أسعار الخياطة - الصفحة 3

رحيق النحل · 2013-05-30, 06:05

رحت البارح عند خياطة و سألتها بقداش توقف قندورة ثقيلة قالت لي ب 130 الف و كان عندها قندورة فورم سوتيان قالت لي نخيطها ب 200الف القماش و السلعة من عندك يا خاوتي واش هذ النار .

نور المستقبل · 2013-05-30, 06:40

يالطيف الناس ميش كيما بعضاها ستيل سوتيان ميفوتش 100 الف الناس عادت تسرق عيني عينك
واينكم ياخيطات قلت نحطو الاسعار وليتو هربتو
واين انت ياصاحبة الموضوع الاصلي

ريماس منة الرحمان · 2013-05-30, 08:06

حبيت نخدم قندورة بشرائط الستان ديتها الخياطة تفصلها وتخيطهالي بلا ماتدير حاجة زايدة لا فورم تاعها cache cœur ومن تحت تجي سيوانة بورت فاي قالتلي 100الف واش رأيكم مع العلم أنا اللي ندير للقندورة الخدمة تاع شرائط الستان والكروشي

زنجبيل11 · 2013-05-30, 12:11

خياطة برك و طلبت 100 علاش ما تحطيش المودال تعاونك سطايفية

نور المستقبل · 2013-05-30, 14:11

حطي المدال ونقولولك عالسومة انتاعو واذا حبيت تخيطيه وحدك نساعدوك موفقة

OM RITA · 2013-05-30, 17:26

hada l model nkhayt fih b 50 alef

نور المستقبل · 2013-05-30, 18:58

اقتباس:

المشاركة الأصلية كتبت بواسطة om rita

hada l model nkhayt fih b 50 alef

50 الف راهي رخيسة بزاف فصالة وخياطة وتعب على 50 الف قليلة 80 سومة معقولة

angel_girl · 2013-05-30, 19:38

السلام عليكم
أولا اسمحولي طولت عليكم الغيبة راكم تعرفوا الخياطة و مشاغلها
المهم راني نشوف بلي الموضوع مهم بالنسبة لينا بسح لازم يجي بطريقة منظمة وراني حابتمن تعطوني أفكار باش نظموا الموضوع.
يعني كل أسبوع نحطوامودال نهدرو عليه ولا كل زي معين نديرولووا موضوع خاص ولا واش رايكم ؟؟؟

OM RITA · 2013-05-30, 19:39

اقتباس:

المشاركة الأصلية كتبت بواسطة نور المستقبل

50 الف راهي رخيسة بزاف فصالة وخياطة وتعب على 50 الف قليلة 80 سومة معقولة

nn sahla fi khyatetha w ana menhebech ngali kol wahid w dorofo

نور المستقبل · 2013-05-30, 20:42

اقتباس:

المشاركة الأصلية كتبت بواسطة angel_girl

السلام عليكم
أولا اسمحولي طولت عليكم الغيبة راكم تعرفوا الخياطة و مشاغلها
المهم راني نشوف بلي الموضوع مهم بالنسبة لينا بسح لازم يجي بطريقة منظمة وراني حابتمن تعطوني أفكار باش نظموا الموضوع.
يعني كل أسبوع نحطوامودال نهدرو عليه ولا كل زي معين نديرولووا موضوع خاص ولا واش رايكم ؟؟؟

فعلا طولتي الغيبة حنا كل عندنا خياطة بصح مرة على مرة نطلو
المهم انا ثاني كان رأي من رأيك زاد دخل الموضوع في الفوضى اكيد الامر يهم الجميع مهوش غير حنا الخياطات
واحدة فينا تحط مدال واللي تدخل تحط السعر اللي مالفة تخيط بيه المهم نستفادو كل انا في رأي نحط لمدال اللي نخيطوها كل يوم وللي تمشي بزاف المهم المدال اللي يتحط ميفوتش اسبوع ومن بعد نغيرو المدال شكرا

angel_girl · 2013-05-30, 21:24

ايه راني معاك أختي نور المستقبل لكن علابالك بلي المودالات بزاف في نفس الزي مثلاا حوايج دار بزاف و سزاري بزاف لي مودال و الزي التفقليدي تاني بزاف لي مودال و كاين التطريز
مالا و اشرايك لو مان نحطو في كل أسبوع مجموعة من الموديلات و نرقموهم بالأرقام و نتناقشو فيهم لمدة أسبوع و هكدا باش نثدرو نستفادو
و طبعا إدا كانت وحدة عندها حاجة حابة تخيطها ولا خياطة حابة تعرف سومة مودال معين جامي خيطاتو ممكن يحطوه في أي وقت
راني نستنا في رأيكم باش نبداو بإذن الله

angel_girl · 2013-05-31, 12:10

واش قلتو يا نسا موافقين ولا لا لا

Naila10 · 2013-05-31, 13:56

انا ماما خياطة و راهى تقول بلى كلقندورة تحسبها وش لازم سلعة تتفاهم مع الزبونة على السعر لان السلعة تانى غالية فى كل مرة تزيد كى يزيدو فى الزيت و السكر ههههههههه امالا نقعدو حنا لخرين و زيد الزبائن يخيطو الغالى و كى تقولىلهم هاى السومة تقلك غااااااالى يحوسو على بلاش حتى حنا نتعبو و كتافنا تهدت و ربى يعين الجميع

angel_girl · 2013-05-31, 17:13

ايه اختي نايلة عندك الحق السلعة تزيد وكلش يزيد و الخياطة ماتزيدش ماكانش منها حا د رنا الموضوع باش نوحد الأسعار و الخياطات الي غافلات على الأسعار يفيقو و تكون عندهم فكرة أنا تاني تكلحت في لول نخيط بسومة قليلة و يقولولي نقصي و نقص بسح كي وليت نسقسي على لسوام ماوليتش نقص نطلب حقي و الي ماعجبهاش ماتخيطش

rahille · 2013-06-01, 19:53

اقتباس:

المشاركة الأصلية كتبت بواسطة angel_girl

ايه اختي نايلة عندك الحق السلعة تزيد وكلش يزيد و الخياطة ماتزيدش ماكانش منها حا د رنا الموضوع باش نوحد الأسعار و الخياطات الي غافلات على الأسعار يفيقو و تكون عندهم فكرة أنا تاني تكلحت في لول نخيط بسومة قليلة و يقولولي نقصي و نقص بسح كي وليت نسقسي على لسوام ماوليتش نقص نطلب حقي و الي ماعجبهاش ماتخيطش

يعطييك صحة اختي كلش غالي والخياطة جاتهم حرام كي تغلى وعلى العموم الخياطة راهي تفرق من خياطة للخياطة في الذوق والاتقان وكل شيء في الخياطة الراقية وفي الخياطة المهم فستان وخلاص وكي تقلبيه تلقايه مفي حت اتقان ...............وزيد على هذا كي نقارنو الخياطة مع الحلاقة نجد فرق كبيررر في الثمن
الحقيقة الحلاقات قيمو مهنتهم لكن الخياطات دائما يرخسو مهنتهم مع انها مهنة رائعة وفي ابداع كبير فنشاء لله نحاولو نعملو ونخ
يطو اشياء مليحة ومتقنة ومممميزة وهكذا نرفع قيمة الحياطة وسمعتهاااااااااااا والي تخيط تخيط ولي متخيطش تروح تشري واكيد انها ترجع للخياطة باه تنقصلها اما في الطول او العرض

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري