تصرفات طائشة ج3

[مريم الصابرة]

المشاركة الأصلية كتبت بواسطة سلام الشجعان

هناك عدة أطراف لهم ضلع في هذه الرداءة هم
-المسؤولين عن المستشفى بالدرجة الأولى لأنها مهمتهم ومسؤولون عنها أمام الله.
-الرجال الذين ذهب عنهم الحياء ولا يبالون حتى ممن يدخل على زوجاتهم وهم في حالة الولادة
-النساء المريضات الساكتات عن الحق واللاتي من المفروض أن يقدمن شكاوى للمسؤولين ويرفضن هذا الوضع.
والله أعلم

السلام عليكم اخي
وانا اوافقك الرأي تماما كلنا مشاركون

[مريم الصابرة]

المشاركة الأصلية كتبت بواسطة yacine-08

هادي هي دول العالم التالت

وين تروح لا تجد خدمة في المستوى ..

تمشي للبلدية يمشيلك يوم كامل وانت تستنى باش تخرج ورقة واحدة

واحد صديقي اخته كان لديها الم كبير في معدتها وعمال المستشفى كانوا في اضراب مابغاوش يعالجوها

على الاقل بادوية مخففة ولاشيئ تحيييييييير في هاد لبلاد

كيما قالك الله يعطينا نفية من هاد لبلاد الى بلاد افضل .

السلام عليكم
هكذاك صرالي رحت ليهم مريضة في حالة قالولي إضراب رحت للخاص يعني ولما كانش دراهم نولي للدار
وكيما قلت الله يجيبنا نفية شكرا

[سدرةالمنتهى]

السلام عليكم اختي مريم كيف حالك

ايه فرق كبير تفكرت ماما كيما كانت تحكيلي على زيادة بكري تخيلي قاتلي عدنا البنت كي تزيد عيب يدخل عليها باباها مادراك بالغرباء قاتلي حتى توفى الربعين و توقف على رجليها و خصها ترضع قدامو كي يدخل تستر روحها و لا تبطل

ظرك لا حول الله ترضع قدام الغرباء و كيما قلتي تتوجع قدامهم

انا نعذر المراة لانو الوجع اللي فيها شغل راهي فاقدة الوعي ماشي بلعاني تمشي في الرواق
العيب راهو في الرجال اللي قاعدين و يشوفو فيها و يسمعو في الاهات و هم يتلذذو بحكم ينتظر اختو
ديجا عدنا عيب الاخت تنفس قدام خوها
الحمد لله مازال عدنا الحياء

[مريم الصابرة]

المشاركة الأصلية كتبت بواسطة سدر المنتهى

السلام عليكم اختي مريم كيف حالك

ايه فرق كبير تفكرت ماما كيما كانت تحكيلي على زيادة بكري تخيلي قاتلي عدنا البنت كي تزيد عيب يدخل عليها باباها مادراك بالغرباء قاتلي حتى توفى الربعين و توقف على رجليها و خصها ترضع قدامو كي يدخل تستر روحها و لا تبطل

ظرك لا حول الله ترضع قدام الغرباء و كيما قلتي تتوجع قدامهم

انا نعذر المراة لانو الوجع اللي فيها شغل راهي فاقدة الوعي ماشي بلعاني تمشي في الرواق
العيب راهو في الرجال اللي قاعدين و يشوفو فيها و يسمعو في الاهات و هم يتلذذو بحكم ينتظر اختو
ديجا عدنا عيب الاخت تنفس قدام خوها
الحمد لله مازال عدنا الحياء

السلام عليكم اختي
صح مي والله كاين عائلات مازالو محافظين إحنا والله عيب عندنا وعيب كبير يعني الطفلة لما تكون حامل ما تقابلش باباها تحشم منو وزيد لما تولد حتى تقفل الأربعين ويشوف البيبي هو الاول من بعد تدخل لدقائق و تخرج حتى توالف اما السبيطار الرجال كامل ما يروحوش وما تشوفهمش عيب
المرا بالوجع الله غالب تمشي ودور لكن الرجال واقفين يتفرجو عيب هذي واسمها قلة تربية ربي يهدينا شكرا

[مريم الصابرة]

المشاركة الأصلية كتبت بواسطة sam2109

شكرا أخت مريم على هذا الطرح المهم جدا

عندي زوجة أخي دخلت للمستشفى ببنتها الرضيعة لأنها مريضة (يعني االرضيعة) وأنا مارحتش زرتها في المستشفى لأني نحشم ومانحبش نروح لجناح النساء ونحشم حتى منها هي لكن خويا زعف مني وأنبني وقالي كيفاش دخلت زوجتي وبنتها للمستشفى وماقدرتش تجي ووووو وحاولت نوضحلو لكن دون جدوى.....

السلام عليكم اخي
من المفروض يكونو الرجال كيما إنت عيب كبير وي خوك زعف لانو الأمر رجع عادي بزاف في بلادنا شافك إنت الغير عادي وهي إنت راك صح الف بالمئة وخليك هكذا ما تتبدلش شكرا وبارك الله فيك

[jiji_"]

السلام عليكم اختي
و الله السبيطار راهو كيما المارشي في هذا الوقت
الله يجيب الخير

[tinza]

شكرا أختي مريم على الموضوع الحساس
لعلمك أنا أعمل في مصحة للولادة و مسموح لي بالدخول لأي قسم أشاء حتى غرفة العمليات
و أخجل كثيرا عند مزاولة عملي
أقترح أن يكون عمال مصحات الولادة كلهن نساء
الحراس نساء
عمال الإدارة نساء
ممرضات نساء
سائقو سيارة الإسعاف نساء
ستكون رائعة
هذه هي فكرتي للحد من هذه الظاهرة
و أرجوا أن تتجسد على أمر الواقع

[alger1]

السلام عليكم اتمنى ان تكوني بالف خير والله مواضيعك كلها قمة روعة الله لا يحرمنا منك
كانت لنا احدى القريبات في المستشفى وبحكم انها اطالت المدة لان ولادتها كانت عسيرة
وكل يوم نذهب لزيارتها فوالله اني رايت مالا عين رات ولا خطر على قلب بشر الاهانات
السب الشتم التخلاط وكانهم في زريبة لا حرمة لاحد في ذلك المكان اذا لم يلطف بك الله
فلا احد سيبالي وهكذا سنبقى في قمة التخلف ادعي لي ربي نخرج من هذي البلاد
فهي لم تعد تلزمني وشكرا

[BAROUD]

[مريم الصابرة]

المشاركة الأصلية كتبت بواسطة jiji_"

السلام عليكم اختي
و الله السبيطار راهو كيما المارشي في هذا الوقت
الله يجيب الخير

السلام عليكم اختي
فعلا مرات الضجيج يخليك تعتقدي إنك فالسوق ربي يهدينا اجمعين شكرا على المرور العطر

[مريم الصابرة]

المشاركة الأصلية كتبت بواسطة tinza

شكرا أختي مريم على الموضوع الحساس
لعلمك أنا أعمل في مصحة للولادة و مسموح لي بالدخول لأي قسم أشاء حتى غرفة العمليات
و أخجل كثيرا عند مزاولة عملي
أقترح أن يكون عمال مصحات الولادة كلهن نساء
الحراس نساء
عمال الإدارة نساء
ممرضات نساء
سائقو سيارة الإسعاف نساء
ستكون رائعة
هذه هي فكرتي للحد من هذه الظاهرة
و أرجوا أن تتجسد على أمر الواقع

السلام عليكم اخي تينزا
ربي يعاونك يا رب والله انا مع إقتراحك لازم يكونو نسا خدامات فهطذا القطاع كلهن والله امر مخجل صراحة وعيب
ربي يهدينا شكرا على المشاركة

[مريم الصابرة]

المشاركة الأصلية كتبت بواسطة baroud

السلام عليكم خويا بارود
إيه عندك الحق السبيطارات هوما مرضى أكثر من مرضى في حد ذاتهم شكرا

[انانيس]

السلام عليكم اختي "مريم "
صدقيني تاخرت بالمشاركة في هذا الموضوع لاني كنت اعتقد انني شاركت به
المهم موضوع حساس ونقطة هامة تتحدثين عنها
نعم المستشفيات والعيادات
اصبحت ساحة للفوضى
لا احترام لمواعيد الزيارة ولااحترام لحرمة المكان الذي نتواجد به وغيرها من المظاهر السلبية
يتحمل مسؤولية هذا الفعل المدير والاعوان بشكل خاص
والدي يشتكي كثيرا من هذه النقطة بعمله
كثيرا ما واجه هذه المظاهر السيئة يقولي اترك المريض واحاول ابعاد هؤلاء عن غرف النساء خصوصا لما يشك بامر الكثير
وانت اعلم بشبابنا اليوم هناك من لا يفوت الفرصة حتى بمثل هذه الامكنة
ربي يهدينا نظن قضية تربية بالدرجة الاولى
وبارك الله فيك على الطرح القيم

[ام نسمة]

مرحبا مريم انا حصل معايا الامر كي وضعت طفلي الاول كنت في مستشفى عام وبقيت عدة ايام تخيلي انا اتالم بشدة وفي قسم التوليد نورمالمون ممنوع الرجال لكن عادي رايحين جايين ويزيدو يطلو في الغرف لوكان غير جاو يبقو في الكولوار الواحد باش يدخل عند مرتو حتى يطل في كامل الغرف ويتفرج شوية عاد يوصللها ههههههههه انا تاني راجلي كان كي يجي هو وابي واخوتي انا نخرجلهم من قسم التوليد خلاص ونلقاهم في الكولوار اللي بجانب القسم وتفكرت وحدة كانت تولد عندها 18 سنة وزوجها يكون عندو 22 او 24 سنة كااقصى حد كانو في زوج انانيش كي جات تولد وكي ولدت وطلعوها للغرف تاع المرضى دخل عندها زوجها زيارة في الليل المهم بقى معاها شوية وطردوه قاللهم دورك نخرج غير خرج العساس اللي كان يدور الراجل خزن في البالكون تاع القاعة وبقى حتى فتو الممرضين والعساس على الطابق وخرجو ايا سي خونا خرج ودار كرسي قابل مرتو حتى فايت نص الليل وفي القاعة شحال من مريضة وهات ياحب ويا غزل تسمعي غير عمري وحبي والناس ميتين عليهم بالضحك .............كما يقولو هم يبكي وهم يضحك بما انو هو و زوجتو اصغر ناس في القاعة والنسا تماك كبار عليهم ما شكاوش بيهم

[مريم الصابرة]

المشاركة الأصلية كتبت بواسطة انانيس

السلام عليكم اختي "مريم "
صدقيني تاخرت بالمشاركة في هذا الموضوع لاني كنت اعتقد انني شاركت به
المهم موضوع حساس ونقطة هامة تتحدثين عنها
نعم المستشفيات والعيادات
اصبحت ساحة للفوضى
لا احترام لمواعيد الزيارة ولااحترام لحرمة المكان الذي نتواجد به وغيرها من المظاهر السلبية
يتحمل مسؤولية هذا الفعل المدير والاعوان بشكل خاص
والدي يشتكي كثيرا من هذه النقطة بعمله
كثيرا ما واجه هذه المظاهر السيئة يقولي اترك المريض واحاول ابعاد هؤلاء عن غرف النساء خصوصا لما يشك بامر الكثير
وانت اعلم بشبابنا اليوم هناك من لا يفوت الفرصة حتى بمثل هذه الامكنة
ربي يهدينا نظن قضية تربية بالدرجة الاولى
وبارك الله فيك على الطرح القيم

السلام عليكم اختي
لا بأس أن تصلي متأخرة خير من أن لا تصلي
والله يا اختي عدم إحترام الرجال لهكذا مواقف بنظري من يقبل نفسه هذا الأمر يقبله على غيره وأيضا اختي هي مسؤولية المدير وأعوان الامن ولكن والله مرات اعوان الامن يقومو بعملهم لكن الشباب والرجال ربي يهديهم من كثرة إنو هذه المواقف صارت عادية الغير عادي إنك تتحدثين عن هذه الظواهر وتقولين أنها سلبية
ربي يهدينا اجمعين بارك الله فيك