ولي لدارك و ساعدي راجلك باش يجوز هاد المرحلة
اهدري مع الاطباء تاعو يفهموك في الحالة ديالو
و عاونيه باش يبرا و يشرب دواه و ما يتهاونش لانو اغلب المرضى النفسيين بعد فترة يرفضو العلاج
تاقلمي مع مرضو ووفريلو جو مناسب
انا عندي واحد قريبي مصاب بمرض نفسي و خطير لما يتهاون في العلاج و امضى فترة في المستشفى و الحمد لله تزوج و عندو بنتين يخدم عليهم لاباس عليه وحدة جابت الباكالوريا العم اللي فات و الاخرى مهندسة و الله يبارك لامراض و لاهم يحزنون طبيعيات فوق اللازم رافدينو و رافدين يماهم
لكن السر في زوجتو كانت مساعفاتو و كل ما تشوف حالتو بدات تتغير تستشير الاطباء تاعو يغيرولو من الجرعات و الا يدخل المستشفى لفترة قصيرة حتى يتحسن لا طلقت لا رمات ولادها لماليه واش من قلب يعطي للام باش ترمي وليدها و تشوف حياتها
الام لما تتزوج حياتها هوما ولادها
المرض يقدر يكون وراثي لكن ماشي بالسيف ينتقل للاولاد يقدرو يكونو طبيعيين
و ادا شكيتي في وليدك تابعيه من صغرو قبل ما تتطور حالتو ماشي تخليه و تروحي تتزوجي كيما راهم يدبرو بعض الناس
ونزيدلك حاجة الجزائريين معظمهم مرضى نفسيين ماشي باينين برك
امالا نقولك ولي لدارك واعرفي تسيري حياتك و بالاك راجلك يتحسن كي يشوفك انت و وليدو قدامو
( تقرير عن مشاركة سيئة )، و الموجودة أسفل كل مشاركة .
2013-06-24, 19:02
العرض الشجري