الجزء الـــ14 من واش طيبتي اليوم؟؟

[nour inasse]

المشاركة الأصلية كتبت بواسطة لمسة حنية

السلالم عليكم
وشراكم؟
وصحاء واش طيبتو اليوم
انا اليوم كنت في عناء كبير
قامت اختى بعزيمة صديقتها
بمناسبة تخرجها وتحصل على ليسانس
ولهذا كنت نحضر في الغرايف حنا لازم ندروها هي مع المشروبات اول شيء
ثم القهوة والحليب مع الحلويات
ودرت 8 انواع ومبعد كي نريح نحطلكم تشوفو كل شيء
بصح راني زعفانه منكم ولا واحده سالت عليا انا مزالني مريظه ولقد اجريت تحاليل وغدا تخرج النتيجه
ان شاء الله اكون بخير ادعووووووولي

مبرووووووووووووووووووووك وانشاء مايكون الا الخير ماتقلقيش روحك

[لمسة حنية]

المشاركة الأصلية كتبت بواسطة nour inasse

مبرووووووووووووووووووووك وانشاء مايكون الا الخير ماتقلقيش روحك

ربي يخليكي اختى شكراااااااا

المشاركة الأصلية كتبت بواسطة zahra30

مساءالخييير عليكم .... اختي ام نجم ما تلوميش الغاشي راهو مع الميناج وتحضيرات رمضان الكريم ولعراس و.... المهم تكوني بخيييير ...لمسة حنية ربي يجيبلك الشفاء ان شاء الله راني سقسيت عليك وبالعلامة كنت نستنى تحطيلي لي مودال انتاع لي ليكات معليش ان شاء الله كي ترتاحي ..... ام كوثر ربي يبارك وعيد ميلاد سعيييد وعقبال الف سنة يارب وربي يحفظو ويخليه من الذرية الصالحة يارب ....

ان شاء الله على قريب اختى نحطلك والله نقعد غي ر في ليل وتعرفي الضروف وشكرا على سوالك حبيبتي

[oum ibrahim]

مساء الخيرات عليكم كاااااااامل والله ما نزعف من خواتاتي كنت نختبر غلاوتي عندكم هههه ما تزعفوش مني والله غير نحبكم و مانقدرش نصبر على فراقكم يا الغاليات
لايدي مرام ام ريمة الهام الف شكر
ام لقمان ام اجياد ذات النطاقين الله يبارك عليكم طيابكم يشهي بصحتكم
ام كوثر عيد سعيد للكتكوت ربي يخليه و يحفظو لوالديه ويكبر في طاعة المولى و يجعلو من الصالحين امين
التورتة تهبل خدمتيها ولا مشرية ؟واذا انت الي خدمتيها قوليلي هذاك الكراميل الي من فوق هو الي يتباع في قارورات؟والقاتوات تحفة ما شاء الله ماشي غريبة عليك مبدعتنا
ام كوثر الصور ماظهرتش كلها خاصة الي كنت حابة نقرعج عليها الي فيها اولاد الغالية ام نجم واااااع الله غالب التقرعيج داير حالة عندنا (شلة القرعاجات )
اهلا و سهلا بالوافدات الجدد حبة حبة تتعلمو و توليو شافات ورانا هنا اذا احتجتو اي مساعدة ما تحشموش الدار داركم

[oum ibrahim]

لمسة الف سلامة ليك غاليتي ربي يجيبلك الشفا حنونة ويطمنا عليك ان شاء الله ما يكون غير الخير رانا نستناو القاتوات

[المتيقنة بالله سارة]

المشاركة الأصلية كتبت بواسطة إلهام07

ربي يخليك شكرا حبيبتي
أسهل حاجة تبداي بيها هي القراتان ساهل ماهل ومافيه لا مبتدء لا محترف تقدري تقولي يصلح مافيهاش هدرة خيري فقط الوصفة اللي تعجبك وقوليلنا نساعدوك ونفهموك إذا مافهمتيش باش مايصراو حتى أخطاء وإذا ماعندكش وصفة معينة نعطيوك الوصفات اللي جربناهم حنا وعجبونا كامل
وهذا ماهوش قسم محترفات رانا كامل نتعلمو هنا بصح اللي يدخل هنا طبعا مع الوقت يرجع محترف بالسيف عليه هههههههه

يعطيك الصحة الهام على التشجيع والاستقبال ويعطيك ما تتمناي يا رب انتي وكل اخت فهاد الغرفة....حنونة منقولش لالا اذا مديتيلي وصفة تع غرتان مجربة وخفيفة نجرب ونحطلك وشوفيلي اذا نحجت ولا لالا انتي وايضا خواتاتي هنا

المشاركة الأصلية كتبت بواسطة douniadiab4

مساؤكم فل وياسمين وصحة عشاواتكم
اهلا بالوافدات الجديدات الزعيمةوالمتيقنة بالله سارة وانتصار
اهلين حبيبتي ام نجم والله مانسيناك انا وحدة من الناس قتلني الميناج وتلفلي مخي عدت مانيش فايقة وزايد القلقة نتاع الراجل والعوج نتاعو من جهة اخرى
لهومة شكرا على الرد وزيدي اضربي طلة على الصالون

[color="rgb(46, 139, 87)"]اهلا بيك حنونة في ضيافتك رانا مشكورة على الترحيب ربي يهدي خاطرك ويريح بالك يا رب[/color]

المشاركة الأصلية كتبت بواسطة لمسة حنية

السلالم عليكم
وشراكم؟
وصحاء واش طيبتو اليوم
انا اليوم كنت في عناء كبير
قامت اختى بعزيمة صديقتها
بمناسبة تخرجها وتحصل على ليسانس
ولهذا كنت نحضر في الغرايف حنا لازم ندروها هي مع المشروبات اول شيء
ثم القهوة والحليب مع الحلويات
ودرت 8 انواع ومبعد كي نريح نحطلكم تشوفو كل شيء
بصح راني زعفانه منكم ولا واحده سالت عليا انا مزالني مريظه ولقد اجريت تحاليل وغدا تخرج النتيجه
ان شاء الله اكون بخير ادعووووووولي

[color="rgb(46, 139, 87)"]انا عضوة جديدة بصح معليش نسبقهم ونقولك ربي يشافيك ويعافيك وترجعي بالسلامة ونشوفك في مزيد من وصفاتك المتالقة[/color]

المشاركة الأصلية كتبت بواسطة *أم كوثر*

السلام عليكم ورحمة الله
كيف احواالكم ان شاء الله بخير






































رجعتلكم بعد انقطاع عن هدا الركن
كان موسم مناسبات سعيدة وحفلات واعراس العائلة وعرضات وكما تعرفوا الصيف
لبارح كان عيد ميلاد ابني الغالي أحمد أمين
وحبيتكم تشاركوني فرحتي بيه
حبيبتي ام نجم ماحضرتش مي بعثت اولادها هههههههههههه

صورت غيرلي قدرت عليه الباقي مالهيتش نصور

المهم شوية حير من والو

هدي التارت
تارت كرمال روووووعة من تحت طبقة بالعجينة المورقة
ومن داخل محشية موس كرامال
نسيتها نصورها مقطعة





قدمت مع العصير تيراميسو باااارد





عصير للصغار



ولانو عيد ميلاده الاول عندنا عادة نقصو شعر الصغير
ومن عادتنا في هدا اليوم نديرو الرفيس



قدمتو مع اللبن



هديالحلويات مع الحليب والقهوة















هنا مع الصغار
كوثر راها باينةولي على اليسار بنتي سيرين هيا اعرفوا اولاد ام نجم





وهاهي لاكوp الجديدة
الشعرات هادوك ايامات ونديرولهم الجال ههههههه



نظن عمرتلكم شوي قرع هههههه
ادعو معايا ربي يحفظه ويجعله من حفظة الكتاب
وان يكون بارا بوالديه وخادما لدينه ووطنه

المشاركة الأصلية كتبت بواسطة nour inasse

مبرووووووووووووووووووووك وانشاء مايكون الا الخير ماتقلقيش روحك

[color="rgb(46, 139, 87)"]غلى سلامتك اختي ام كوثر نور القسم بوجودك.والف الف مبروك على وليدك ربي يطول عمرو وتفرحي بيه في حفظ القرىن والشهادات العليا ويطول عمرك وتشوفيه عريس[/color]