خدمة الرجل في بيته

[ام نسمة]

مرحبا موضوع قيم وهادف لكن في مجتمعنا يوجد صنفان من الرجال اما يكونو هوما يديرو الشغل كي يمرضو نساهم ولا يكون عندهم اعمال كثيرة او ضيوف او او او ........لكن يخجلون من ذكر الموضوع وتبقى المساعدة سرية جدا يعني بينه وبينها ............وكاين من يرفض الامر البتة ولا يقتنع به بل ويهاجم اي رجل سمع بيه عاون الزوجة اتاعو . هذا من جهة ومن جهة اخرى كاين نسا يرفضو عمل الزوج في البيت مطلقا حتى ولو كانت تعبانة وهاذي حقيقة والله وانا وحدة منهم نفضل نخلي كلشي يتراكم حتى نشفى ولا نفرغ وندير شغلي وحدي ومانخليهش يدير معايا حتى حاجة لانو اولا مايعرفو يديرو والو يجو يعاونوك يفسدو كل شي ويزيدولك تعب جديد وثانيا لو كان الراجل يرفد كاس من بلاصتو يعدو خمسين عام للقدام كل يوم يعدو ويقولك انا عاونتك ووووو حتى تندمي سيدتي .....الوغ انا رجعت كي نمشي لبيت اهلي ونرجع نلقى المواعن تاع كل الايام مجمعة في حوض المطبخ . ونزيدكم لوكان غير يشرب الماء كل مرة يجبد كاس جديد يشرب فيه ويحطو في الحوض ههههههه ويجيب الاكل من برا ويحط على جال سندويش زوج طباسة وربع كيسان ههههههههه يديروها سكارة ولا ماعرفتش لوكان يقلي حبة بيض صباح و يعاود وحدة العشية يجبد زوج مقالي مستحيل يغسل تاع الصباح باش يعاود يقلي فيها .ههههههههه.يلا هول المنظر الملابس متناثرة هنا وهناك الغبار في كل مكان ....نلقى تعب ياسر لكن في داخلي ما نغضبش ونقول علاش خلى كل شي موسخ ونورمال نجمع ونمسح ونغسل ساعتين ونرجع الدنيا تشعل......انا في رءيي المرا الناجحة ماتخليش زوجها يساعدها حتى ولو كانت تعبانة وحتى ولو هو طلب منها يساعدها لانو الراجل راجل وخدمتو برا والمرا مرا وخدمتها الداخل ومادابينا كل واحد يحكم بلاصتو ويقومها وخلاص .....