لبتاجي مبعثرين ويسيح مشكلتي منحبش لماعن مسخين ولاحاجة سايحة هو هوايته في التاي بطيبو وراء لعشاء كى نغسل لماعن ونمسح لبتاجي ولليت تعودت لكن في رمضان لالالالالالالالالالالالالالالالالالالا ال اذا بغى يبدا لفطور من الاول الي الاخرمايعيطلي مايسقسيني لا مانع عندي وراء لفطور نغسل لماعن راه عرف العقلية مايدورش بيا في رمضان ويولي يهز المصحف ويقرا حتى يلذن هكذا صبت راحتي هههههههههههههههههههههههههههههههه صح فطروكم

هههههههههههههههههههههه نور لقيتلو حل تحنيتي منو
مشكورة اختي

[soha1987]

المشاركة الأصلية كتبت بواسطة نورسين.داية

دخول الرجل للمطبخ بكل صراحة يزعجني .....................غير في مرحلة غسل الأواني .......... ماعليش أتقبل وجوده

مشكووووووووووووووووورة نور سين داية على المرور

[soha1987]

المشاركة الأصلية كتبت بواسطة tateb

و ما المانع
رائع ان يدخل الرجل المطبخ و يساعد زوجته او امه او اخته في اعداد الطعام
و الشائع خاليا ان افضل الطباخين رجااااااااااال

ايه حاجة مليح بصح ماشي في رمضان
لالا افضل الطباخين نساااااااااااااااااااء ماشي رجال
مشكور اخي على المرورالعطر

[soha1987]

المشاركة الأصلية كتبت بواسطة لذريق

السلام عليكم اختي الكريمة سهى 1987
موضوع جميل جدا و خاصة في نهار رمضان
لما اكون في الدار في ايام رمضان و الله الافطار نشوفه وقت يحطوه في المائدة ........فقط مرات نسقسيهم على المشؤوبات والعصير اذا موجود ام لا ؟؟؟؟
في غير رمضان نسقسيهم واش راهم دايرين .....لكن ما نتشرطش لي جات ناكلها هههههه
بالنسبة للطبخ ......نسلك راسي ......يعني ما نقعدش بدون اكل في حالة غياب الاهل عن المنزل و يعني ما نديرش اطباق او شيئ كبير ......المهم حاجات خفيفة
ممكن فريت اوملات....سلطات .........لحم في طنجرة الضغط .........مرق بسيط ...لي اهتمام بالطبخ لكن لم اكلف نفسي يوما خوض الا التجارب البسيطة هههههههه......الحمد لله اخواتي و الوالدة الكريمة كافييني مؤونة كل ذلك بارك الله فيهم ........العقوبة للمرأة ههههههههه
و تحية اجلال لكل الاخوات اللائي يتعبن لكي تكون المائدة مزخرفة و شهية فبارك الله فيكن و ربي يفرحكن كامل و يعطيكم الصحة
جزاك الله خيرا اختي الكريمة و وفاك الله ما تقر به عينيك
ســــــــــــــــــــــــــــلام

انت الرابع اخي لذريق كون تتعلم شوية طيرهالنا ههههههههههه تولي شيف
ربي يرزقك بزوجة تعرف الطياب ولا تضحك عليها مادام امك واخواتك يعرفو يطيبوها مسكينة ربي في عونها طاحت في دار يعرفو الطياب مام الراجل يعرف يطبخ خلات عليها ههههههههههههههههههههههههه
مشكور اخي لذريق على المرور العطر

[AMINA.Z]

خاوتي ما يديرو والو

بالصح في التشراك واحد ما يديهالهم

بالصح ماهمش كارثة

يعني كي يبقاو وحدهم في الدار يطيبو و يحوسو على المذكرة اللي كاتبة فيها وصفات و يبداو يطبقو

ههههههههههه مرات تصلح و مرات لا كيما حالتي ههههههههههه

تعلمو من الوالد ربي يحفظو يعرف يطيب و نشفى كي كنا صغار الوالدة دارت عملية

هو اللي كان يطيبلنا الغدا و العشاء

و الله صدق اللي قال الابناء يتعلمو كلش من والديهم