الجزء الـــ14 من واش طيبتي اليوم؟؟

[douniadiab4]

واش حوالكم يالفحلات والله راني مهتكة من الميناج
هدا وين لقيت فرصة باه نطل عليكم ولقيت ارشيف معتبر ماقدرتش نكملو ماشاء الله راكم ناشطين
لهومة حبيبتي يعطيك الصحة على القاطو كاش نهار تقعدي وحطيلي قاطوات ملاح باه نفاجئ بيهم اهل زوجي في العيد ادا حيينا
المهم راني عندي سؤال مايخصش الطبخ نخليهولك في قسم الدردشة كي تدخلي جاوبيني

[nour inasse]

راني نجي كل عشية نجيبلكم بواش تتقهواو اليوم جارتي بعثتلي غرايف كاين اللي يقولولها بغرير متقبة lميل تروو ...ك
يل واحد وش يقوللها


ا لبنا ت حبيت نسقسيكم وينهي بروقة ماهيش تبان
فايزة الله يخليك ممكن وصفة العصير نتاع الخوخ أنا نموت عليه
الزعيمة مرحبا بيك بيناتنا
الهام حبوبة وشيه مشكلتك مع البوراك والحشو نتاع البطاطا مافهمتش ادا تحبي نعطيك الوصفة نتاعي
أم عبودة ولوكان برك تفوتيلي هذاك الصحن نتاع الديسير ههههههه يسخف في هذي السخانة
أم ماجد بصحتك لعشاء نتاع البارح

[المتيقنة بالله سارة]

اخا وحدة معبرتني ولا شافت لطلبي انا صح وقيلا مكانش لازم نحط ردذهنا ربي خير

[الزعيمة]

شكرا لترحيبك بيا الاخت ايناس
نشالله رانا نستفادو

من خبرتكم ونتعلمو من تجاربكم يارب

[ام اجياد]

المشاركة الأصلية كتبت بواسطة المتيقنة بالله سارة

اخا وحدة معبرتني ولا شافت لطلبي انا صح وقيلا مكانش لازم نحط ردذهنا ربي خير

اهلا وسهلا بيكاختي واله ماشفت الطلب نتاعك هذوين رجعت وقريتو ماتزعفيش ختي واللي طلبتيها نشاله نعاونوك فيها بصح وش نقولك يا اختي ماتخافي ما والو ازدمي برك وخليها علي ربي والكوزينة ماهيش غول بالعكس نهار لول تفسدي ونهار تاني تصلحلك شوي ومبعد تمشي يدك وتدخصي علي الحاجة خلاص بصح وشنهي ماتبدايشبالحاجة الصعيبة ابداي بحاجة خفيفة كي تنجحي فيها يطاعلكلمورال تولي وحدك تحبي تزيدي جربي حوايج اخريولي تحوسي عليها قولينا نقولولك ماتحشميش ختي ماكانش لي زاد متعلم وزيد الوقت لي رانا فيه ترقدي اليوم صباح تلقاي خرجت حاجة جديدةيمالا رانا كامل نتعلمو ونبقاو نتعلمو نتمني نكو ن وصلتك لواش راكي تحوسي ونشاله يزيدو يفيدوك لاخوات لفاضلات

[ذات النطاقين1]

سلام بنات كيف أحوالكم إن شاء الله بخير أم ريمه واش راكي بنت بلادي
هذيي بعض مأكولاتي في الأيام الماضيه
هذا أفخاذ دجاج فالفرن بالرايب طريقه جديده
حساء البصل الفرنسي
بطاطا وحوت
قاطو الطبقات للأخت حب الله
خبز الدار للأخت نينا
كورنيات محشيه بالدجاج
طبعا أطباقي لا ترقى لأطباقكم ولكن المهم المشاركه وديكور عيان لأني شوي فنيانه وزيد عندي دايما واحد يستريسي فيا يعني يا دوووووب نطيب ونحط غير يقيلوني برك

[امونة السطايفية]

السلام عليكم ام ماااااااااااااجد وينك

انا من سطيف و نسكن في تبينت و ختك وين تسكن بالاك نعرفها؟؟؟؟؟؟؟؟؟

[ام عبودة]

المشاركة الأصلية كتبت بواسطة المتيقنة بالله سارة

ولسلان عليكم خواتاتي محلى جمعتكم اني دخلز وانا حشمانة للتحاوزوني عندي ليكم طلب اذا تقدرو تعاونوني حااابة نتعلم نطيب لاخاطر نعرف شوي شوي مي اكللت تقليدية منعرف لي قاطو تاني منعرررفش خطرات نحب نجرب مي نخاف ندير كارنة عا ؛وووني يا ريت متخيبونيش قولولي وش لازم نديركاول خطووووة بسك انا منحبش لكوزينة بزااااف اذا مقلتش حاجة اخررى

حبيبتي اولا انت نتزوجة ام عازبة واذا كنت عازبة شكون اللى متوله بالكوزينة في داركم؟

[ام عبودة]

المشاركة الأصلية كتبت بواسطة ام اجياد

ربي يحفضك دادوامشكووووووووووووووووووووووووووووووووووورة

المشاركة الأصلية كتبت بواسطة ذات النطاقين1

سلام بنات كيف أحوالكم إن شاء الله بخير أم ريمه واش راكي بنت بلادي
هذيي بعض مأكولاتي في الأيام الماضيه
هذا أفخاذ دجاج فالفرن بالرايب طريقه جديده
حساء البصل الفرنسي
بطاطا وحوت
قاطو الطبقات للأخت حب الله
خبز الدار للأخت نينا
كورنيات محشيه بالدجاج
طبعا أطباقي لا ترقى لأطباقكم ولكن المهم المشاركه وديكور عيان لأني شوي فنيانه وزيد عندي دايما واحد يستريسي فيا يعني يا دوووووب نطيب ونحط غير يقيلوني برك

يعطيك الصحة كل شئ حلوووو

[أم ريمة*]

[QUOTE=ذات النطاقين1;1053438944]سلام بنات كيف أحوالكم إن شاء الله بخير أم ريمه واش راكي بنت بلادي
هذيي بعض مأكولاتي في الأيام الماضيه
هذا أفخاذ دجاج فالفرن بالرايب طريقه جديده
حساء البصل الفرنسي
بطاطا وحوت
قاطو الطبقات للأخت حب الله
خبز الدار للأخت نينا
كورنيات محشيه بالدجاج
طبعا أطباقي لا ترقى لأطباقكم ولكن المهم المشاركه وديكور عيان لأني شوي فنيانه وزيد عندي دايما واحد يستريسي فيا يعني يا دوووووب نطيب ونحط غير يقيلوني برك [/ما شاء الله كل شىء يشهى راكى مرا ونص الله يبارك نعطيلك اخبار على البرج راهم حلو البارك والشعب راه عقاب لفريك ولزيبيس ماكانش قد البرج بنتى مزوجة فى العا صمة وقالتلو روح نصوم فى البرج هنا ما كانش ريحت رمضان هذا وين عيطتلى تسقسى على الموفمو لى فى البرج ان شاء الله انت ثانى جى تصومى هنا QUO

[أم ريمة*]

ذات النطاقين ممكن وصفة الحساء ورابط حلوة الطبقات وشكرا

[إلهام07]

أم إبراهيم سامحيني شفت الرد نتاعك ومادرتش اقتباس قلت نرد على الأخوات ونرد السلام عليك نسيت
ربي يخليك ماتزعفيش راكي عزيزة بزاف أصلا المفروض راكي عارفة العقلية ههههههههههه ولاتزعل مواوح وهذي بوسة



[QUOTE=soha1987;1053435653]

المشاركة الأصلية كتبت بواسطة إلهام07

و






روووووووووووووووووووعة دوختيتني
لهومة مديلي وصفة القلاصاج علاش يبرق انا نخدمو بصح نتاعي مايبرقش كيما نتاعك
بصحتكم كامل واش طيبتو وواش كليتو
راني كونت غايبة النات راحتلي

هذا قلاصاج الحليب : كيلة زيت ، كيلة حليب ، كيلة ماء زهر وكلية عصير ليمون تخلطيهم وتشيحي بالسكر لرطب حتى يرجع ثقيل بزاف وكي ديريه على الحبات وينشف يجي يبرق وحدو القاطو الاول هذاك مادرتش الملمع نسيت وجا يبرق بصح في التشاراك درت الملمع كي ينشف القلاصاج ديري الملمع في قطنة ومسحي بيها الحبات راهو يتباع يجي ملمع رطب بزاف والللون أرجونتي

المشاركة الأصلية كتبت بواسطة dadou mascarienne

أووووووو وين رحتي
و عليكم السلام و رحمة الله تعالى و بركاتته
هذيك غي إلهام هبلنا معاها على البطاطا بوراك

إلهام شوفي الرد الأخير في الصفحة لي فاتت واش قتلك

هههههه ماتخافيش ديما مراجعة دروسي هههههههههه شفت الرد

المشاركة الأصلية كتبت بواسطة ام اجياد

الهام هذي تحلية بقازوز نتاع فراز ونشا وزينتها بالشونتي

شكرا حبيبتي

المشاركة الأصلية كتبت بواسطة ام اجياد

لبنات شوفو وش جبتلكم وش رايكم مربي المشماش

هو مليح بصح والله حسبتو عنب هههه مافهمتش اللون كيفاه جاك هكذا

المشاركة الأصلية كتبت بواسطة intissar ben

سلام لبنات هذب اول مرة ندخل في هذ الصفحة و يعطيكم الصحة علي الوصفات الي راكم تجطو فيهم و ان شاء الله نستفادو منكم راني حابة في رمضان نخلعهم ب طيابي و ان شاء الله تعاونوني

هههههههههههه أهلا بيك اختي ، أكيد نعاونوك اختاري الوصفة اللي تعجبك ونعاونوك فيها

المشاركة الأصلية كتبت بواسطة douniadiab4

واش حوالكم يالفحلات والله راني مهتكة من الميناج
هدا وين لقيت فرصة باه نطل عليكم ولقيت ارشيف معتبر ماقدرتش نكملو ماشاء الله راكم ناشطين
لهومة حبيبتي يعطيك الصحة على القاطو كاش نهار تقعدي وحطيلي قاطوات ملاح باه نفاجئ بيهم اهل زوجي في العيد ادا حيينا
المهم راني عندي سؤال مايخصش الطبخ نخليهولك في قسم الدردشة كي تدخلي جاوبيني

على القاطوات فكريني برك نحطلك راني غير نجرب في القاطكوات هذو الأيام بصح انت وذوقك ممكن اللي يعجبني مايعجبكش
ضرك نروح لقسم الدردشة ونشوف سؤالك

المشاركة الأصلية كتبت بواسطة nour inasse

راني نجي كل عشية نجيبلكم بواش تتقهواو اليوم جارتي بعثتلي غرايف كاين اللي يقولولها بغرير متقبة lميل تروو ...ك
يل واحد وش يقوللها


ا لبنا ت حبيت نسقسيكم وينهي بروقة ماهيش تبان
فايزة الله يخليك ممكن وصفة العصير نتاع الخوخ أنا نموت عليه
الزعيمة مرحبا بيك بيناتنا
الهام حبوبة وشيه مشكلتك مع البوراك والحشو نتاع البطاطا مافهمتش ادا تحبي نعطيك الوصفة نتاعي
أم عبودة ولوكان برك تفوتيلي هذاك الصحن نتاع الديسير ههههههه يسخف في هذي السخانة
أم ماجد بصحتك لعشاء نتاع البارح

بروقة راهي مشغولة عندها ظروف مانعرف واش هي
مشكلتي مع البوراك نتاع البطاطا أن الحشو يثقب الحبات نتاع البوراك ويخرج كي نكون نقلي فيه كيما درت وكيما غيرت نفس المشكل

المشاركة الأصلية كتبت بواسطة المتيقنة بالله سارة

اخا وحدة معبرتني ولا شافت لطلبي انا صح وقيلا مكانش لازم نحط ردذهنا ربي خير

يا اختي جاوبنا على واش شفنا ممكن ماشفناش الرد نتاعك من فضلك قوليلنا واش يخصك رانا هنا ماتزعفيش
هنا رانا أسرة واحدة ممنوع الزعاف

المشاركة الأصلية كتبت بواسطة ذات النطاقين1

سلام بنات كيف أحوالكم إن شاء الله بخير أم ريمه واش راكي بنت بلادي
هذيي بعض مأكولاتي في الأيام الماضيه
هذا أفخاذ دجاج فالفرن بالرايب طريقه جديده
حساء البصل الفرنسي
بطاطا وحوت
قاطو الطبقات للأخت حب الله
خبز الدار للأخت نينا
كورنيات محشيه بالدجاج
طبعا أطباقي لا ترقى لأطباقكم ولكن المهم المشاركه وديكور عيان لأني شوي فنيانه وزيد عندي دايما واحد يستريسي فيا يعني يا دوووووب نطيب ونحط غير يقيلوني برك

شكون اللي قال اطباقك لاترتقي حبيبتي يعطيك الصحة اللي طيبتيلهم ههههه بصحتكم

المشاركة الأصلية كتبت بواسطة امونة السطايفية

السلام عليكم ام ماااااااااااااجد وينك

انا من سطيف و نسكن في تبينت و ختك وين تسكن بالاك نعرفها؟؟؟؟؟؟؟؟؟

شفتي غير ام ماجد كي جات لسطيف وانا ساكن لثمة وماهدرتيش عليا ماعليش نحكمك وتشوفي

[الزعيمة]

يا لبنات ممكن تساعدوني
بعد بحث طويل وعناء مرير من وصفة لوصفة قررت اخيرا و بربي ان شاء الله اني نجرب جراتان
اذا ماجربتو درك نجربو في رمضان بحول الله على الاقل يكون كلشي متوفر
مي حبيت قبل ذلك نستفسر شوية
ممكن تحطولي صورة لنوع المول اللي ندير فيه الجراتان اي المقلوبة
يعني يكون زجاج ولا معدن ولا واش
انتوما ادرى افيدوني تعيشو
وزيد حبيت نعرف نوع الفرماج المستعمل يعني اللي يرابيوه مالفوق
اذا ممكن نوع او اكثر اذا ما لقيت النوع الاول نلقى النوع الثاني
وشكرا ليكم مسبقا

[ام لقمان02]

مساء الانوار كيفكم ان شاء الله طيبين حتي ضروك باش قعت الميكرو عني راه ما يطيرش

جبتلكم فطوري تاع اليوم

حساء الخضار القرعة معمر مع الحمص وشامبينيو جربة البوراك تاع ام راضية سلطة برقوق

والتحلية درت كرام دنات بالكرميل تاع الاخت صرصورة

[المتيقنة بالله سارة]

المشاركة الأصلية كتبت بواسطة ام اجياد

اهلا وسهلا بيكاختي واله ماشفت الطلب نتاعك هذوين رجعت وقريتو ماتزعفيش ختي واللي طلبتيها نشاله نعاونوك فيها بصح وش نقولك يا اختي ماتخافي ما والو ازدمي برك وخليها علي ربي والكوزينة ماهيش غول بالعكس نهار لول تفسدي ونهار تاني تصلحلك شوي ومبعد تمشي يدك وتدخصي علي الحاجة خلاص بصح وشنهي ماتبدايشبالحاجة الصعيبة ابداي بحاجة خفيفة كي تنجحي فيها يطاعلكلمورال تولي وحدك تحبي تزيدي جربي حوايج اخريولي تحوسي عليها قولينا نقولولك ماتحشميش ختي ماكانش لي زاد متعلم وزيد الوقت لي رانا فيه ترقدي اليوم صباح تلقاي خرجت حاجة جديدةيمالا رانا كامل نتعلمو ونبقاو نتعلمو نتمني نكو ن وصلتك لواش راكي تحوسي ونشاله يزيدو يفيدوك لاخوات لفاضلات

ربي يخليك حنونة ام اجياد على ترحيبك وش تقترحي عليا نبدا.حابة نجرب اطباق تاع الفور اولا ..وش رايك؟؟

المشاركة الأصلية كتبت بواسطة ام عبودة

حبيبتي اولا انت نتزوجة ام عازبة واذا كنت عازبة شكون اللى متوله بالكوزينة في داركم؟

أنا عازبة حنونة وفالدار ماما لي شادة كوزينتها تحب تقضي كلش وحدها.يعني غير كي متكونش نرومبلاصيها علابيها معنديش علاقة حميمة مع الكوزينة
[QUOTE=إلهام07;1053440284]
يا اختي جاوبنا على واش شفنا ممكن ماشفناش الرد نتاعك من فضلك قوليلنا واش يخصك رانا هنا ماتزعفيش
هنا رانا أسرة واحدة ممنوع الزعاف
يا الهام انا كي ملقيتش رد قلت بلاك هذي بلاصة خطيتني غير للمحترفات وقلت على زهري مراحش نلقى لي تنصحني.ويشرفني نلقى ردك يعجبوني بزاف وصفاتك ويعجبني حماسك والله ديري لكوراج للواحد