استطلاع....سفيرة العزومات!!!!!

[بريق الامل&]

المشاركة الأصلية كتبت بواسطة ه سلاف

حبيت نوضح امر انو
اولا المجهود واضح جداااااااااااا والاهتمام بالمسابقة جلي جدا وهذا امر رااااااااااااااائع وان دل على شيء فهو يدل علي الاهتمام بالضيف وهذي شيم الجزائرين
ثانيا كل مرآة. عندها ضروفها الي ممكن ماتخليهاش تقدم كل الأطباق علي مائدة واحدة لكن وهذا معروف ولا وحدة تقدر تتحكم فالأمر
لكن لوكان غير كل وحدة شرحتلنا طريقتها في الضيافة فقط وما تكلفش نفسها تجمع الأطباق علي مائدة واحدة
ثالثا وأخيرا هذي اول طبعة من المسابقة وأكيد رح تكون تحسينات في المرات القادمة
والشكر كل الشكر لكل المتسابقات لانو الأطباق في القمة وما عدنا كيفاش نخيرو

طريقتي في الضيافة
حنا الضيف لعزيز ولاول مرة نقوموا به فوق اللازم مثلا عروس مع رجلها
نديرو
القهوة مع قاطو بالطبع نوع على الاقل بالوز او الجوز وكل واحد طبسي وحدو لكل انواع الحلويات
ولفطور او لعشا
نديرو شربة فريك وبوراك احسن مقبلة حبيتي تنوعي تزيد كيش او مونشو او كوكا او ميني بيدزا في الغالب بوراك الله الله مممممم بالقارص و المعدنوس
وسلاطة منوعة ومشروبات وحميص حار يفتح الشهية
من وراها نحطو الشوا خروف مقسوم على اثنين او اربعة كل ربع فيه 4 و المطلوع
من وراها نحطو مسفوف بالزبيب و نقدمو معاه عسل حر وزبدة
ثم ديسار بنان وتفاح وتشينة او دلاع بارد مممممممم
ثم الشاي مع المكسرات وحلوة الترك و دقلة نور
او نعناع تيزانة ينحي الدسم
وكي تجي رايحة نمدولها الدراهم وقطعة قماش وريحة او دراهم فقط مية او متين او 300
ونقولولها عاودي الزيارة هههههههههههههههه
وفي الغالب
نديرو شربة فريك وبوراك ولوبيا ماشطو بطراف لحم غنمي او جلبانة وقرنون ممكن نزيدو دجاج محمر مع الروز او بطاطا مقلية او قراتان هذي الي يحب يزيدها او مكان اللوبيا او جلبانة
ودولمة كورجات او مثوم بالحمص وطاجين لحم لحلو برقوق ومشيمشة وزبيب ولوز
وسلاطة اوردافل
وديسار
وفلان
والشاي مع حاجة معسلة وقهوة وقاطو
او نديرو طعام بالحم لازم طرف اللحم يغطي الطبسي نكبروه بلاك رطل هههههههههههههه للواحد
وبيض ورايب وعسل ودهان غنمي ودلاع للضيف حرية الاختيار باش يحب ياكلو ماما تسميه طعام مدلل
وقازوز وديسار
اذا ضيف مطول كل يوم حاجة نرجعو نديرو شخشوخة بالدجاج او رشتة او طاجين زيتون او اواو هنا نبداو نبدعو ههههههه
والضيف تاع ديما المقربون عجوزتي ماما خواتاتي وسلافاتي
شربة وطاجين اخر كما تحبي وحلو اختياري
كي يجو نحطو مشروبات وديسار ومن بعد قهوة قاطو اذا عندك صحة اذا ماعندكش ثمثم بسبوسة او موسكوتشو او كيكة ام كوثر تاع البيمو هههههههه
و الطاجين انت وش حبيتي اديري والمقبلة مش شرط خبز او تعجني كما تحبي المهم الشربة والجواز وسلاطة وقازوز وديسار
ومرحبا بكم عندنا