علاش الانفصال خممي مليح تلقاي روحك مكبرة الامور حاجة عادية هو يشريلك في قش لدارك و انت تتغشي عليه واش تحبي يديرلك

ماشي انت اللولة يصرالك هاكا نعرف بزاف في حالتك و عرسهم بقالو اسابيع برك

مالا تاكدي بلي الضغط و القلق فقط يديرو هاكا

و بعد العرس تولو تضحكو على روحكم

على حساب كلامك يا اختي انتي اللي قررتي مش هو كان ممكن ماتعانديهش ولا تكسري تلفون وتقوليلو فزدلي ماعنديش باش نشري و كملي الشهر اللي بقا بعيد عليه و انتي تهنيتي من تكسار الراس ولكان عقدتو و تطلبي انت الافصال يا الفحلة لازمك ترديلو كلش لكان شايفة روحك كارهة منو و قانعة انك تبطلي خليها تجي منو باش هكاماتخسريش والديك و ربي يهديكم ويصلح رايكم

يا خااااااااااااااه كيفاش بقالك شهر لعرسك و حابة تبطلي
انعلي الشيطان اختي و ماديريش هاد الافكار في راسك
دوك تبانلك حاجة مليحة مي اومبعد صدقيني غير تندمي تولي تقولي في بالك لوكان غير حملت لوكان غير صبرت
المهم دوك ما تقولي لداركم ما توكلي محامي خليها على ربي
و راكي تقولي بلي ديما يزعف هاكدا و يعاود يولي وحدو همال خليه يولي و نحي كامل هاد الامور من بالك
ربي يهنيك حنونة و ديري في باللك بلي كامل عندنا هاد المشضاكل و انا وحدة من الناس اللي راني كتر منك بصح راني صابرة و موكلة امري لربي سبحانه

راها المشاكل في كل بلاصة بصح المراة الشاطرة لي تعرف كيفاه تحكم الراجل
عندي خويا عصبي لوحد الدرجة انا اختو كون نصيب نقتلوا ربي طيحه في مراة احنا جبناهاله والله العظيم لمسيراته
لخاطر الراجل العصبي اسكت وقت لي يكون يطير كي قالت امي شدي فمك و تشوفي النتيجة يولي يعبدك

لا حول و لا قوة إلا بالله
يا ختي انغلو الشيطان كي وصلتو للمرحلة هادي رايحين تطلقو علاه دخلي في القانون في الحكاية
عيطي لراجلك راضيه أحسن ليك أولا و ليه ثانيا
ربي يسهلك ختي العزيزة و يوفق بيناتكم ان شاء الله

ما كاين والو باذن الله اصبري شويه متعيتيلوش هكدا تتكالماي انتي و هو و ان شاء الله تلقايه يعيط و يقلك منقدرش نعيش بلا بيك
ربي يهنيككككككككككككك حنونتي

ربي يهديك ختي بلعقل كلش

هدا هو نتيجة العقد بفترة كبيرة قبل زواج

دكا هدي اللعب وخلااص ومهما يكون زوجك دكا

وصبري ومع لوقت راكي تكسبيه افضل من العناد

ya khti normal hadi ana malfa tessrali krib koul youm normal hada kamel chitan la3natou allahi alih madiri walou fe balak khali koulach kima rahou doc yezoul al hamdoulilah

يا لبنات هاد الراجل راهو طامع في دراهمها

انا من رايي ما تهدريش معاه حاليا تبعي نصائح السيدة كارمن ان شاء الله هي توريلك طريق الصح و بالاكي ما تتاخدي حتى قرار حاليا و ما تقوليش لوالديك حتى تحلي المشلكل

ربي يكون معاك حبيبتي

سلاااام
دحكتيني خاطر فكرتيني بروحي انا تان كان ايديسيدي كلش وحدو و كينتفاهمو نخرجو نقدو اقولي نديك نتي تخيري و مبعد يقولي راني رحت مع يما خيرنا مي ما جبتوش حتا نديك تشوفي و انا قتلو ياك خيرت انا واش نجي ندير، و كل مرا هاك حتى ولا يقولي نتي دراري مي شفت طريقة هدي تطفر غير فيا
ملا وليت نديه على حساب عقليتو و نقولو معليش أنا علابالي راجلي يعرف اخير و ما نخافش عليه مي مادا بيا نخيرو انا و ياك و كي يدي يماه ما نحاسبوش "حقها تفرح بيه" كي نروه نشوف ادا عجبتني نديوها و ادا لا نبدلها و نقولو عجبتني وحدخرى مع شوي تكلاخ ندي وش حبيت
انا نقولك أصبري و فوتيها ماتقرايش قاع وش ايدير راجلك بالنقص ولفي روح متزعفيش على والو خلي زعافك و كلمتك عزاز

انعلي الشيطان يا طفلة راه الراجل في داخله طفل صغير انا كيما انت وصرتلي عدة مشاكل وكل مرة نقولو نبطلو ومن بعد نوليو كي شغل ما صرا والو ونندمو
اختي الراجل في هاد الوقت عزيز و كي تبطلي تولي الناس تهدر عليك مالا اصبري عليه و ساعفي رانا كامل نساعفو وصابرين غير باش ما نبوروش في ديار والدينا وماتبقاش الهدرة في ظهورنا
ساعفيه برك وقليلو عندك الحق و عقبيه بالهدرة الحلوة حتى يرضى وماتناقشيش خلاص حتى يفوت عرسك تشوفي كي يتبدل ويولي ما يصبرش عليك

ما عليش انتي اقبلي بواش خير راو العرس ما بقالوش و ماشي في صالحك تبطلي و نصيحة ما تولفيهش في دراهمك