اللي حاكمة مصروف الدار تتفضل معانا

[بنت الجزاير الغالية]

المشاركة الأصلية كتبت بواسطة ليل و سجون

شهرية الطونوبيل 25425دج
كي مايكونش هنا، نصرف على راسي برك
الرافيتايما. نحب الحليب و مشتقاته لازم كل يوم
فاردو ماء كل أسبوع
الفواكه ماعندي حاجة فيها
اللحوم ماعندي حاجة فيها
نحب الاسماك و لوكان نلقى كل يوم نشري رطل


الفليكسي تقريبا كل أسبوع 700دج ليا و ليه
هدا ماكان واقيل

كي يكون هو هنا
لازم اللحم ولا الدجاج فطور و عشاء
الديسار بانواعه (فواكه 3 انواع على الاقل. مشروبات غازية*قرعة كل نهار* و عصير* قرعة كل نهار* . فردو تاع الماء يشدلي 3 ايام انا و هو )
الياغوت لحق برك. المكسرات كل يوم
الدخان كل نهار باكي ب 130دج
بالإضافة إلى الخضر و الرافيتايمو و القاطو كل يوم على الحليب
و كذلك يدو ماشي ليه فالشهر يقدر يمد حتى 4000دج صدقة

على العموم. هو يحب ياكل مليح .


**** و مازال ما وجدت التروسو تاع البيبي ****


أنت اعطيلي ميزانية و فيها البيبي يعني نقولو العايلة فيها 3 أفراد

و مادابيا من 8 تاعو و مليون ونص تاعي نفضل شويا

بارك الله فيك

شوفي أنا راح نعطيك تقسيمي بصح ما نعرف يعجبك أم لا
يا ختي إنت راكي تبني و جايك بيبي حاولي تنقصي هالفليكسي و ها القازوز و غيره باش تقدري تبني و إلا دراهمك كاااااااامل تروح في الماكلة و الشراب
بالنسبة للفاردو تاع الما إشري هذاك الماء الطبيعي تاع الفراك تاع البوادن يشدلك أكثر و أرخص في الثمن
و للقازوز و العصير إشري فاردوات من اللوزين يحسبهالك أرخص إشري 4 للعصير 2 و للقازوز 2 تجيك ب 200 ألف و زيديها 50 ألف للماء هاذوم 250 ألف و 750 ألف إشري بيها الريفيطايمة اللي تحتاجيها هك قفلنا مليون و مليون خليه غير للحوم حطيه في ظرف واكتبي عليه لحوم بشرط ما تفوتيش مليون راه بزاااااااااايد هذاك المليون راه شهرية ناس أخرى يشرو منه كلش المهم ما تفوتيش مليون و المليون الثالث خليه للياؤورت و الحليب و الفورماج و غيره هك 3 ملاين و زيدي 2 ملاين و نص للطوموبيل ولات 5 ملاين و نص و 200 ألف فليكسي إنت 100 و هو 100 يعطوكم القراطوي ديرو بيه هك 5 ملاين و 700 ألف تبقالك مليون و 300 ألف من شهريته إذا راهي 7 ملاين و إذا 8 ملاين تبقالو 2 ملاين و 300 روحي وجدي بيها حوايج البيبي
و أما شهريتك حطيها على جنب سواء تبني بيها أو لأي ظرف طارئ
و إن شاء الله تعجبك طريقتي