مشكلتى خطيرة

[wafa16]

المشاركة الأصلية كتبت بواسطة zaira

امي عنيدة جدا و تخيرني بينها و بينو

اسمحيلي اختي مي امك ما تدوملكش قد ما تعيش ما تعيش قد اللي عاشتو امبعد تعرفي معنى تكوني مطلقة في داركم الخرجة تاعك محسوبة و هدرتك تجيهم ثقيلة و حتى وليدك ماراهمش رايحين يحنو عليه كيما باباه و نعرف بزاف ناس رباوهم اخوالهم حالتهم تشف
ياك يقولك الزواج في السراء و الضراء و رانا فيها هنا يبان المعدن تاع الواحد
وبالاك راجلك بهاد الموقف رايح يقدرك و يعرف بلي وقفتي معاه
و المرض النفسي و العصبي متزايد في بلادنا اليوم هو و غدوا بالاك انتي و الا انا
لازم نتعلمو نتعايشو مع الامراض و تكون عندنا شوية فهم و ثقافة
و انتي لازم تعرفي حدود التحمل ديالك لازم ما تعانديهش و تبعديه على المشاكل لانو في وضع حساس و توقفي معاه في العلاج ديالو
و صدقيني تقدرو تكملو حياتكم بطريقة طبيعية ادا و قفتي معاه انت و الاهل ديالك بما فيهم يماك هو رايح يحس بلي راكم قابلينو و ماراكمش ضدو اما ادا امك اساءت معاملتو و الا عايراتو بمرضو و الا دخلت بيناتكم عندو الحق يكرهها
و نقولهالك للمرة الاخيرة كاين حتى نساء تعرضو لهاد الامراض و رجالهم وقفو معاهم و بناو ديار فما بالك بيك انتي امراة و المجتمع ما يرحمش تقوليلهم راجلي مرض طلقتو
كاش نهار ديري زيارة لكاش عيادة و الا مستشفى تشوفي لتما عباد طبيعيين يتبعو دواهم و علاجهم و كلشي عادي
و تحسي انو دزاير كلها مريضة لانو هاد الامراض كثرت و انتشرت و مالازمش نتهربو من الحقيقة
يعني واحد مريض نفسي نحكمو عليه بالوحدة و ما يتزوجش و زعما حالتو رايحة تتحسن
بالعكس الوضع يزيد يتعقد